Albistea entzun

Frantzia

Eric Zemmour zigortu dute adingabe migratzaileen aurkako gorrotoa sustatzeagatik

Parisko auzitegi batek 10.000 euroko isuna jarri dio, adingabe migratzaileak «lapurrak, hiltzaileak eta bortxatzaileak» direla esateagatik. Inkesten arabera, babesa galtzen ari da polemista ultraeskuindarra.

Zemmour, pasa den astean egin zuen agerraldi batean.
Zemmour, pasa den astean egin zuen agerraldi batean. Chrisstophe Petit Tesson / EFE Tamaina handiagoan ikusi

Paulo Ostolaza -

2022ko urtarrilak 17 16:34

«Lapurrak, hiltzaileak eta bortxatzaileak». Eric Zemmour Frantziako presidentegaiak horrela definitu zituen familia sorterrian duten adingabe migratzaileak. Iazko irailean izan zen, CNews hedabideak egin zion elkarrizketa batean; adingabe horiek deportatzearen alde eta «etengabeko inbasioaren aurka» hizketan jardun zen polemista ultraeskuindarra.

Orain, Parisko auzitegi batek zigortu egin du Zemmour hitz horiengatik: gorroto arrazista sustatzea egozten diote. Fiskaltzaren arabera, Zemmourrek adierazpen askatasunaren mugak gainditu zituen. Presidentegaiaren abokatuen arabera, ordea, «errealitatea mahai gainean jartzen» ari zen Zemmour, «modu gordin batean».

Azkenean, epaileak 10.000 euroko isuna jarri dio ultraeskuindarrari, eta, ordaintzen ez badu, kartzelara joan daiteke. Zigorra ez da handia, ezta Zemmourri jarri dioten lehenengoa ere, baina are eta argiago uzten du zein den presidentegaiak hartu duen bidea.

Dena den, horrenbeste polemikatan sartuta ibiltzeak ez dirudi mesederik egin dionik haren kanpainari. Inkesten arabera, behera egiten ari da Zemmourren hautagaitzaren babesa, eta, oraintxe, boto gehien jasoko luketen hautagaietan laugarrena izango litzateke Frantziako presidentetzarako hauteskundeetan. Le Monde-k eta Franceinfok gaur argitaratu duten inkesta batek dioenez, frantziarren %62k uste dute Zemmour «arrisku bat dela demokraziarentzat».

Polemista

Azken hilabeteetan, Zemmour kontuan hartzeko moduko hautagaia bilakatu da, protagonista izateko baliabideak dituena eta gaiak —immigrazioa, segurtasuna eta identitatea—inposatzeko gaitasuna duena. Abenduaren hasieran aurkeztu zuen ofizialki bere hautagaitza.

Ziurrenik, polemista da hura deskribatzeko hitzik egokiena, baina Zemmour harago ere badoa: erreakzionarioa da, homofoboa, arrazista, xenofoboa... Oraingoz, haren ibilbide politiko laburra espero gabeko fenomenoa bilakatu da, egun duen hedaduragatik. Ikusteko dago zer lortzen duen.

Euskal Herrian ere izana da Zemmour, urri amaieran, bere liburua aurkezten. Miarritzen egin zuen ekitaldian, jende andana bildu zen haren aurka protestatzera, besteak beste EH Baik, LABek, Les Bascosek, IPEH Antifaxistak eta GKSk deitu zituzten mobilizazioetan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Fernandez, azaroan, La Plata hirian egindako ekitaldi batean. ©DEMIAN ALDAY / EFE

Cristina Fernandezi sei urteko kartzela zigorra ezarri dio auzitegi batek

Mikel Elkoroberezibar Beloki

Ustelkeria leporatu diote, eta inhabilitazioa ezarri. Foruduna denez, Argentinako presidenteordeak babesa izango du 2023ko udaberrira arte

Raphael Warnock hautagai demokrata bart, bozak irabazi ostean. ©JIM LO SCALZO / EFE

Senatuan gehiengoa handitu du Alderdi Demokratak, Georgian irabazita

Berria

Raphael Warnock demokrata nagusitu zaio Herschel Walkar errepublikanoari, eta demokratek ez dute beharko Kamala Harrisen botoa berdinketak hausteko.

Errusiako armadako tanke batzuk ariketa militarrak egiten Rostov eskualdean, iazko urtarrilaren amaieran. ©EFE

Neguak gerrari eragingo dio

Igor Susaeta

Elurrak, hotzak eta eguzki orduen urriak baldintzatuko dituzte guda zelaiko mugimenduak eta horien ondorioz sortutako abaguneei eman beharreko erantzunak.
Alemaniako Polizia, Berlinen, sarekadan. / ©FILIP SINGER, EFE

Eskuin muturreko 22 pertsona atxilotu dituzte Alemanian, erakunde terrorista bateko kide izatea leporatuta

Jon Ordoñez Garmendia

Estatu kolpe bat prestatzen ari zirela jakinarazi du Fiskaltzak. Alemaniako Parlamentua hartzeko asmoa zuten, eta, horien artean, militar ohiak daude. Horiez gain, beste hiru jarraitzaile ere atxilotu dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.