Albistea entzun

Musika

Non Servium, The Baboon Show, Pleura eta beste izango dira 26. Hatortxu Rocken

Udako elkartasun jaialdian parte hartuko duten lehen taldeak iragarri dituzte antolatzaileek. Stay Homas, ETS, Rotten XIII, Green Valley eta Herdoil ere horien artean daude.

2917ko Hatortxu Rock jaialdia, Lakuntzan.
2917ko Hatortxu Rock jaialdia, Lakuntzan. Idoia Zabaleta / Foku Tamaina handiagoan ikusi

Berria -

2021eko abenduak 18

Pandemiaren ondorioz hartutako neurriek eta egoeraren ziurgabetasunak ezindu egin dute Hatortxu Rock jaialdia ohi bezala egitea, iaz bezala, aurten ere. Gaur ziren egitekoak egun osoko jaialdia, baina azaroaren amaieran jakinarazi zuten bertan behera uzteko erabakia. Ordutik udako "aldi bereziaren" prestaketan murgilduta daudela esan dute. Uztailaren 29an eta 30ean izango da, Atarrabian (Nafarroa), eta bertan ariko diren lehen taldeak jakinarazi dituzte: ostiralean, hilaren 29an, The Baboon Show, ETS eta Pleurak joko dute; eta biharamunean, Stay Homas, Rotten XIII, Herdoil eta Green Valleyk. Ez dira bakarrak izango, ordea. "Datozen hilabeteetan beste asko batuko dira elkartasun jaialdi honetara", adierazi dute, ohar bidez.

26. Hatortxu Rockerako lehen izenak iragartzearekin batera, eguneko sarrerak ere eskuragai jarri dituzte antolatzaileek euren webgunean. Bi eguneko bonua duela aste batzuk jarri zuten salgai, 55 eurotan, eta 30 eurotan jarri dute orain egunekoa.

Azkenean bertan behera utzitako jaialdirako sarrera erosia zutenei dirua itzultzeko lanetan ari direla ere jakinarazi dute. Eskariak kudeatzen ari direla adierazi dute, eta dirua datozen egunetan itzuliko dietela. Herritar ugarik, ordea, uko egin diote sarreren dirua bueltan jasotzeari, eta esker bereziak eman dizkiete haiei. "Zuei esker, aurten Hatortxuk ez du galerarik izango eta, beste urte batzuetako tamainakoa ez den arren, dispertsioak eragiten dituen gastuak leuntzeko ekarpen bat egiteko moduan egongo gara", eskertu dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Anari Alberdi. ©JABOGA MANTEROLA / FOKU

Prosaz haragoko udazken bat

Iñigo Astiz

Anari Alberdiren liburua da udazkeneko literatur nobedaderik deigarrienetako bat, baina Agirreren, Epaltzaren eta Ibarzabalen nobelak, Zalduaren ipuinak eta komiki esanguratsuak ere badira tartean
 ©ANDONI CANELLADA / FOKU

«Oraindik ez naiz igandeko zurrunbilotik guztiz atera»

Miren Mujika Telleria

Joanes Illarregi izan zen nagusi Bertsolari Txapelketa Nagusiko bigarren kanporaketan. Eta, hain zuzen ere, garaipen horrek berak eman dio finalaurrekoetarako aukera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...