Albistea entzun

Frantzia

Zemmour hautagai aurkeztu da Frantziako presidentetzarako bozetarako

Azken asteetan behera egin du eskuin muturreko polemistaren sostenguak. Igandean egingo du kanpainako lehen ekitaldi ofiziala, Parisen.

Eric Zemmur eskuin muturreko polemista Parisen. /
Eric Zemmur eskuin muturreko polemista Parisen. / IAN LANGSDON/EFE Tamaina handiagoan ikusi

Arantxa Elizegi Egilegor -

2021eko azaroak 30

Aspaldian iragarritako hautagaitza ofizialki aurkeztu du gaur eguerdian Eric Zemmour eskuin muturreko polemistak. Sare sozialetan argitaratutako bideo bidez iragarri du datorren urteko Frantziako presidentetzarako hauteskundeetara aurkezteko asmoa. 63 urteko polemistak babesa galdu du azken asteetan. Presidentegai izateko izenen artean harena zegoela zabaltzen hasi zenean, hainbat inkestak aurreratu zuten hura izan zitekeela Emmanuel Macron egungo presidentearen aurkaria bozen bigarren itzulian —Macronek berak ere ez du oraindik ofizial egin bere hautagaitza—. Azken egunetan, ordea, iragarpenak aldatuz joan dira, eta galdeketek eskuin muturreko hautagai Marine Le Peni ematen diote orain bigarren tokia.

Islamaren, migratzaileen eta emakumeen aurkako bere adierazpenengatik egin da ezagun Zemmour. Frantziaren burujabetza defendatzen du Europako Batasunaren aurrean. Haren diskurtsoa «Frantziaren gainbeheraren» ingurukoa da. Ez du ez alderdirik, ezta mugimendurik ere, baina haren aldeko sostengu taldeak sortu dira han-hemen. Haren gertuko hainbat lagun goizean goiz hasi dira Twitterren #Zemmourcandidat (Zemmour hautagai) hashtag-a erabiltzen.

Joan den larunbatean zeresana eman zuen eskuin muturreko polemistak, Marseillan egitekoa zuen ekitaldi batean oinezko bati erdiko hatza erakutsi zionean —aurrez hark ere gauza bera egin zuen—. Euskal Herrian ere izana da Zemmour, urri amaieran, bere liburua aurkezten. Miarritzen egin zuen ekitaldian, jende andana bildu zen haren aurka protestatzera, besteak beste, EH Baik, LABek, Les Bascosek, IPEH Antifaxistak eta GKSk deitu zituzten mobilizazioetan.

Presidentetzarako bozetarako kanpainako lehen ekitaldi ofiziala, hala ere, igandean egingo du, Parisen. Mugimendu eta elkarte antifaxistek iragarriak dituzten protestak, Isildu Zemmour lelopean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kosovoko lurraldea irudikatzen duen horma irudi bat, gainean <em>serbiarra</em> idatzia duela. ©ANDREI CUKIC / EFE

EBk dei egin die Serbiari eta Kosovori «malgu» jokatzeko, harremana normalizatzeko

Gorka Berasategi Otamendi

NATOk adierazi du esku hartzeko prest dagoela Balkanak ezegonkortzen badira. Vucicek bilera batera deitu ditu Kosovoko serbiarrak, iganderako

Bi emakume elkar besarkatzen, bonbek suntsitutako eraikin baten aldamenean, Kharkiven. ©VASILIY ZHLOBSKY / EFE

Errusiak ez du baztertzen Zaporizhiako zentrala ixtea

Arantxa Elizegi Egilegor

Zentral nuklearraren aurkako sabotaje bat prestatzea egotzi diote Moskuk eta Kievek elkarri. Hamabost lagun hil dituzte Kharkiven

Langile bat atseden hartzen Butxako hilerrian, Kiev iparraldean. Dozenaka hilotz agertu ziren hirian, Errusiako tropak erretiratu ostean. ©ROMAN PILIPEY / EFE

Errusiaren azpiegitura militarretatik urruntzeko eskatu die Kievek herritarrei

Arantxa Elizegi Egilegor

Erdoganekin eta Zelenskirekin bilduko da gaur NBEko idazkari nagusia Lviven. Moskuk ohartarazi du IAEAren misioak ezin duela desmilitarizazioa agindu

Pakistango herritarrak, montzoi garaiko euriteen ondorioz urak hartutako kaleetan, Karachin. ©XAHZAIB AKBER / EFE

Pakistanen gutxienez 635 lagun hil dira montzoi sasoiko uholdeetan

Gorka Berasategi Otamendi

Balutxistanen aurreko urteetan egin duen euria halako hiru bota du. Milioi bat lagun daude elikadura segurtasunik ezan gelditzeko zorian

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...