Albistea entzun

Migrazioak

Ziburun trenak harrapatuta zaurituriko etorkinak eta hiru elkartek salaketa jarri dute

Nahi gabeko hilketagatik, bizia arriskuan jartzeagatik, nahi gabeko zauriengatik, eta pozoitzeagatik jarri dute salaketa Cimade, Anafe, eta Gisti elkarteek, istriputik zauriturik atera zen etorkinarekin batera.

Ziburun hildako hiru migranteen heriotzak salatzeko protesta
Ziburun hildako hiru migranteen heriotzak salatzeko protesta Guillaume Fauveau Tamaina handiagoan ikusi

Oihana Teyseyre Koskarat -

2021eko abenduak 6

Iragan urriaren 12an gertatu zen ezbeharra, Ziburun (Lapurdi). Hendaiatik (Lapurdi) Bordelera (Okzitania) zihoan trenak lau lagun harrapatu zituen, trenbidean etzanik zeudela. Horietako hiru hil dira, eta laugarrena Baionako erietxera eraman behar izan zuten, larri. Baionako prokuradoreak baieztatu zuen laurak Aljeriatik zetozela, eta migrazioaren bidean zeudela, Baionara iritsi nahian. Bada, etorkinen defentsarako hiru elkartek eta zauriturik atera zen gizonak Baionako fiskalaren aitzinean salaketa jartzea erabaki dute: nahi gabeko hilketagatik, bizia arriskuan jartzeagatik, nahi gabeko zauriengatik, eta pozoitzeagatik.

Izan ere, istripua gertatu eta bi egunera, Frantziako Poliziak istriputik ongi atera zen bosgarren gizon bat atxilotu zuen, Baionan. Zauriturik atera zenak kontatutakoaren arabera, ordea, pasatzaile gisa kontratatu zuten bosgarrena, eta susmoa du pozoitu ote zituen gainerako laurak. Haren abokatuak Sud Ouest-i kontatu dionez, «pentsaezina da» laurak lo gelditu izana, «normalean batek zaintza lana» egiten zuelako.

Bestalde, Baionako Fiskalak istripua gertatu eta berehala ireki zuen ikerketa, «heriotzaren arrazoiak» zuzen zein izan diren aztertzeko. Frantziako Auzi Poliziak eta Frantziako Aireko eta Mugetako Poliziak eramaten dute ikerketa. Elkarteek eta bizirik atera denak ezarritako salaketak «ikerketaren barneko eztabaidak» argituko dituela uste du abokatuak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zigoitian bi emakume hil ziren istripu batean, kamioi batek haien autoa jota. ©DAVID AGUILAR / EFE

Euskal Herriko errepideetan 85 lagun hil dira istripuz urtebetean

Irati Urdalleta Lete

Pandemiak 2020an eragindako geldialdiaren ostean, 2021ean gidariak berriz atera dira errepidera, eta, horrekin batera, %20 ugaritu dira heriotzak. Hildakoen %82 gizonezkoak izan dira
<b>ZIUak, beteago.</b> Osasun langile bat gaixo bat artatzen, Gurutzetako ospitaleko ZIUan. ©MARISOL RAMIREZ /FOKU

Birusarekin 129 lagun zendu dira Hego Euskal Herrian aste bakar batean

Edurne Begiristain

Joan den urteko otsailaren erdian erregistratutako datuen parekoa da. 180 eri daude ZIUetan, larri. Hirugarren dosia 30-39 adin tartekoei zabaldu die Osakidetzak
2021 urteko balantze korporatiboa

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.