Albistea entzun

Esparza izanen da UPNko hautagaia foru hauteskundeetarako

Egungo presidente Javier Esparza aukeratu dute alderdiko barne hauteskundeetan; hari eman diote babesa bozka egin dutenen %91k. Garaipena urrun izan du Esparzaren lehiakide Juan Manuel Rubio Izarbeibarko udal taldeko buruak.

Javier Esparza UPNko presidentea
Javier Esparza UPNko presidentea Villar Lopez / EFE Tamaina handiagoan ikusi

Joxerra Senar -

2022ko urtarrilak 14

Itxuraz, urte eta erdi falta da oraindik foru hauteskundeetarako, baina UPNk eginak ditu etxeko lanak dagoeneko. Gaur arratsaldean Kontseilu Politikoa bildu da, eta barne hauteskundeetara aurkeztu diren bi hautagaietako bat aukeratzeko: Javier Esparza UPNko egungo presidenteak aise irabazi du bozka. Juan Manuel Rubio Izarbeibarko udal taldeko burua apenas izan duen aukerarik. Botoen %91 jaso ditu Esparzak.

Alderdiaren barne antolamenduan, kongresu arteko aldietan organo gorena da Kontseilu Politikoa. Erakunde publikoetako 232 ordezkarik osatzen dute. Gaur, zerrendaburua hautatzeaz gain, alderdiko zerrenda batzordeko kide bat izendatu dute: Cristina Ibarrola parlamentaria izango da —%89k eman dio botoa—. Batzorde hori Esparzak berak, Enrique Maia lehendakariordeak eta zuzendaritzak hautatutako Maria Jesus Valdemoro parlamentariak osatzen dute ere bai.

Alderdiak emaitzak iragarri ondotik, hitzaldia eman du irabazle Javier Esparzak. Adierazi du «oso eskertua» dagoela alderdikideen babesa ikusita. Adierazi du «oso prest» dela alderdiaren buru izateko. «Ilusio handia dut Nafarroaren alde lan egiteko», adierazi du. Halaber, hauteskundeei erreferentzia eginez, azaldu du hamasei hilabete falta direla «Nafarroaren berpizkunderako». Dioenez, herrialdeak orduan berreskuratuko du «azken urteotan galdutako lidergoa eta indarra».

Esparzak ez du argitu zer asmo duen Navarra Sumarekin. Iragan ekainean koalizioa uzteko aukera irekirik utzi zuen, baina geroztik ez du argibide gehiago eman barne gogoetaz. Tonu leunagoan, bere hitzaldian, Foru Hobekuntzaren 40. urteurrenari keinu egin dio, eta lau hamarkadatako UPNren ondare politikoa defenditu zuen. «Nafarroa ezin da ulertu UPNrik gabe», aldarrikatu du.

Bere ustez, bi legealdiotan Barkosen zein Txibiteren gobernuek ondare horri uko egin diote eta orain Nafarroa «gainbeheran» dago, «beti Bilduren menpe diren gobernuek bultzatutako eraginkortasunik gabeko politika kaskarren ondorioz». Bere ustez, gobernuek ez dute jakin foru erregimenaren potentzialtasuna baliatzen. «UPNren legealdietako politikei esker bizi ahal izan dira, baina hori agortu egiten da, eta Nafarroak ezin du gehiago».

Aurrera egiteko, beharrezkotzat jo du Bilduren menpe egongo ez den gobernu bat: «Agintzeari eta politikak baldintzatzeari utziko dio soilik UPN gobernuan badago». Ilusioz hartu du erronka.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskal presoen eskubideen alde urtarrilean Bilbon egindako manifestazioa. ©Aritz Loiola / FOKU

Bertze zazpi euskal preso Euskal Herriratuko dituzte

Maddi Ane Txoperena Iribarren

Asier Garcia, Imanol Miner, Lierni Armendariz, Bittor Franco, Iñaki Reta, Gotzon Aranburu eta Xabier Zabalo dira Euskal Herrira ekarriko dituzten euskal presoak. Eusko Jaurlaritzak erabakiko du zer espetxetara lekualdatuko dituzten.

Joseba Azkarraga, Bego Atxa, Ramon Zallo eta Iñaki Lasagabaster, gaur goizean, Donostian, hausnarketa dokumentua aurkezten. ©Andoni Canellada / FOKU

Espetxe zaintzako eskumena Euskal Herriratzeko eskatu du Sarek

Maddi Ane Txoperena Iribarren

Espetxe Zaintzako Epaitegi Zentralaren jarrera salatu du euskal presoen eskubideen aldeko mugimenduak, hausnarketa txosten batean. 2003az geroztik dago Espainiako Auzitegi Nazionalaren esku.

Iruñeko Baluarte plaza. Orain, Konstituzio plaza izendatu du Navarra Sumak. ©Mgoni4

Navarra Sumak badu bere Konstituzio plaza Iruñean

Uxue Rey Gorraiz

Enrique Maia buru duen Iruñeko Udalak izena aldatu dio orain arte Baluarteko plaza zenari: Konstituzio plaza deitu dute. Plazaren izena azaltzeko plakak urratu egiten du euskararen ordenantza: gaztelania hutsean dago.

 ©ANDONI CANELLADA / FOKU

«Egunetik egunera joan behar dugu indar harremana hobetzen»

Jon O. Urain

Hirugarren kongresu prozesua amaitu du Sortuk, estrategia eta zuzendaritza gaurkotuta. Rodriguezen hitzetan, alderdiaren helburua izango da «duela 60 urte gertatu zenaren moduko herri bulkada bat sustatzea».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.