Albistea entzun

Eusko Jaurlaritzak eta Puntueus fundazioak ingurune digitalean euskararen erabilera areagotzeko elkarlana aurkeztu dute

Gizartean eta eremu sozioekonomikoan eragin nahi dute bereziki. 50.000 euroko laguntza emanen du Jaurlaritzak

Iñaki Goirizelaia Puntueus fundazioko lehendakaria
Iñaki Goirizelaia Puntueus fundazioko lehendakaria Marisol Ramirez / FOKU Tamaina handiagoan ikusi

Berria -

2022ko otsailak 21

Eusko Jaurlaritzako Kultura eta Hizkuntza Politika Sailak eta Puntueus fundazioak ingurune digitalean euskararen erabilera areagotzeko bi erakundeen arteko elkarlana aurkeztu dute Bilbon egin duten ekitaldi batean. Gizartean oro har, eta eremu sozioekonomikoan eragin nahi dute bereziki. 2022. urtean Eusko Jaurlaritzak 50.000 euroko ekarpena egingo dio Puntueus fundazioari, eta laguntza teknikoa ere eskainiko dio garatuko dituen egitasmoak aurrera eramateko.

Bingen Zupiria Kultura eta Hizkuntza Politikako sailburuak eta Iñaki Goirizelaia Puntueus fundazioko lehendakariak aurkeztu duten elkarlanerako programak bi helburu nagusi ditu. Batetik, enpresetan .eus domeinuaren erabilera indartu nahi dute, eta ingurune digitalean euskararen erabilera areagotzera bultzatu nahi dituzte. Hizkuntza Politikako Sailburuordetzak harreman zuzena du askotariko erakunde pribatuekin, eta haiengana joko dute lehenik, baina enpresa elkargoak eta haien bazkideak ere ukitzeko asmoa dute. Merkataritza eta ostalaritza arlora joko dute ondoren, eta, azkenik, enpresa txiki eta ertainetara. Jaurlaritza eta Puntueus elkarlanean ariko dira entitate zein erakundeak erakarriz eta jarraipena eginez. Besteak beste, trebakuntza saioak egingo dituzte, eta behar dutenei laguntza teknikoa eskainiko diete. Puntueus fundazioak hainbat baliabide eskainiko dizkie enpresa eta erakundeei, hala nola .eus domeinua doan edo webgunea automatikoki itzultzeko plugin-a.

Bestetik, norbanakoen gailu elektroniko pertsonalak euskaratzea lortu nahi dute, eremu digitalean euskara erabiltzaileen hizkuntza nagusia izatea sustatzeko. Lehenik eta behin, egoeraren azterketa bat egingo dute, eta, ondoren, komunikazio ekintza bat baino gehiago eginen dituzte .eus domeinuaren erabilera sustatzeko, eta nabigatzaileak eta gailu elektronikoak euskaraz konfiguratzeko.

Bingen Zupiria Kultura eta Hizkuntza Politikako sailburuak adierazi duenez, «hizkuntzaren bizitasun digitalari» erreparatu behar zaio ezinbestean, horrek erakutsiko baitu «neurri batean hizkuntzaren osasuna zein den». Haren iritziz, bizitasun digitala eskaintzarekin lotuta dago batetik, «komeni delako euskarazko eduki digitalak handitzea, ahalik eta gehienak izatea sarean». Baina, bestetik, ezinbestekoa da euskarazko eduki digital horiek «kontsumitzeko ohiturak indartzea».

Iñaki Goirizelaia Puntueus fundazioko lehendakariak, bestalde, azpimarratu du gaur egun euskal gizarteak bizi duen egoerari erantzuteko ardura duela Puntueusek: «Gizartearen transformazio digitala bizitzen ari gara, eta azken bi urteetan, premiak bultzatuta, prozesu hori asko azkartu da. Guk bide horretan dauden pertsonak eta enpresak laguntzen ditugu: domeinuarekin batera, tresnak, trebakuntza, laguntza eta zibersegurtasuna euskaraz eskainiz egiten dugu».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Poliziak, gaur goizean, Getxoko Itzubaltzeta auzoan. ©Marisol Ramirez / FOKU

Getxoko Itzubaltzeta auzoko Nagusien Etxea hustear da Ertzaintza

Berria

Hainbat lagun bertaratu dira hustu ez dezaten exijitzera. Espazio hori erretiratuentzako eremu bat da egun, eta euskaltegi bat ere badu.

Indarkeia matxistaren aurkako protesta bat, Getxon, artxiboko irudian ©berria

Algortako mugimendu feministako bi kide ikertzen ari dira desobedientzia delitu larriagatik

Irati Urdalleta Lete

Algortako Portu Zaharreko jaietan ziztatu egin zutela salatu du neska batek. Ertzaintzaren arabera, ez zioten utzi neska artatzen; mugimendu feministako kideek ziurtatu dute ertzainekin adostu zutela nola jokatu. Prentsaurrekoa egingo dute 18:00etan; herritarrei bertaratzeko eskatu diete.

Osasun langile bat koronabirusa antzemateko test bat egiten, Nafarroan. ©JAGOBA MANTEROLA / FOKU

Koronabirus datuak gero eta hobeak dira Nafarroan

Iñaut Matauko Rada

Azken astean 353 kasu positibo antzeman dituzte: joan den astean baino %52 gutxiago. Lau astez jarraian behera egin du intzidentzia metatuak.

Bilboko konpartsek egindako agerraldia, atzo. ©MONIKA DEL VALLE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...