Albistea entzun

Israelek laugarren dosia jarriko die 60 urtetik gorakoei eta osasun langileei

Bigarren eta hirugarren dosiaren arteko tartea bost hilabetetik hirura murriztea aholkatu du Tel Avivek. Omikron aldaeraren kasuak laukoiztu egin dira astebetean munduan.

Langile bat koronabirus probak biltzen, Jerusalemen. /
Langile bat koronabirus probak biltzen, Jerusalemen. / Atef Safadi/EFE Tamaina handiagoan ikusi

Arantxa Elizegi Egilegor -

2021eko abenduak 22

Hirugarren dosia hartua dute dagoeneko Israelgo herritar gehienek —hura izan zen oroitzapen dosia banatu zuen lehen estatua—, baina gobernuko aholkulari taldeak dagoeneko esan du laugarrena ere hartu beharko luketela 60 urtetik gorakoek eta osasun langileek. Neurria atzo gauean iragarri zuen Tel Avivek, baina Osasun Ministerioaren onespena beharko luke oraindik.

Bestelako neurriak ere iragarri zituen aholkulari taldeak: besteak beste, merkataritza gune handietan pertsona bakarra egotea hamabost metro koadroko tarte bakoitzean, eta bi dosiak jasoak dituztela frogatzea ehun metro koadro baino handiagoak diren lokaletara sartu nahi dutenek. Langileei ere eskatuko zaie txertaketa ziurtagiria merkataritza gune handietan. Jatetxe eta tabernetan, berriz, debekatuta egongo da barruan jan edo edatea. Oinarrizko zerbitzuak eskaintzen dituzten guneetan, aldiz, ez dute ziurtagiririk eskatuko, baina edukiera mugatua izango dute. Horrez gain, langile publikoek etxetik lan egingo dute igandetik aurrera, hilabetez.

Omikron aldaerari aurre egiteko hartu dituzte neurriok Israelen. Izan ere, OME Osasunaren Mundu Erakundearen arabera, aldaera berriaren kasuak laukoiztu egin dira azken astean munduan: 14.000 kasu atzeman dituzte azken zazpi egunetan. Hala ere, datuok ez dira zehatzak. Izan ere, soilik 40 kasutik bat aztertzen da laborategietan; beraz, ezin liteke jakin ziur zenbat diren zehazki omikron aldaeraz kutsatutakoak. Oraingoz, adituek diote aldaera berriak ez dituela sintoma larriagoak eragiten, baina hura nagusitzen hasia den herrialdeetan, Erresuma Batuan eta Hegoafrikan kasurako, erietxeen gaineko presioak nabarmen egin du gora.

Mundu osoan ari dira murrizketak gogortzen, batez ere neguko oporrei begira. Finlandiak, esaterako, iragarri du tabernek gaueko bederatzietan utzi beharko diotela alkohola saltzeari Gabonetan, eta ordubete beranduago itxi beharko dituztela ateak. Neurriak gogortu egingo dituzte Urtezahar egunaren bezperan; orduan, tabernek arratsaldeko bostetan utzi beharko diote alkohola saltzeari, eta seietan itxi beharko dituzte ateak. Gehiago ere badira antzeko neurriak iragarri dituztenak. Alemaniak, adibidez, taldeetan bildu daitekeen jende kopurua mugatuko du: gehienez ere, hamar lagun elkartu ahal izango dira, txertatuta dauden herritarrak eta gaitza gainditu dutenak barne.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Salomon Uharteetako Atzerri ministroa eta Txinakoa, 2019an egindako bilera batean, Pekinen. ©MARK SCHIEFELBEIN / EFE

Txinak segurtasun ituna adostu nahi du Pazifikoko uharteekin

Mikel O. Iribar

Pekinek partaidetza «handiagoa» izan gura du zibersegurtasunean eta itsas baliabideen ustiapenetan. Txinako Atzerri ministroa hamar herrialdetako agintariekin batzartuko da
 ©JON URBE, FOKU

«Abortua konstituzioan egotea eredu izango da nazioartean»

Jon Ordoñez Garmendia

2019ko errebolta soziala su txikian egosi zela dio Javiera Manzik, bor-bor egon zirela aurrekari asko, eta horiek definitu dutela prozesu konstituziogilea. Emaitzarekin bat egin dute Txileko feministek.
 ©Parker Song / EFE

Txinak segurtasuna handitzeko akordioa lortu nahi du Pazifikoko hamar herrialdekin

Mikel O. Iribar

Pekinek «partaidetza handiagoa» izatea nahi du polizia zaintzan, zibersegurtasunean eta itsas kartografian. Itunak kezka handia eragin diezaioke Mendebaldeari. 

Gazte batek hainbat lagun hil ditu Texasko ikastetxe batean

«Zergatik da gurea halako sarraskiak gertatzen diren herrialde bakarra?»

Paulo Ostolaza

Gazte batek hemeretzi haur hil zituen herenegun AEBetako eskola batean, eta Joe Biden herrialdeko presidenteak nabarmendu du heldu dela armen lobbyari aurre egiten hasteko garaia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...