Albistea entzun

Urrutikoetxea-Aranguren 22-16 Peña II.a-Albisu

Bigarren garaipena Urrutikoetxea-Arangurenentzat

Ezustekoa eman eta bikote faboritoetako bati irabazi diote. Urrutikoetxea izan da partidako onena. Emakume Master Cupeko lau eta erdiko finala Miriam Arrillagak eta Amaia Aldaik jokatuko dute.

Urrutikoetxea eta Aranguren besarkatuta, gaur, Bilbon, Albisuri eta Peñari irabazi berritan.
Urrutikoetxea eta Aranguren besarkatuta, gaur, Bilbon, Albisuri eta Peñari irabazi berritan. Marisol Ramirez / Foku Tamaina handiagoan ikusi

Berria -

2021eko abenduak 5

Urrutikoetxearen errematea eta Arangurenen segurtasuna. Bi osagai horiekin lortu du bikoteak Binakako Txapelketako bigarren garaipena, gaur, Bilbon. 22-16 gailendu zaizkie Jon Ander Peñari eta Jon Ander Albisuri. Hiru neurketatik bakarra irabazi dute haiek.

6-6ra arte neurketa berdindua izan da, baina gero Urrutikoetxearen ezkerrak agindu du. 17-11 aurreratu dira irabazleak, eta Peña II.ak eta Albisuk osatutako bikotea 17-16raino gerturatu den arren, hainbat akatsek 22ra heltzea ahalbidetu diete Urrutikoetxeari eta Arangureni.

Hirugarren jardunaldia atzo hasi zen Lizarran (Nafarroa), Jaka-Mariezkurrena II.aren garaipenarekin (22-21 Laso-Imazen aurka). Bihar Tolosan (Gipuzkoa) jokatuko dute Altuna III.a-Martijak Elezkano II.a-Zabaletaren aurka, eta asteazkenean, Bergaran (Gipuzkoa), Ezkurdia-Tolosak Irribarria-Rezustaren aurka. Momentuz, Elezkano eta Zabaleta dira neurketarik galdu gabe jarraitzen duten bakarrak.

Finala, Arrillaga-Aldai

Bestalde, gaur goizean jokatu dira Emakume Master Cupeko lau eta erdiko txapelketako finalaurrekoak. Miriam Arrillagak 22-15 irabazi dio Enara Gaminderi, eta Amaia Aldaik 22-19 Olatz Arrizabalagari. Bi garaileek abenduaren 19an jokatuko dute finala Mungian (Bizkaia).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Lehia bakar bat ez dugu hasi eta buka ondo jokatu»

Julen Etxeberria

Elezkano II.ak eta Zabaletak txapela irabazi zuten iaz, eta aurten ere bikain hasi ziren, lehen zortzi partidetatik zazpi irabazita. Baina galdu egin dituzte azkeneko biak. Atzelariak dio «konfiantza pixka bat» falta zaiela, baina «ziur» da suspertuko direla.
Portugaleteko emakumezkoen trainerua uretan sartu berritan, igandean herrian bertan jokatu zen traineru jaitsieraren aurretik. ©I. SUAREZ / SAN NIKOLAS ARRAUN ELKARTEA

Portugaletek emakumezkoen trainerua izango du berriz aurten

Aitor Manterola Garate

Portugaletek emakumezkoen trainerua izango du berriz aurten. Etxeko arraunlariz osatuta egongo da ia erabat, eta 2018an hasi zen ametsa beteko dute. Urtebete lehenago lehiatu zen soilik 'Jarrillera'.

Kopuruz antzera, baina soinean kolore berriak dituztela

Kopuruz antzera, baina soinean kolore berriak dituztela

Eñaut Agirrebengoa

Euskal Herriko 42 txirrindulari ariko dira aurten profesionaletan, horietatik hamabi World Tourrean. Movistar bilakatu da eliteko bilgune

«Movistarren, baldintza guztiak betetzen dira ongi eta gustura sentitu nadin»

«Movistarren, baldintza guztiak betetzen dira ongi eta gustura sentitu nadin»

Eñaut Agirrebengoa

Bi urtez Astanan aritu ondoren, denboraldi honetan Movistarren elastikoa jantziko du Aranburuk. Elitean urratsak egiten jarraitu nahi du, arreta klasikoetan jarrita. Printzipioz, ez da lehiatuko Euskal Herriko Itzulian.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.