Albistea entzun

Musika

Ane Pikazak egin du Donostiako 57. Jazzaldiaren kartela

Jazzaren besarkada irudikatzen du afixak.

Ane Pikazak Donostiko 57. Jazzaldirako egindako kartela.
Ane Pikazak Donostiko 57. Jazzaldirako egindako kartela. Ane Pikaza Tamaina handiagoan ikusi

Berria -

2022ko martxoak 18 11:50

Uztailaren 21etik 25era egingo da Donostiako 57. Jazzaldia, eta badu kartela. Ane Pikaza ilustratzaile, aktore eta kultur kudeatzaileak egina da. Jazzaldiaren besarkada du izenburua, eta musikak hiriarekin duen loturan inspiratua dago. Kontxako badian kokatzen da, Igeldotik Urgullera, eta agertoki baten atzealde gisa ageri den jazzaren besarkada irudikatzen du. «Proposamen koloretsua da, Jazzaldian Donostia zuzeneko musikaz beteriko hiri distiratsu bihurtzen duten giroa eta espiritua islatzen dituena», azaldu du Jazzaldiak ohar baten bitartez.

Aktorea, Arte Ederretan lizentziatua eta Arte Dramatikoan diplomatua da Ane Pikaza. Antzerkia eta Arte Eszenikoak espezialitatearekin eta UOCeko Kultur Kudeaketa masterrarekin osatu zituen ikasketak. Uztartu egiten ditu ilustratzaile, aktore eta kultur kudeatzaile lanak. Ilustratzaile gisa egin dituen lanetatik, hauek nabarmentzen dira: Zinegoak, Zinemakumeak eta Durangoko Azokaren kartelak eta Gomutan eta Begiak zerumugan liburuetarako ilustrazioak. Horrez gain, aktore gisa, protagonista izan da Nora filmean, eta Azkuna zentroko Fatxada proiektuan ere parte hartu du.

Orain, La Dramatica Erranteren Yerma eta Altsasu antzezlanetako aktoreen artean dago; Maria Goirizelaiarekin batera sortutako konpainia bat da, eta harekin batera zuzentzen du Erriberriko Antzerki Jaialdia (Nafarroa).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©Idoia Zabaleta / Foku

Itzal jokoetan aritzea

Yasmine Khris

Ia berrogei urte daramatza Fernando Reyk itzulpen lanetan, italieraren eta euskararen artean. Lotsaz onartu du ez dela bidaiatu zalea, baina liburuak baliatzen zaizkio Danteren hizkuntzaren munduan murgiltzeko, betiere ofizioa ilunpean mantenduz.

 ©BERRIA
Alkaizaren eta Ibarzabalen arteko solasa udako 'Bertsolari'-n

Alkaizaren eta Ibarzabalen arteko solasa udako 'Bertsolari'-n

Berria

Haizea Beruete, Ana Galarraga, Balentin Larrea, Mateo Mujika eta Piarres Ibarrart ere izan dituzte aipagai aldizkariaren zenbaki berrian

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...