Albistea entzun

Indarkeria matxista

Eraso matxisten gorakada salatu dute ehunka lagunek Barakaldon

Argitan elkarteak deiturik, manifestazioa egin dute Barakaldon, 19:30etan abiatuta. Ohartarazpena egin dute, enegarrenez: «Indarkeria matxistaren aurrean, autodefentsa feminista».

PSE Barakaldo Tamaina handiagoan ikusi

Berria -

2022ko urtarrilak 14 06:02

Sumina eta kezka, biak suma daitezke Barakaldon (Bizkaian). Indarkeria matxistarekin loturiko salaketek nabarmen egin dute gora azkenaldian herrian, egoeraren larritasunaren seinale. Hori salatzeko, manifestazioa egin dute gaur, 19:30etatik aitzina. Herriko plazatik abiatuta, ehunka lagunek grinez gaitzetsi dute indarkeria matxista. Argitan elkarteak deitu du mobilizaziora.

Ikusi gehiago: Mireia Saiz, Argitan elkarteko kidea: «Indarkeria matxista normalizatzeko joera geroz eta nabariagoa da»

Indarkeria matxistaren kontrako mezuak ozen aditu dira Barakaldon. Protestan izan direnek hainbat pankarta izan dituzten eskutan. «Indarkeria matxistaren kontra, erantzun kolektiboa. Autodefentsa feminista», irakur zitekeen horietako batean. Argitan elkarteak nabarmendu du, halaber, eraso matxistak ez direla soilik Barakaldon gertatzen, «zoritxarrez». «Kaleetan presioa egitea da gure erreminta eraginkorrena matxismoaren kontra egiteko. Aldaketak eragin behar ditugu, bai gizartean, baita instituzio publikoetan ere: eskubideak ditugu, gure lekua aldarrikatzen dugu, baita indarkeria matxistarik gabe eta libreki bizitzeko aukera ere», adierazi dute.

Halaber, manifestazioaren bukaeran hitzak eskaini dizkiote Sara Pinari, astelehenean Tuteran (Nafarroa) hilda azaldutako emakumeari.

Biktima izan diren emakumeentzako arreta zerbitzua

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Anbulantzia bat, Donostian. / ©Gorka Rubio, Foku

Gaitza pasatu dutenei hirugarren dosia bost hilabeteren buruan jartzeko gomendatu die orain Espainiako Osasun Batzordeak

Berria

Espainiako Osasun Ministerioak irizpidea aldatu du: urtarrilaren hasieran, lau aste nahikoa zirela esan zuen.

Carmen Maeztu, erdian, aurreko agerraldi batean. / ©Iñigo Uriz, Foku

Maeztuk tutoretzapeko gazteen inguruko «polemika» bideratu nahi du

Iosu Alberdi

Enrique Maia Iruñeko alkatearekin bildu da Nafarroako Eskubide Sozialen kontseilaria. «Existitu beharko ez litzatekeen polemika hori» bideratzeko beharra nabarmendu du.

Haur batzuk futbolean, artxiboko irudian ©monika del valle / foku

Eusko Jaurlaritzak eskola kirola baimendu du

Irati Urdalleta Lete

Asteburu honetan, umeek eskola kiroleko lehiaketak egiteko aukera izango dute berriz ere.

Tabernari bat lanean. ©Aritz Loiola / Foku

Jaurlaritzak 22 milioi euroren diru laguntza emango dio ostalaritzari

Berria

Establezimendu bakoitzeko 2.000 eurotik 70.000 eurora bitarteko diru laguntzak eskainiko dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.