Albistea entzun

Otsailaren 11tik 18ra egingo dute Emakumeak Zientzian egitasmoa

«Adin guztietako jendeak» izango du ekimenean parte hartzeko aukera. 25 ekintza baino gehiago antolatu dituzte, eta aurrez aurrekoak, birtualak edo hibridoak izango dira.

Emakumeak Zientzian ekimenaren antolatzaileak, gaur, Donostian.
Emakumeak Zientzian ekimenaren antolatzaileak, gaur, Donostian. Tamaina handiagoan ikusi

Oihane Puertas Ramirez -

2022ko urtarrilak 26 13:27

Zientzia «nesken kontua» badela ahalik eta «pertsona gehienei» zabaltzeko, Emakumeak Zientzian ekimenaren barruan programa «zabal bat» diseinatu dute, 25 ekintza baino gehiagorekin. Otsailaren 11tik aurrera antolatu dute proiektuaren seigarren edizioa, «batik bat» 11tik 18ra bitarteko astean. Gaur egungo osasun egoera dela-eta, aurrez aurreko jarduera guztiak «behar diren» osasun neurriekin egingo direla adierazi dute antolatzaileek, eta horietako batzuetan COVID txertaketa ziurtagiria aurkeztu beharko dela.

Proiektuaren helburua da, besteak beste, zientzian diharduten emakumeen lana ikusaraztea, jarduera zientifiko-teknikoak «gizonezkoen kontua direlako ustea apurtzea», eta neskek zein nerabeek zientziako ikasketak hauta ditzaten «sustatzea». Horretarako, «adin guztietako jendeak» izango du ekimenean parte hartzeko aukera; izan ere, familientzako, nerabeentzako, eskolentzako 55 urtetik gorako emakumeentzako eta publiko orokorrarentzako jarduerak antolatu dituzte. Ekintzak aurrez aurrekoak, birtualak edo hibridoak izango dira.

Programazio osoa eta izena emateko aukera gaur jarri dute ikusgai Emakumeak Zientzian proiektuaren webgunean. Eskainiko dituzten akintzen artean daude, besteak beste, esperimentu tailerrak, jokoak, antzezlanak, mahai inguruak,  erakusketak eta filmen proiekzioak.

Horrez gain, seigarren edizioko berrikuntza eta «proba pilotu» gisa, ekimen bat jarriko dute martxan: Donostiako saltoki batzuen erakusleihoetan emakume zientzialari batzuk omenduko dituzte. Otsailaren 11tik 18ra bitarteko astean, gainera, proiektuaren webgunean dibulgazio materiala jarriko dute eskuragarri.

Erakundeen laguntza

Hamazazpi euskal erakunderekin elkarlanean antolatu da 2022ko Emakumeak Zientzian egitasmoa; iaz baino sei erakunde gehiagok hartu dute parte. Zehazki erakunde hauek eman diote bultzada proiektuari: Polymat, CIC Nanogunea, Donostia International Physics Center (DIPC), Materialen Fisika Zentroa (CFM CSIC-EHU), CIC Biomagune, Biodonostia, Tecnun-Ingeniaritza Eskola, Ceit, Eureka zientzia museoa, Gipuzkoako Ingeniari Industrialen Elkargo Ofiziala, Basque Center on Cognition, Brain and Language (BCBL), Lortek, EHUko Informatika Fakultatea, Gipuzkoako Ingeniaritza Eskola eta Kimika Fakultatea, Elhuyar eta Gipuzkoako Zientzia eta Teknologia Parkeak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Miravalles-Redin ikastetxe, Iruñean. ©IÑIGO URIZ / FOKU

Nafarroak batxilergoko ituna eten die ikasleak sexuaren arabera bereizten dituzten ikastetxeei

Ion Orzaiz

Hezkuntza Departamentuaren esanetan, Opus Deiren bi eskolek, Miravalles-Redinek eta Irabia-Izagak, «ez dituzte betetzen itunerako baldintzak»

Pilar Alegria PSOEko eledun eta Hezkuntza ministroa, gaurko agerraldian. ©FERNANDO ALVARADO / Efe

Sexu askatasunaren legea aldatzeko proposamen bat aurkeztuko du PSOEk Espainiako Kongresuan

Maite Asensio Lozano

'Soilik baietz da baietz' legearen aurreko zigorrak berreskuratu nahi ditu Espainiako Justizia Ministerioak, baina Berdintasun Ministerioko iturriek zehaztu dute erreforma batek ez dituela geldiaraziko kondena berrazterketak, eta legea ondo aplikatzean dagoela giltza; horretarako, «premiazko» neurri sorta bat proposatu du. 

Haurren futbol partida bat. ©Maialen Andres / FOKU

«Arrazakeria» salatu dute Arrigorriagan jubenilen futbol partida batean gertatutakoarengatik

Edu Lartzanguren

Haur sikh bati buruko zapia kenarazi nahi izan dio epaileak, eta Federazioak 300 euroko isuna jarri dio taldeari

Donostia ospitaleko zerbitzuburuen protesta, abenduan. ©Jon Urbe / FOKU

Donostia ospitaleko zerbitzuburuek protestan segituko dute negoziazioa «bideratuta» egon arte

Julen Aperribai

Elkarretaratzea egin dute gaur ere Donostia ospitaleko atarian. Azken bileraren aktarekin batera, «kronograma» bat bidali zioten Osakidetzako zuzendaritzari, eta erantzuna jasotzeko zain daude.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...