Emakume etxegabe bat hil da gaur goizean Bilbon, Zabalgune plazan. Dirudienez, inguru horretan igaro du gaua. Ertzaintzak goizeko zazpi eta erdiak aldera izan du emakumearen egoeraren berri, eta osasun langileekin batera heldu da Zabalgunera. Ez dute lortu emakumea suspertzerik.
Gorpua Auzi Medikuntzako Institutura eraman dute, zergatik hil den zehazteko, eta Ertzaintzak ikerketa zabaldu du.
