Albistea entzun

«Partenoiko eskulturen norako bakarra Harkaitz Sakratua da»

Greziako Arkeologia Museoak Partenoiko hamar pieza itzuli ditu Akropolira, eta Greziako lehen ministroak eskaera egin dio berriro Erresuma Batuari, bere esku dituen piezak itzul ditzan.

Partenoiaren ekialdeko frisoaren VII. harrian irudikatua dagoen gaztearen buruaren zati hau da gaur bere lekura itzuli dutenetako bat. /
Partenoiaren ekialdeko frisoaren VII. harrian irudikatua dagoen gaztearen buruaren zati hau da gaur bere lekura itzuli dutenetako bat. / YANNIS KOLESIDIS/EFE Tamaina handiagoan ikusi

Jon Ordoñez Garmendia -

2022ko urtarrilak 3

Atenasko Akropoliak hamar pieza berreskuratu ditu gaur. Partenoiko friso, metopa eta frontoi zatiak dira orain arte Greziako Arkeologia Museo Nazionalean zeuden pieza horiek, eta Akropoliko museora eraman dituzte. Egokiera baliatuz, Kyriakos Mitsotakis lehen ministroak Partenoiko pieza guztien itzulera eskatu du, batik bat Greziatik eraman zituztenak gogora ekarrita: «Partenoiko eskultura guztiak batzea ez da distantzia kontu bat. Atenasen egon edo munduko beste edozein tokitan egon, horien guztien norako bakarra Harkaitz Sakratua eta museo handi hau da», adierazi du Partenoiko aretoan.

Partenoia Greziako tenplurik ezagunena da munduan. K.a. 447 eta 432 bitartean eraiki zuten, Atenea jainkosa goratzeko, eta antzinako Greziako artearen ikurretako bat da. XIX. mendean, ordea, Erresuma Batuak espoliatu egin zuen. Thomas Bruce enbaxadoreak metopen eta frisoen hainbat zati erosi zizkion Otomandar Inperioko sultanari, 35.000 liberaren truke. 1939az geroztik, Londresko Britainiar Museoan daude ikusgai, eta Akropoliko museoan kopiak baino ezin dira ikusi.

Horregatik, gaurko ekitaldian Mitsotakisek gogoan izan ditu Erresuma Batuak bere esku dituen piezak. Gogorarazi du Unescok berak eskatu duela pieza guztiak itzultzeko, eta iritzi publikoaren gehiengoak babesten duela eskaera hori, «baita Erresuma Batuan ere». Unescok gizadiaren ondare izendatu zuen Partenoia 1987an, Akropoliko beste artelanekin batera.

Greziako lehen ministroak jakinarazi du Boris Johnson Erresuma Batuko lehen ministroarekin hitz egin zuela gaiaz duela gutxi izan zuten bilera batean, eta iragarri du ziur dela hark ez duela blokatuko etorkizunean horren gaineko akordiorik, ikasketa klasikoak dituelako eta antzinako Greziaren zalea delako. Beharrezkoa balitz legea aldatzeko prest legokeela esan du Mitsotakisek.

Pieza bat nabarmentzen da Greziako Arkeologia Museo Nazionalak Akropolira itzuli dituenen artean bat: gazte baten buruaren goiko aldea, ekialdeko frisoaren VII. harrian irudikatua. Akropoliko museoan dagoen harri horren benetako puska bakarra da, gainontzekoak Louvre museoan baitaude, Parisen. Lina Mendoni Greziako Kultura ministroak gaurko ekitaldian adierazi du gaur mugitutako piezak itzultzea ezinbestekoa zela Partenoiko eskultura guztiak itzultzeko borrokaren barnean.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Kepa Altonaga, atzo, <em>Axularren gerizapean</em> liburuaren aurkezpenean. ©JON URBE / FOKU

Itzalekoak, argitara

Jone Bastida Alzuru

Axular Egunaren «misterioa» argitu nahi izan du Altonagak bere azken liburuan: 'Axularren gerizapean'. Itzalean geratutako idazleei buruzko datuak bildu ditu
Vincent Bestaven, Jurgi Ekiza, Xan Bidegain eta Felix Buff, Willis Drummondeko kideak. ©GUILLAUME FAUVEAU

«Ez dago itxaropena beste biderik»

Julen Korkostegi Elortza

Willis Drummond musika taldeak «garai askotako soinuaren konbinazio bat» bildu du 'Hala ere' disko berrian. Kontraesanen ideiak inguratzen du lana, izenburutik hasi eta azalean ageri den mandarinaraino.
<b>Txomin Urriza, Camille Dizabo, Annelise Arnaud-Cazamayou eta Alan Billi, Orbel taldeko kideak.</b> ©FANNY MAILLARD

Orbel, isiltasunari plaza eskainita

Ainize Madariaga

'Lur hezea' diskoa jalgi berri du taldeak. Hirugarren obra honetan, giro «mistiko» eta «berezia» landu dute taldekideek
Rafael Moneok bere ibilbidean ondutako arkitektura proiektuen marrazkiz eta planoz josia da Nafarroako Artxiboko erakusketa aretoa. ©JAGOBA MANTEROLA / FOKU

Rafael Moneo, garabirik gabe eraikitzea

Uxue Rey Gorraiz

‘Rafael Moneo Nafarroan’ erakusketa zabaldu dute Nafarroako Artxiboan. Arkitektoaren ibilbidearen atzera begirakoa egiten du bildumak, eta haren bizitza pertsonalari ere egiten dio so

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...