Albistea entzun

Urkulluk esan du Labiren bilerarako deia egingo duela, osasun larrialdia ezartzeko

Osasun larrialdia ezartzearekin batera indarrean sartuko diren neurri murriztaile berriak adostuko dituzte bileran. COVID ziurtagiria noiz eta nola ezarriko den ere zehaztuko dute. Bilera ostiralean izango dela adierazi dute hainbat hedabidek, baina holakorik ez du ziurtatu lehendakariak.

Labik urriaren 5ean egin zuen azken bilera
Labik urriaren 5ean egin zuen azken bilera Jaizki Fontaneda/ Foku Tamaina handiagoan ikusi

Edurne Begiristain -

2021eko abenduak 1

Iñigo Urkullu Eusko Jaurlaritzako lehendakariak Labiren bilerara deitukodu, osasun larrialdi egoera ezartzeko eta COVID ziurtagiria martxan jartzeko. Albiste agentziek zabaldu dutenez, ostiral arratsalderako deitu ditu erakundeetako ordezkariak Labiren bilerara. Bertan zehaztuko dituzte osasun larrialdia ezartzearekin batera indarrean sartuko diren neurri murriztaile berriak. Besteak beste, COVID ziurtagiria nola eta noiz ezarriko duten zehaztuko dute bilera horretan.Urkulluk hedabideen aurrean egindako adierazpenetan zehaztu du, hala ere, ez dela ziurra bilera ostiralean egingo den.

Pandemiaren aurkako legeak aukera ematen dio Jaurlaritzari birusa hesitzeko helburuz hainbat neurri zorrozteko. Edukierak edota talde bilerak mugatzea daude horien artean. Ordea, Jaurlaritzaren eskumenen artean ez dago mugikortasuna mugatzea, eta, beraz, osasun larrialdia ezarrita ere, Jaurlaritzak ezingo luke ezarri itxiera perimetralik edo etxeratze agindurik.

Eusko Jaurlaritzak joan den urriaren 6an indargabetu zuen osasun larrialdia, eta ordura arteko neurrien ardura izan zuen Labi batzordea ere, eta hurrengo egunetik aurrera bertan behera geratu ziren ordura arte egon ziren neurri gehienak. Haatik, bilakaera epidemiologikoak txarrera egin duela-eta, atzo Gotzone Sagardui Eusko Jaurlaritzako Osasun sailburuak iragarri zuen berriro ezarriko dutela osasun larrialdia. Osasun larrialdia ezartzeko, Espainiako Auzitegi Gorenean osasun neurrien inguruan lehengo astean jarri zuten helegitearen erantzunaren zain geratuko zirela azaldu zuen Sagarduik eguerdian egin zuen agerraldian, eta Gorenak atzo bertan eman zion oniritzia ziurtagiria ezartzeari.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zigoitian bi emakume hil ziren istripu batean, kamioi batek haien autoa jota. ©DAVID AGUILAR / EFE

Euskal Herriko errepideetan 85 lagun hil dira istripuz urtebetean

Irati Urdalleta Lete

Pandemiak 2020an eragindako geldialdiaren ostean, 2021ean gidariak berriz atera dira errepidera, eta, horrekin batera, %20 ugaritu dira heriotzak. Hildakoen %82 gizonezkoak izan dira
<b>ZIUak, beteago.</b> Osasun langile bat gaixo bat artatzen, Gurutzetako ospitaleko ZIUan. ©MARISOL RAMIREZ /FOKU

Birusarekin 129 lagun zendu dira Hego Euskal Herrian aste bakar batean

Edurne Begiristain

Joan den urteko otsailaren erdian erregistratutako datuen parekoa da. 180 eri daude ZIUetan, larri. Hirugarren dosia 30-39 adin tartekoei zabaldu die Osakidetzak
2021 urteko balantze korporatiboa

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.