Albistea entzun

Politika

PSE-EEk eta Ahal Dugu-k asmoa adierazi dute elkarren arteko harremanak indartzeko

Anduezak eta Garridok lan erreformaren aldaketa defendatu dute, eta EAJren eta EH Bilduren jarrera kritikatu.

Eneko Andueza, artxiboko irudi batean.
Eneko Andueza, artxiboko irudi batean. Marisol Ramirez / Foku Tamaina handiagoan ikusi

Berria -

2022ko urtarrilak 14 20:14

PSE-EEk eta Ahal Dugu-k bi alderdien arteko harremanak sendotzeko asmoa adierazi dute, «euskal herritarrentzat ona» izango delakoan. Sozialisten idazkari nagusi Eneko Anduezak eta Ahal Dugu-ko koordinatzaile nagusi Pilar Garridok, besteak beste, lan erreformaren aldeko mezua bidaltzeko baliatu dute bien arteko bilera, eta EAJri eta EH Bilduri jarrera bera hartzeko eskatu diete.

PSE-EEren idazkaritza nagusia hartu zuenetik Andueza egiten ari den elkarrizketa bileraren barruan kokatu dute sozialistek Garridorekin izandako bilera, eta adierazi baliagarria izan dela bi indarren arteko harremanak «indartzeko». Hala, Anduezak Eusko Jaurlaritzarekin akordioak egiteko gonbita egin dio Ahal Dugu-ko koordinatzaile nagusiari; besteak beste, gutxieneko errentaren, Lanbideren eta mugikortasun lege berriaren inguruan. Garridok ere estatu osoan dituzten adostasunak erkidegora eta udaletara eramatearen beharra defendatu du, eta, horretarako, maizago biltzearen alde egin.

Halere, bi politikariek uko egin diote etorkizunean ezkerreko koalizio gobernu bat osatzeko aukerez hitz egiteari. Garridok adierazi du ez dutela gaia tratatu, eta bi alderdiek elkarlanean «eredu alternatibo bat» eraikitzeko dituzten aukeretan zentratu direla. Anduezak, berriz, azaldu du sozialistak zentratuta daudela «gobernuei egonkortasuna» emateko zereginetan: «Etorkizunean, hauteskundeak pasatzean, programak ikusi beharko dira».

Araba, Bizkai eta Gipuzkoan, gobernuan da bata, eta oposizioan bestea, baina Espainiako Gobernuan egoteak batzen ditu bi alderdiak. Hala, Moncloaren behar nagusietako batean jarri dute begirada biek ere: lan erreformaren aldaketan. Garridoren arabera, «ez da ulergarria» EAJk eta EH Bilduk hartu duten jarrera, baina nabarmendu du Yolanda Diaz Lan ministroa bi indarrekin negoziatzen ari dela: «Espero dut, azkenean, EAJk eta EH Bilduk babesa ematea lan erreformari». Anduezak, berriz, «PPren eta Voxen alboan» jarri izana leporatu die indar abertzaleei, eta argudiatu du «kontsentsu zabalak» eraiki dituela gaiak. Lan erreformaren aldaketa CEOE patronalaren, eta UGT eta CCOO sindikatuen onespenarekin egin da, baina aurka agertu dira, besteak beste, ELA eta LAB.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskal presoen eskubideen alde urtarrilean Bilbon egindako manifestazioa. ©Aritz Loiola / FOKU

Bertze zazpi euskal preso Euskal Herriratuko dituzte

Maddi Ane Txoperena Iribarren

Asier Garcia, Imanol Miner, Lierni Armendariz, Bittor Franco, Iñaki Reta, Gotzon Aranburu eta Xabier Zabalo dira Euskal Herrira ekarriko dituzten euskal presoak. Eusko Jaurlaritzak erabakiko du zer espetxetara lekualdatuko dituzten.

Joseba Azkarraga, Bego Atxa, Ramon Zallo eta Iñaki Lasagabaster, gaur goizean, Donostian, hausnarketa dokumentua aurkezten. ©Andoni Canellada / FOKU

Espetxe zaintzako eskumena Euskal Herriratzeko eskatu du Sarek

Maddi Ane Txoperena Iribarren

Espetxe Zaintzako Epaitegi Zentralaren jarrera salatu du euskal presoen eskubideen aldeko mugimenduak, hausnarketa txosten batean. 2003az geroztik dago Espainiako Auzitegi Nazionalaren esku.

Iruñeko Baluarte plaza. Orain, Konstituzio plaza izendatu du Navarra Sumak. ©Mgoni4

Navarra Sumak badu bere Konstituzio plaza Iruñean

Uxue Rey Gorraiz

Enrique Maia buru duen Iruñeko Udalak izena aldatu dio orain arte Baluarteko plaza zenari: Konstituzio plaza deitu dute. Plazaren izena azaltzeko plakak urratu egiten du euskararen ordenantza: gaztelania hutsean dago.

 ©ANDONI CANELLADA / FOKU

«Egunetik egunera joan behar dugu indar harremana hobetzen»

Jon O. Urain

Hirugarren kongresu prozesua amaitu du Sortuk, estrategia eta zuzendaritza gaurkotuta. Rodriguezen hitzetan, alderdiaren helburua izango da «duela 60 urte gertatu zenaren moduko herri bulkada bat sustatzea».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.