Albistea entzun

Hizkuntza eskubideak jomugan

EH Bilduk epaileengana jo du, Iruñeko udal egutegia ez delako elebiduna

Egutegiak elebiduna behar luke, euskararen ordenantzan jasoa dagoenez. Araua urratu dutela gaitzesteko, EH Bilduk bi helegite aurkeztu ditu Nafarroako Administrazio Auzitegian.

Iruñeko Udalaren 2021. urteko egutegia.
Iruñeko Udalaren 2021. urteko egutegia. Iruñeko Udala Tamaina handiagoan ikusi

Uxue Rey Gorraiz -

2021eko azaroak 18

Enrique Maia buru duen udalak beste behin zokoratu du euskara; berriz ere, euskarazko hitzak ez dira ageri gaztelaniakoen parean. Iruñeko Udala 2022. urteari so ari da azkenaldian, eta, ohi denez, berea da udal egutegia diseinatzeko ardura. Euskararen ordenantzan jasoa dagoenez, ezinbestekoa da egutegi horiek elebidunak izatea. Ordea, Udalak kontra egin dio betebeharrari; araua urratu, eta bi egutegi mota argitaratzeko hautua egin du. Gaztelaniazkoa bata, euskarazkoa bestea. Iruñeko Udaleko EH Bilduk irmoki salatu du Enrique Maiaren taldearen jokabidea, eta auzitara jo dute: bi helegite aurkeztu dituzte Nafarroako Administrazio Auzitegian. Egutegien auziari dagokio lehenbizikoa; bigarrena, hizkuntz eskubideen beste urraketa batzuei.

EH Bilduren esanetan, Navarra Sumak euskarri elebidunen kontra egiteak asmo argia du atzean, eta hori da «okerrena». «Navarra Sumak modu kontzientean eta interesatuan egiten du, konfrontazioa sustatzeko, hiri honetako errealitate linguistikoetako bat diskriminatuz», salatu du EH Bilduk ohar batean. Izan ere, azaldu dutenez, gaztelaniazko bertsioa eta euskarazkoa euskarri bereizietan azaltzeak ezinbestean uzten du euskarazkoa ahulduago. Hain zuzen, berdin gertatu zen Twitter kontuekin ere. Udalak uko egin zion lehendik sortua zen kontuan mezu elebidunak argitaratzeari, eta bigarren kontu bat sortu zuen euskaraz aritzeko, artean jarraitzailerik gabekoa.

Halaber, EH Bilduk nabarmendu du Udalak berriz ere euskara bazter uzteko asmoa duela zenbait ekinbidetarako: hala nola informazio seinale, kartel eta plaka batzuk egiteko. «Hiriko hizkuntza koofizialetako batekiko ez ezik, hitz egiten duten pertsonekiko eta Nafarroako Administrazio Auzitegiaren irizpideekiko –euskararen ordenantzarekiko– ere errespetu falta lotsagabea da», salatu dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Maiaren adierazpenen aurkako protesta egin zuten ostegunean, SOS Arrazakeriak deituta. Irudian, manifestari bat, alkatearen aurkako afixa batekin. ©JESUS DIGES / EFE

Maia, datuek gezurtatua: delituen %0,3 dagozkie migratzaile adingabeei

Ion Orzaiz

Adingabeen Fiskaltzak 522 espediente ireki zituen iaz Nafarroan, eta soilik 99 izan ziren migratzaileei egotzitakoak. Iruñeko alkateak dioenaren kontrara, delitu horien ehunekoa apaldu egin da 2019tik
Frantziako Polizia osasun ziurtagiria eskatzen, Miarritzeko ostatu batean. ©GUILLAUME FAUVEAU

Txertatze ziurtagiriaren alde egin du Konstituzio Kontseiluak

Oihana Teyseyre Koskarat

Astelehenetik goiti beharrezkoa izanen da Ipar Euskal Herriko hainbat leku publikotara sartzeko. Kontseiluak atzera bota du ekitaldi politikoetan parte hartzeko agiria eskatzea

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.