Albistea entzun

Gaurtik aurrera etxeko animaliak «sentikortasuna duten izaki bizidunak» izango dira Hego Euskal Herrian

Batez ere, animalien jabeak dibortziatzen direnean izango du eragina lege berriak: adostasunik ez dagoen kasuetan, epaileak hartuko du erabakia.

Txakur batzuk paseoan, Bilbon, artxiboko irudian
Txakur batzuk paseoan, Bilbon, artxiboko irudian Marisol Ramirez / FOKU Tamaina handiagoan ikusi

Irati Urdalleta Lete -

2022ko urtarrilak 5

Hego Euskal Herrian, gaur sartu da indarrean etxeko animaliak sentikortasuna duten izaki gisa izendatzen dituen lege berria. Batez ere, haien jabeak banatzen edo dibortziatzen diren kasuetan izango du eragina legeak. Adostasunik ez dagoen kasuetan, epaileen esku egongo da animalia norekin egongo den erabakitzea. Animaliaren ongizatea kontuan hartu beharko dute animalia norekin joango den erabakitzerakoan, eta epaileak haren zaintzagatik mantenu gastuak ordainarazi diezazkioke beste jabeari.

Epaileek kontuan hartuko dute, halaber, dibortzio kasuetan etxeko animaliak ere mina eragiteko tresnatzat erabil daitezkeela. Horrenbestez, erabaki ahal izango dute umeen zaintza kentzea pertsona bati, animaliari tratu txarrak eman badizkio edo hari min egitearekin mehatxatzen baditu, umeen beste gurasoari min egiteko.

Testamentuetan ere kontuan hartuko dituzte animaliak. Jabeak aurrez zehaztu ez badu, hura eskatzen duten senideei emango zaie. Inork ez badu haren kargu egin nahi, administrazioak beste norbaiti emango dio.

Galdutako animalien kasuan, aurkitzen duenak bere jabeari itzuli beharko dio, eta aukera izango du zaintzagatik edo hura sendatzeagatik izandako gastuak bueltatzea eskatzeko. Tratu txarren jaso izanaren edo abandonu zantzuak aurkitzen badizkio, ez du zertan jabeari itzuli, baina arlo horretan eskuduntzak dituzten agintariei jakinarazi beharko die. Gainera, trafiko istripuetan animaliak ere artatu beharko dituzte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

<b>Ikasleak gelan.</b> Haur batzuk irakaslearekin batera ikasgelan, artxiboko irudi batean. ©BERRIA

Irakasle gehiago hartzeko ituna egin dute sindikatuek eta Jaurlaritzak

Maddi Ane Txoperena Iribarren Irati Urdalleta Lete

Hezkuntza Sailak eta Steilasek, LABek, CCOOk eta UGTk sinatutako akordioak irakasleen egonkortzea bultzatuko du, baita ikasgeletako ratioak jaitsi ere. Sare publikoan izango du eragina
Sindikatuen protesta bat, martxoan. ©RAUL BOGAJO / FOKU

Sindikatuek goraipatu egin dute itunak egonkortasuna sustatzea eta ratioak jaistea

I. Urdalleta Lete

Steilasek «modu kritikoan» sinatu du, «politika pribatizatzaileak lausotzen» dituelakoan. LABek «oso ondo» baloratu du akordioa
Indarkeria matxistaren aurkako bandera bat, Bilbon. ©MARISOL RAMIREZ / FOKU

Onarpena ardatz duen legea, onetsita

Edurne Begiristain

Sexu Askatasuna Erabat Bermatzeko Lege Organikoa onartu du Kongresuak, gehiengoz. Onespenik gabeko ekintzak bortxaketa gisa hartuko dira, eta erreparazioa bermatuko zaie biktimei
Miren Gorrotxategi, atzo, Eusko Legebiltzarrean. ©BERRIA

Eusko Legebiltzarrak klima aldaketaren herritar batzarra sortuko du

Oihane Puertas Ramirez

Ekinaldiaren helburua da, besteak beste, 2050. urtea baino lehen «klima neutraltasuna» lortzea. Ia aho batez onartu dute proposamena

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...