Atzo aurkeztu zuten Zartada Gazte Ekimena, eta, mugimenduko kideen esanetan, «Euskal Herriko gazteria eta gazte mugimenduak batu, aktibatu eta elkarlanean jartzeko» helburuz sortu da, «elkarrekin hausnartu, ikasi eta mobilizatzeko». Euskal Herriko zenbait eragileren eta kideren artean sortu dute, eta «egungo testuinguruaz hausnartu eta erantzun bat artikulatu nahian» bildu ziren lehenengoz duela hainbat hilabete. Ordutik, zenbait antolaketa gune martxan jarri eta hainbat bilera egin dituzte.
Hain justu ere, bilera horietan aipatutako kezketatik eta beharretatik abiatuta antolatu dute mugimenduaren lehen hitzordu garrantzitsu izango den topaketa: martxoaren 18an, 19an eta 20an egingo dute, Gasteizen, eta Bat egitetik, hamaika izatera lema izango du. Antolatzaileen esanetan, «elkargune baten beharrak» eraman ditu, besteak beste, topaketa hori antolatzera, eta eskaintza «mobilizatzaile, edukizko eta aisialdizko bat» bilduko du.
ð;Â;ŸÂÂÂÂÂÂ’¥ZARTADA GAZTE EKIMENA
— Zartada (@gaztezartada) January 16, 2022
Batasuna eta elkarlana dira gure armak eta inoiz baino zorroztuago ditugu!
ð;Â;ŸÂ“ÂÂÂÂÂÂ…Martxoak 18, 19 eta 20.
ð;Â;ŸÂ“ÂÂÂÂÂÂÂÂGasteiz.
Etorkizuna lapurtu diguten honetan, guk geuk berreskuratuko dugu, gazteriaren indarra erakutsiko dugu!#DenaAldatzenpic.twitter.com/a7G7253KG4
Elkarlana, ezinbesteko
Hitzordu horren bitartez, kolektibotasuna, elkarlana eta halako balioak indartu nahi dituzte, eta «eragileak saretuz, elkarrengandik ikasiz eta batera ekinez» egin nahi dute hori. «Hain gogor kolpatzen gaituzten honetan, gazte mugimenduari bultzada emango diogu herri eta auzoak eraldatzen jarraitzeko», adierazi dute.
Horretarako, baina, eragile, kide eta norbanako gehiagoren laguntza eskatu dute: «Bi hilabete ditugu aurretik, eta ordura arte ez gara geldirik egongo. Norabide honetan lan egitera animatzen ditugu Euskal Herriko gazte mugimendua eta gazteria, herri eta auzoetan batzera, gazteak elkartzera eta nahi beste egitera».
Bide horretan, askotariko baliabideak jarriko dituzte eskuragarri, askotariko edukiak landu ahal izateko eta «kaleak astintzeko». Halaber, antolaketarako guneetara deituko dute, «guztien hitza entzun eta eztabaida zein hausnarketa askotarikoak kolektiboki emateko».