Albistea entzun

Hilberria

Maixux Rekalde, bakezale nekaezina

Elkarriko eta Lokarriko presidente izan zen, eta euskaltzale sutsua, baita Alzheimerren gaitzak erasan ostean ere.

Maixux Rekalde, 2012an.
Maixux Rekalde, 2012an. Idoia Zabaleta / FOKU Tamaina handiagoan ikusi

Edu Lartzanguren -

2022ko urtarrilak 6 18:40

Konpromiso irmoko bizitza oso bat eduki du Maixux Rekaldek (Oiartzun, Gipuzkoa, 1934-2022). Hil berri dela jakinarazi du Paul Rios Lokarriko koordinatzaile eta eledunak. Izan ere, Elkarriko eta Lokarriko presidente izen zen Rekalde.

Eliza katolikoaren barruko erakundeetan hasi zuen ibilbide publikoa Rekaldek. Txilen egon zen bolada batez, eta Pinocheten estatu kolpeari buruzkoak gordin kontatzen zituen. «Gizartean txertatutako» egitasmoetan buru belarri sartuta ibili zela adierazi izan dute haren etxekoek.

Azken urteak Oiartzungo (Gipuzkoa) Petra Lekuona zahar etxean eman zituen, Alzheimerren gaitzak jota.

Ezkongabea zen Maixus Rekalde, eta seme-alabarik ez zuen. Diagnostikoaren osteko une zail horietan ere, bizitza osoan erakutsi zuen «argitasuna» berretsi zuela diote ilobek.

Elkarri-ren I. Bake Konferentzia, 1995. urteko martxoan. Maixux Rekalde (Elkarri) ezkerrean, Bittor Aierdi (Elkarri), Juan Mari Ollora (EAJ) eta Gorka Agirrerekin (EAJ), konferentziako bigarren egunean. Xouse Simal / Euskaldunon Egunkaria

Euskaltzale nekaezin gisa deskribatu dute askok. Izan ere, gaixotu ostean ere, ez zuen ohiko borrokarako sena galdu. AFAGI Alzheimerra edo beste dementziaren bat duten pertsonen senitartekoen eta lagunen Gipuzkoako elkartean, esaterako, kexua azaldu zuen ez zutelako euskaraz eskaintzen memoria lantzeko tailerrik, eta haren eskeari lotuta jarri zuten abian zerbitzua. Hizkuntza Eskubideen Behatokiak eredutzat hartu zuen Rekalderen aldarria, eta bideo bat egin zuen 2015ean eskabide horren gainekoekin: Gogoan izan. Horretan, euskaraz bizitzeko nahiari eutsi zion Rekaldek, unerik zailenetan ere. «AFAGIra joan eta terapia euskaraz ez zela ohartu nintzenean, altxa eta ospa egin nuen».

Gogoan izan from Duintasun bideak on Vimeo.

Joseba Errekalde Lekuona eta Idoia Rekalde Lekuona ilobek BERRIAn eman zuten 2019an izebaren eta haren gaitzaren eboluzioaren berri: «Baliabideak behar dira, eta familia bat atzetik».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostialdeko ESIko zerbitzuburuen ordezkariak, gaur, Gipuzkoako Medikuen Elkartearen egoitzan. / ©Foku

Donostialdeko ESIko 42 zerbitzuburuk esan dute «lehen mailako arreta defendatzeko garaia» dela

Iosu Alberdi

Kargugabetzeak egiteko modua kritikatu dute, eta Jaurlaritzarekin eta Osakidetzako zuzendaritzarekin hitz egiteko mahai bat eskatu dute, «egoera konpontzeko». Zenbait eskaera zehatz egin dizkiote Osakidetzari.

Bingen Zupiria Eusko Jaurlaritzako bozeramailea, artxiboko argazkian. / ©Endika Portillo, Foku

Zupiriak esan du Osakidetzaren lan ildoarekin «erresistentzia» agertzeagatik egin direla kargugabetzeak

Edurne Begiristain

Gotzone Sagarduik Eusko Legebiltzarrean agerraldia eskatu du, Donostialdeko ESIaren egoera azaltzeko.

Antton Kurutxarri EEPko lehendakaria agerraldi batean ©Guillaume Fauveau

EEPko ordezkariek Parisen isiltasuna deitoratu dute

Garazi Aduriz Zuñeda

Irailean egin zuten bilkura Frantziako Hezkuntza Ministerioarekin. Azterketak euskaraz egiteko eskubidea aipatu zuten nagusiki.

Aranzadi zientzia elkartea desobiratze lanetan, Urduñako hilerrian ©Irekia

Urduñako espetxe frankistako hogeita hamar presoren gorpuzkiak aurkitu dituzte herriko hilerrian

Berria

Aranzadi zientzia elkartea ari da gorpuzkiak lurpetik ateratzen. Gogora institutua biktimen senideekin harremanetan jarri da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...