Albistea entzun

13/13 AUZIA

Auzipetuek «kezka» agertu dute zer epai etorriko ote den

Ondorio «pertsonaletatik» haratago, ez lukete nahi etortzekoa den sententziak «iraganeko parametroetara» eramatea: «Oso larria litzateke 13/13 auziak espetxe zigorrak ekarriko balitu». «Guztien konpromisoa» eskatu dute.

Auzipetuak eta abokatuak, gaur, Bilbon eginiko agerraldian.
Auzipetuak eta abokatuak, gaur, Bilbon eginiko agerraldian. JON URBE / FOKU Tamaina handiagoan ikusi

Maddi Ane Txoperena Iribarren -

2021eko abenduak 2

Joan den azaroan finitu zen 13/13 auziko epaiketa, Espainiako Auzitegi Nazionalean, eta auzipetuak sententziaren zain daude ordutik. «Kezka» azaldu dute zer-nolako epaia etorriko ote den: alde batetik, ekar liezazkiekeen ondorio pertsonalengatik; eta, bertzetik, eta, «batez ere», zigor epai batek «iraganeko parametroetara» eramanen dituen beldur direlako: «Dena ETA da hartara, epailetza ikuspegi errepresibo batetik erabiltzeko joera hartara... Azken batean, euskal gizarteak gainditutzat zituen parametroetara». Hori hala izan ez dadin eta «atzerapausorik» gerta ez dadin, «guztien konpromisoa» galdegin dute, hala euskal herritarrena nola alderdi, sindikatu eta bertzelako eragileena ere. Jakinarazi dutenez, harremanetan jarri dira hainbat alderdi eta sindikaturekin, baita Eusko Legebiltzarreko giza eskubideen batzordearekin ere.

Arantza Zulueta auzipetuak eta Aiert Larrarte abokatuak hartu dute hitza Bilbon egindako agerraldian, eta, Larrartek nabarmendu duenez, aitzinetik salatu zituzten irregulartasunak «berretsi» egin dira epaiketan: bertzeak bertze, auzipetuei ez zaizkie errespetatu defentsarako eskubidea eta berme guztiak dituen auzi bat izatekoa. Zuluetak Jose Perals fiskalak auzi saio batean egindako hitzak salatu ditu, bereziki: «Zur eta lur gelditu ginen esan zuenean ETA ez dela desagertu». 13/13 auziko auzipetuaren ustez hitz horien atzean «iraganeko neurriak justifikatzeko saiakera bat besterik» ez dago: «Berriz ere iraganeko parametroetan erosoago dauden sektoreen jarrera arduragabe eta ulertezina».

Auzipetuen izenean Zuluetak gogoratu du haien atxiloketak Aieteko konferentziaren «atarian» gertatu zirela, eta nabarmendu du konferentzia haren helburuak «gatazkaren ondorioak desagerrarazteari ekitea» eta «gatazkaren konponbidea ukazio eta konfrontazio parametroetatik ateratzea» zirela, «irtenbide demokratiko eta politikoaren esparruan kokatzeko». Nabarmendu du «herritar askok» egin zutela bat helburu horiekin, eta ETAk indarkeria armatua uzteko adierazpena egin zuela hurrena. «Guk geuk ere gure ekarpenak norabide horretan egiten saiatu ginen, EPPK eztabaida eta gogoeta horretan murgildu zedin». Auzipetuek uste dute fruituak eman zituela: «11 urte geroago, inongo zalantzarik gabe, gure ekarpena lagungarria izan zela esan dezakegu».

Gaur egun ere horretan segitzeko prestutasuna erakutsi dute: «Berriro ere adierazten dugu beti egon garela salbuespeneko legediaren aurka». Bide horretan, uste dute «oso larria» litzatekeela 13/13 auziak «espetxe zigorrak» ekartzea: «Bake eta bizikidetzan oinarritutako etorkizuna guztion artean eraikitzeko gure konpromisoa berresten dugu, iraganeko jarrera eta jokabideak baztertuz».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Altsasuko gazteen alde egindako mobilizazio bat, 2019ko urrian. ©IÑIGO URIZ / FOKU

Estrasburgok ez du aintzat hartu Altsasuko auziko gazteek egindako salaketa

Gotzon Hermosilla

Auziak Europan izan zezakeen bide judiziala amaitu egin da. Gizarteak emandako babesa nabarmendu du Altsasu Gurasoak plataformak
<em>Mozal legearen</em> aurka egindako protesta bat, Iruñean. ©JAGOBA MANTEROLA / FOKU

Mozala nola kendu

Iosu Alberdi

Kongresuko Barne Gaietarako Batzordera iritsi da 'mozal legea' erreformatzeko proposamena. Indar parlamentarioen lana izango da orain aldaketen nondik norakoak eztabaidatu eta adostea.
Sortuko zenbait militanteren agerraldia, ETAren jarduera armatuaren 10. urteurrenaren harira. ©JAGOBA MANTEROLA / FOKU

Sortuko kideek Nazio Kontseilurako hautagaiak bozkatuko dituzte gaurtik

Jon O. Urain

Nazio Kontseilua osatzeko hamar hautagaien berri eman du Sortuk. Etzi arte eman ahalko dute botoa; emaitzak, larunbateko ekitaldian

EH Bildu eta PSE-EE bildu dira gaur, Bilbon ©Amaya Diaz-Emparanza

Anduezak adierazi du ez duela proiekturik partekatuko EH Bildurekin, ETA gaitzetsi arte

Oihane Puertas Ramirez

Anduezak uste du bi alderdiek zenbait herritan dituzten akordioak «puntualak» eta positiboak direla, baina ez du uste egoera egokia denik «pisuzko akordioak» egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.