Albistea entzun

Olinpiar Jokoak

Rojo 21. izan da 50 kilometroko proba laburtuan

Bolxunovek irabazi du urrea, eta 1:17,08ra helmugaratu da tolosarra. Manex Salsamendik 58. postuan bukatu du, 21:39,1era. Haizeagatik, 30 kilometroko lasterketa egin dute eskiatzaileek.

Imanol Rojo, helmugaratu eta gero. /
Imanol Rojo, helmugaratu eta gero. / KIMIMASA MAYAMA/EFE Tamaina handiagoan ikusi

Jon Ordoñez Garmendia -

2022ko otsailak 19 20:27

Imanol Rojo eskiatzailea 21. sailkatu da Pekingo Olinpiar Jokoetako estilo askeko 50 kilometroko iraupen eskiko proban. 07:00etan zen proba jokatzekoa, baina haize zakarra zegoen eski eremuan, eta ordubetez atzeratu dute. Arrazoi berberagatik eta kirolarien segurtasunagatik, laburtu egin dute karrera antolatzaileek, eta 30 kilometrokoa izan da.

Rojok aitortu du horrek ez diola mesederik egin, 50 kilometrokoan postu hobea lortuko zukeelakoan. Baina, hala ere, ez du aitzakiarik jarri nahi izan, eta esan du ez zuela espero 21. sailkatzea, Eitb.eus-ek jaso duenez: «Amorrua eman dit, lau urte neramatzan-eta karrera prestatzen. Berdin dio 30. edo 50. egiteak; lasterketan zaudenean berdin dio. Laburtuz gero, ez da haize eta hotz gutxiago egongo».

Urrezko domina Alexander Bolxunov errusiarrak eskuratu du, Joko hauetan irabazi duen urrezko hirugarrena —bost irabazi ditu guztira—. Bigarren Ivan Jakimuxkin errusiarra izan da, eta hirugarren, Simen Hegstad Krueger norvegiarra.

Rojoren hirugarren Olinpiar Jokoak izan dira. Bolxunovengandik hiru minutu, hamazazpi segundo eta zortzi ehunenekora helmugaratu da tolosarra. 21. postua eskuratuta, eskiatloiko 15x15eko proban lortu zuen postua berdindu du, orduan ere 21. izan baitzen. Iraupen eskiko estilo askeko 15 kilometroko proban 39. izan zen.

«Joko hauen balorazio oso positiboa egiten dut. Nire postu guztiak distantzia guztietan hobetzea oso positiboa da, baina probaren batean postu hoberen bat egin nezakeela uste dut. Distantzia bakoitzean postuak hobetzen doazen bitartean, pozik egon behar dut. Beijingen ondoren, Munduko Kopako hiru asteburu geratzen dira orain, eta ahalik eta gehien ematen saiatuko gara», gaineratu du Rojok, Eitb.eus-en.

Manex Salsamendi, berriz, 58. postuan sailkatu da 50 kilometro askeko proban, 1:33:11.8ko denbora eginda (Bolxunovengandik 21:39,1era). Lehen aldia zuen eskiatzaile gazteak Olinpiar Jokoetan, eta ez ditu emaitza ikusgarriak eskuratu, baina ikasteko eta probatzeko urtea izatea nahi zuen, zailtzekoa. Brasilgo selekzioarekin lehiatu da, eta gaurkoa izan du emaitza onena. 15x15 eskiatloian proba utzi behar izan zuen, lasterketa buruak harrapatu egin zuelako; eta 15 kilometro askeko proban 90. egin zuen.

Bihar bukatuko dira Neguko Olinpiar Jokoak, baina euskal kirolariek bukatu dituzte beren probak dagoeneko. Lucas Egibar izan da posturik onena lortu duena aurtengo ekitaldian. Zazpigarren egin zuen snowboard krosean, eta diploma olinpiko bat eskuratu zuen, bizkarra minberatuta izan arren.

Adur Etxezarretak ere bukatu zuen lehia. Jaitsiera olinpikoan hamazazpigarren egin zuen, eta super erraldoian sentimendu ospelekin bukatu zuen lehiaketa, pistatik atera baitzen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©IÑIGO URIZ / FOKU

«Oso garai politean bizi naiz orain; gozatzen ari naiz»

Julen Etxeberria

Hirugarrenez jarraian ordezkatuko du Mariezkurrena, eta hirugarrenez irabazi nahi du Peñarekin. Haren ustez, enpresari erakutsi dio «kontuan hartu» behar dutela.
Joseba Ezkurdia, pilota jotzen, azkeneko partidan. ©ARITZ LOIOLA / FOKU

Ezkurdia-Martija eta Jaka-Aranguren aukerarik gabe gera daitezke asteburuan

Julen Etxeberria

Aspekoek hiru garaipenera dute kanporaketa, eta Baikokoek, laura. Nafarrek gaur jokatuko dute, Urrutikoetxea-Albisuren aurka, Zornotzan

Mathieu van der Poel eta Wout van Aert, lehian, Benidormen jokatutako Munduko Kopako proban. ©MORELL / EFE

Gaurtik igandera jokatuko da ziklo-kroseko Munduko Txapelketa

Eñaut Agirrebengoa

Gaurtik igandera jokatuko da ziklo-kroseko Munduko Txapelketa, Hoogerheiden (Herbehereak). Gizonezkoen proban, Van der Poelen eta Van Aerten arteko beste borroka handi bat espero da. Iazko txapelduna, Pidcock, ez da lehiatuko.

 ©JAGOBA MANTEROLA / FOKU

«Gozatzen dudalako jokatu izan dut beti, ez markak ezartzeko»

Beñat Mujika Telleria

Maria Españak urte asko daramatza Espainiako ligarik onenetan aritzen, eta kirol heldutasun betean dago. Bikain ari da denboraldi honetan. Kantxan erakusten duen lidergo bera erakusten du handik kanpo ere.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.