Albistea entzun

Iparraldeko hiri nagusietan maskara beharrezkoa izanen da karrikan

Eric Spitzek segurtatu du ostegunetik goiti maskararen erabilera derrigortuko duela zenbait hiritan, baita ziurtagiria eskatzen duten eremu publikoetan ere.

Baionako karriketan maskara derrigorrezkoa zeneko irudi bat, iragan urteko udan.
Baionako karriketan maskara derrigorrezkoa zeneko irudi bat, iragan urteko udan. Guillaume Fauveau Tamaina handiagoan ikusi

Oihana Teyseyre Koskarat -

2021eko abenduak 1

Olivier Veran Frantziako Osasun ministroak adierazi zuen prefetei eskumena emanen ziela maskararen erabilera berriz ezartzeko. Bada, Pirinio Atlantikoetako prefeta Eric Spitzek neurria martxan jartzea erabaki du, intzidentzia tasaren igoera ikusita. Dekretu ofiziala oraino atera ez bada ere, France Bleu irratian baieztatu du erabakia. Ostegunetik aurrera, beraz, maskara erabiltzea beharrezkoa izanen da Ipar Euskal Herriko hiri nagusietan, hala nola Baionan. Gainera, elkarretaratze handietan ere beharrezkoa izanen da, osasun ziurtagiria eskatzen duten leku publikoetan barne —kirol zelaien adibidea eman du—. Eguberriko merkatuetara sartzeko ere beharrezkoa izanen da maskara.

Azken egunetan osasun egoerak okerrera egin du Iparraldea barne duen Pirinio Atlantikoetako Departamenduan: 424 da zazpi eguneko intzidentzia metatuaren tasa; duela «hamar bat egun» 200 zen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Anbulantzia bat, Donostian. / ©Gorka Rubio, Foku

Gaitza pasatu dutenei hirugarren dosia bost hilabeteren buruan jartzeko gomendatu die orain Espainiako Osasun Batzordeak

Berria

Espainiako Osasun Ministerioak irizpidea aldatu du: urtarrilaren hasieran, lau aste nahikoa zirela esan zuen.

Barakaldon atzo indarkeria matxistaren aurka eginiko protesta bat. ©Marisol Ramirez / Foku

71 urteko gizon bat atxilotu dute Sopelan, etxeko langile bati sexu erasoa egitea leporatuta

Berria

Gizonezkoak duela gutxi kontratatua zuen langilea; aske utzi dute, karguekin, eta emakumearengandik urruntzeko agindua ezarri diote.

Carmen Maeztu, erdian, aurreko agerraldi batean. / ©Iñigo Uriz, Foku

Maeztuk tutoretzapeko gazteen inguruko «polemika» bideratu nahi du

Iosu Alberdi

Enrique Maia Iruñeko alkatearekin bildu da Nafarroako Eskubide Sozialen kontseilaria. «Existitu beharko ez litzatekeen polemika hori» bideratzeko beharra nabarmendu du.

Haur batzuk futbolean, artxiboko irudian ©monika del valle / foku

Eusko Jaurlaritzak eskola kirola baimendu du

Irati Urdalleta Lete

Asteburu honetan, umeek eskola kiroleko lehiaketak egiteko aukera izango dute berriz ere.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.