Albistea entzun
Emakumeen aurkako indarkeriari ez
Emakumeen aurkako indarkeriari ez

Euskal presoak

ETAko ustezko kideen aurkako bertze auzibide bat ireki dute

Espainiako Auzitegi Nazionalak ikerketa bat abiatu du 11 euskal herritarren aurka, 2000ko urriaren 30ean Jose Francisco Querol magistratua eta haren bizkartzaina eta txoferra hiltzea leporatuta. Marixol Iparragirre, Jon Olarra eta Ainhoa Mujika EPPK-ko mintzakideak daude ikertuen artean.

Marixol Iparragirre, joan den martxoan, Espainiako Auzitegi Nazionalean. Ikertuen artean dago bera ere.
Marixol Iparragirre, joan den martxoan, Espainiako Auzitegi Nazionalean. Ikertuen artean dago bera ere. Juan Carlos Hidalgo / EFE Tamaina handiagoan ikusi

Maddi Ane Txoperena Iribarren -

2021eko abenduak 20 12:06

Espainiako Auzitegi Nazionalak bertze auzibide bat ireki du ustezko 11 etakideren aurka. Dignidad y Justicia biktimen elkarteak ezarritako kereila bat du abiapuntu: auzitegiak tramiterako onartu du, eta ikerketa abiatu du hainbat euskal herritarren aurka. 2000ko urriaren 30ean Jose Francisco Querol Espainiako Auzitegi Goreneko epailea eta haren bizkartzain Jesus Escudero eta Armando Medina txoferra hiltzea leporatuta ikertuko dituzte. Madrilen hil zituzten hirurak, bonba-auto bat leherrarazita.

Ikertuen artean EPPK Euskal Preso Politikoen Kolektiboko mintzaideak daude: Jon Olarra, Ainhoa Mujika eta Marixol Iparragirre. Preso ohiak dira bertze batzuk: Mikel Albisu, Vicente Goikoetxea, Iñaki Gracia Arregi eta Ramon Sagartzazu. Bertze batzuk, presoak: Gorka Palacios, Xabier Garcia, Asier Oiartzabal eta Juankar Iglesias.

Espainiako Auzitegi Nazionaleko Santiago Pedraz epaileak abiarazi du ikerketa, eta Espainiako Poliziari eta Guardia Zibilari garai hartako ETAko egiturari buruzko informazioa eskatu die.

EPPKren «kezka»

Joan den abenduaren 3an Logroñoko espetxean batu ziren Agus Hernan Foro Sozialeko bozeramailea eta Olarra eta Mujika EPPK-ko mintzaideak, eta, hain justu, EPPK-ko kideek «kezka» erakutsi zuten «pertsona batzuei eragiten dieten sumario berriak irekitzeko dagoen bultzada judizialagatik». Hala azaldu zuen foroak bileraren ondotik: «EPPKren aburuz, [ebatzi gabeko kasuen] errealitate hori guztia gatazken konponbidearen ikuspegitik aztertu beharko litzateke, nazioarteko estandarrek definitzen duten bezala, Justizia Trantsizionalaren doktrina baten barruan, eta, hala badagokio, Egiaren Batzorde bat sortuz, lortu ahal izateko, hain zuzen ere, egia, aitortza, erreparazioa, eta geratutakoa berriro ez errepikatzea». Presoen kolektiboak foroari adierazi zion helburuak ez lukeela «inola ere» izan behar «mendekuaren eta sufrimenduaren noriatik irtetea eragozten duten eta, azken batean, indarkeriaren zikloaren ondorioen konponbidearen behin betiko amaieratik urruntzen» duten «salaketak, auzipetzeak eta zigorrak ezartzea».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

EH Baiko zuzendaritza berria, Baionan ©EH Bai

Euskal Herri burujabea helburu, lurralde elkargo berezia aldarrikatuko du EH Baik

Ekhi Erremundegi Beloki

2022-2026 aldirako bide orri politikoa onartu eta ondoko urteetarako zuzendaritza berria hautatu dute ezkerreko mugimendu abertzaleko kideek. «Karrikan eta instituzioetan borrokatzeko» borondatea erakutsi dute, eta EH Bildureko duten hitzarmen estrategikoa «indartu eta berrituko» dutela erran dute.

KEM talde antimilitaristaren ekintza, Bilboko koartelean. ©BERRIA

«Kuartela auzoarena izan arte!»

Imanol Magro Eizmendi

Hiru igeltsero antimilitaristak Bilboko Juan de Garay kuartel militarra eraisteko lanekin jarraitu dute. 6.500 metro koadroko orubea Iralako auzotarren esku gelditu dadin egin dute lan. Ertzaintzak kalteak eragitea leporatu die.

Foro Sozialak antolatutako mahai inguruko partehartzaileak, herenegun, Donostian. ©ANDONI CANELLADA / FOKU

«Aitortzarako bide bat» zabaldu du Poliziaren Biktimen Balorazio Batzordeak

Julen Aperribai

Poliziaren Biktimen Balorazio Batzordeko presidente Juana Balmasedak biktima horien aitortzan batzordeak egindakoa goretsi du. Lan hori trabatzeko mekanismoak martxan direla ohartarazi du.

EH Baiko kideak, uztailean, kongresuaren aurkezpenean. ©GUILLAUME FAUVEAU

Ezkerreko abertzale guziak biltzeko gai izan nahi du EH Baik

Ekhi Erremundegi Beloki

Bihar eginen du lehen kongresua ezkerreko abertzaleen mugimenduak, eta ondoko urteetarako bide orri politikoa bozkatuko dute. «Parte hartze handia» nabarmendu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.