Albistea entzun

Lan gatazkak

Alestiseko langileek espero dute iazko 85 kaleratzeak indargabetuko dituela Auzitegi Gorenak

Bihar hasiko dira epaitzen enplegu erregulazioari jarritako helegitea, Madrilen. Konpainia handiek eskariak egin dizkietela eta, gogorarazi dute hegazkingintza sektorea lehengoratzen hasia dela.

Langileek agerraldia egin dute gaur goizean, Gasteizen.
Langileek agerraldia egin dute gaur goizean, Gasteizen. Endika Portillo/Foku Tamaina handiagoan ikusi

Aitor Biain -

2021eko abenduak 14

Litekeena da Alestis hegazkingintza osagaien enpresako lan gatazka datozen egunetan amaitzea, Espainiako Auzitegi Gorenak erabakiko baitu kaleratzeak legezkoak izan ziren edo ez. Bihar dira helegitea aztertzen hastekoak, Madrilen. Urtebete da Miñaoko Teknologia Parkeko lantegian (Araba) 85 langile kaleratu zituztela, eta, Auzitegi Nazionalak ontzat jo bazituen ere, langile batzordeak uste du kaleratzeak «arrazoi objektiborik gabe» egin zirela, eta osasun egoera koiunturala baliatu zela Gasteizko planta «desegiteko».

Langile batzordeak gogorarazi du Gorenaren epaia bereziki garrantzitsua izango dela, irizpideak finkatuko dituelako eta jurisprudentzia sortuko duelako sektoreko gainerako kasuetarako, hala nola Aernnova eta ITPren kasuetarako. Langileek aldeko epaia jasotzea espero dute, eta kaleratutako langile guztiak lanera itzultzeko eskatu dute. Gainontzean, ohartarazi dute langileek banakako helegiteak jarriko dituztela, uste dutelako enpresak «gehiegikeriaz» jokatu zuela eta ez zituela bete erregulazio txostenean ezarritako izendapen irizpideak.

Edonola ere, ikusi beharko da emaitza zen den; izan ere, Alestisek Gasteizen duen plantako langileek erregulazioaren aurka bozkatu bazuten ere, negoziazioa Espainiako plantako ordezkariekin batera izan zen, eta CCOO eta UGT sindikatuen babesa jaso zuen zuzendaritzaren erabakiak. Horrek, bada, balantzak alde batera edo bestera egitea eragin dezake.

Eskariak gora
Gasteizko langileen ordezkariek adierazi dute hegazkingintza sektorea «leheneratze prozesuan» dagoela gaur egun, Airbus, Boeing, Embraer eta halako konpainia handiak eskariak egiten hasiak direlako. «Airbusen eskaera irmoak 7.000 hegazkin baino gehiagokoak dira, eta gainerako enpresenek ere gorantz jarraitzen dute», adierazi dute.

Horregatik, bestelako neurriak hartu zitezkeela gogorarazi dute: «Behin-behineko arazo baten aurrean ezin zen egiturazko neurririk aplikatu; egoeraren araberako beste neurri batzuk har zitezkeen, hala nola lanaldi murrizketak, aldi baterako erregulazioak eta abar».

Batzordearen arabera, gainera, Gasteizko plantak egun dituen langileak ez dira aski jasotzen ari diren eskariei aurre egiteko, eta beldur dira lan hori beste lantegi batzuetara eramango ote duten. Horiek horrela, Eusko Jaurlaritzari eskatu diote lanpostuak defendatzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

ELAko Esther Saavedra, Igor Eizagirre eta Miren Zubizarreta, Donostian ostegun honetan eginiko prentsaurrekoan. ©Jon Urbe / Foku

ELAk salatu du Jaurlaritzak lanpostu publikoak «pribatizatzeko» atea zabaldu duela

Jokin Sagarzazu

Sindikatuaren arabera, Urkulluren gobernua legea urratzen ari da lan eskaintza publikoko deialdietan, eta baliteke auzitara jotzea. Egoera «bereziki kezkagarria» da Osakidetzan eta hezkuntzan: behin-behinekotasuna %40tik gora mantenduko dela dio.

Lan Ikuskaritzaren aginduz geratutako lan bat, Donostian. ©Juan Carlos Ruiz / Foku

Jaurlaritzak 3.559 enpresa ohartaraziko ditu kontratu irregularrak izateagatik

Iker Aranburu

Datozen egunotan gutunak bidaliko dizkie Lan Ikuskaritzak, 9.950 kontratu lan erreformara egokitu ditzaten. 

Urkullu lehendakaria, asteazken honetan, Next Generation funtsen inguruan Bilbon eginiko jardunaldietan ©Jon Rodriguez / Irekia

Europako kredituen banaketan parte hartu nahi du Jaurlaritzak

Jokin Sagarzazu

Laguntza zuzenen banaketa bizkortzeko eskatu dio Espainiako Gobernuari, eta enpresa txikiak kanpoan ez uzteko.

Josu Aztiria Orai NLP Teknologiakeko koordinatzailea, asteazken honetan. ©Gorka Rubio / Foku

Adimen artifizialean sakontzeko apustua egin du Elhuyarrek, Orai markarekin

Iker Aranburu

Ahots bidezko komunikazio digitalerako tresna berriak garatuko ditu Oraik, enpresentzat eta erakundeentzat. Elhuyarrek hogei urteko esperientzia du hizkuntza teknologietan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...