Albistea entzun

Zinema

Sidney Poitier aktorea hil da

Beltzen eskubideen aldeko borrokaren ikurretako bat bilakatu zen, eta Oscarra irabazi zuen lehen aktore afroamerikarra izan zen

Sidney Poitier, 2006an
Sidney Poitier, 2006an Daniel Deme / EFE Tamaina handiagoan ikusi

Mikel Lizarralde -

2022ko urtarrilak 7 17:36

Sidney Poitier aktore estatubatuarra (Miami, 1927) 94 urterekin hil dela jakinarazi dute bere ingurukoek. Poitier erabateko aitzindaria izan zen XX.mende erdialdeko Hollywooden, beltzak rol bazterreko eta estereotipoetara mugatuta zeudenean, berak aukera izan zuelako nortasun handiko rol protagonistak betetzeko. Hain zuzen ere, eskubide zibilen aldeko mugimendua ernatzen ari zenean, 1964an, lortu zuen bere lehenengo Oscar saria Lillies of the Field filmagatik.

Artean kredituetan agertu gabe ere, 1947an egin zuen debuta kameren aurrean Poitierrek Sepia Cinderella filmean. Extra huts gisa. Hiru urte geroago, ordea, Joseph Leo Mankiewicz zinemagile prestigiodunarentzat egin zuen lan No Way Out draman, eta handik aurrera garatuko zuen pertsonaiaren trazak erakutsi zituen. Izan ere, anaia arrazista bi artatu behar dituen mediku beltz bat izan zen Poitier Mankiewiczen film horretan. Mende bukaerara arte aktore gisa egin zituen 50etik gora filmetako lehendabizikoak izan ziren.

50eko hamarkadan bere lekua egin zuen Poitierrek hala zineman nola telebistan, eta baita arrakasta handia lortu ere zenbait filmekin. Horietako bat izan zen Richard Brooksen Blackboard Jungle (1955), eskola bateko borrokak islatzen zituena, eta aktorearen film ezagunenetako bat bilakatu dena denborarekin. Beste bat The Defiant Ones (Stanley Kramer, 1958) izan zen, lehenengoz Oscar saria irabazteko hautagaia izan baitzen Poitier.

Berehala, beltz komunitatearen erreferente bilakatu zen Poitier; bai bere komunitatearen borrokaren alde lerratu zelako, bai zinemara ere eraman zuelako borroka hori. Nolanahi ere, kritikak ere jaso zituen, beltz zintzo eta atsegina-ren rolari lotu zitzaiolako sarritan (Guess Who's Coming to Dinner, Stanley Kramer, 1967).

Drama izan zuen lan eremu nagusia, baina beste genero batzuk ere landu zituen, besteak beste, thrillerra (In The Heat of the Night, Norman Jewison, 1967).

Beste ezeren gainetik, aktorea izan zen Poitier, baina zuzendari lanak ere egin zituen. Buck and the Preacher western-arekin estreinatu zen 1972an, eta 1990era arte beste zortzi film zuzendu zituen.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

2017ko finalean hainbat aditu izan zen. ©Gari Garaialde / Bertsozale Elkartea

Nazioarteko adituak izango dira Bertsolari Txapelketa Nagusiko finalean

Berria

Kantu inprobisatua lantzen duten Herrialde Katalanetako, Galiziako, Madeirako eta Sardiniako ordezkariak izango dira, abenduaren 18an, Iruñean

Su Ta Gar taldea. ©Ander Gillenea

Su Ta Garrek erroetara jo du 'Alarma' disko berrian

Iñigo Astiz

Abenduaren 6an zabalduko dute taldearen hamabigarren lana, hala CD formatuan nola plataforma digitaletan, eta martxoan argitaratuko dute biniloan, LP bikoitzean.

Miren Billelabeitiaren aurkezpena, Elkar liburu dendan. ©MARISOL RAMIREZ / FOKU

Gazteen inguruko aurreiritzien aurka

Olatz Silva Rodrigo

Miren Billelabeitiak 'Norberak maite duena' saiakera kaleratu du, Pamiela argitaletxearekin. Urteetan gazte eta ikasleekin liburuen inguruan izandako solasaldietan oinarritu du liburua

Robert Treviñok zuzenduko du orkestra. ©JUAN HERRERO / EFE

EOk 'Lorratz' estreinatuko du, Elkanori buruzko proiektuko azken obra

Mikel Lizarralde

Zuriñe F. Gerenabarrenarena da lana, eta Euskadiko Orkestraren denboraldiko laugarren kontzertu programaren barruan joko dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...