Albistea entzun

Absolbitu egin dute San Frantzisko kalean poliziari eraso egiteaz akusatutako andrea

Ertzain bat zigortu dute emakumeari eta haren semeari lesioak eragiteagatik. Epaileak zalantzan jarri du agentearen sinesgarritasuna, eta «neurriz kanpokotzat» jo du atxiloketetan borra erabiltzea.

Bizkaiko SOS Arrazakeriak martxoaren 16an egindako kontzentrazioa
Bizkaiko SOS Arrazakeriak martxoaren 16an egindako kontzentrazioa Marisol Ramirez/ Foku Tamaina handiagoan ikusi

Edurne Begiristain -

2022ko martxoak 30

Bilboko zigor arloko auzitegiak absolbitu egin du 2020ko martxoan Bilboko San Frantzisko kalean bere semea babesteagatik Ertzaintzak kolpatu eta atxilotu zuen emakumea. Halaber, ertzain bat zigortu du emakumea eta haren semearen aurkako bi lesio delitu arinengatik.

Emakumea eta haren semea San Frantzisko kalean atxilotu zituzten, konfinamendu betean. Azkar zabaldu zen bideoa sare sozialetan. Kalean zebilen gazte bati kontu eske joan zitzaizkion Ertzaintzako hainbat kide, eta hura babestera jo zuen haren amak, bere semea zela esanez eta buruko gaitz bat zuela abisu emanez. Polizietako bat haren aurka oldartu zen, ordea, eta borrarekin jo zuen. Ertzainek lesio arinak eta agintaritzaren aurkako atentatua egotzi zizkioten emakumeari; jazoera haiengatik epaitu egin zuten gero, Bilbon.

Gaur kaleratu duten epaiak dio «ezin zaiela agenteei sinesgarritasun osoa eman beren izaera hutsagatik», eta «neurriz kanpokoa» izan zela atxiloketan borra erabiltzea. Epaileak 240 euroko isuna ezarri dio agenteari. Gainera, 105 euroko kalte ordaina eman beharko dio gazteari, eragindako zauriengatik, eta 156,60 eurokoa amari.

Bizkaiko SOS Arrazakeriak ohar bidez adierazi du «presio sozialari» esker lortu dela epaia. Poliziaren indarkeria arrazistaren aurka borrokan jarraituko duela esan du elkarteak, eta eskatu du amaitzeko Poliziak pertsona migrante eta arrazializatuen aurka erabiltzen duen indarkeria.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zumaian (Gipuzkoa) eguerdian egin dute ziztadak gaitzesteko elkarretaratzea. ©Urola Kostako Hitza

Eraso matxistak salatu dituzte Donostian, Gasteizen eta Algortan

Berria

Donostian lau emakumek ziztadak salatu dituzte, eta Zumaian eta Algortan banak. Elkarretaratzeak egin dituzte hiru leku horietan erasoak gaitzesteko. Donostian, gainera, gizon bat atxilotu dute bere bikotekideari laban batekin eraso egiteagatik.

XEEK taldeak Maulen ezarri duen afixa bat, atzoko protestarako. ©G. FAUVEAU

Espekulazioaren kontra protesta egin dute Maulen

Oihana Teyseyre Koskarat

Etxe agentzietan itzuli bat osatuz egin dute manifestazioa, eta salatu dute kostaldean dagoen etxebizitzaren krisia Zuberoara heltzen ari dela

Joxean Muñoz Otaegi eta Amagoia Gurrutxaga Uranga, Donostian. ©Maialen Andres, FOKU

«Utopien funtzioa energien aktibazioa da»

Jon O. Urain

Nola irudikatu gizarte hobeak, ipar gisa hartu eta bideari ekiteko. Utopiak ez dautza gatazkarik ezean, Martinezen ustez, gatazka «modu justuagoan» kudeatzean baizik. Gizarte hobeak ez baitira «zerutiarrak»: «Beti egongo dira egitekoak».

Ilustrazioa: Eider Eibar. ©

«Utopien funtzioa energien aktibazioa da»

Jon O. Urain

Nola irudikatu gizarte hobeak, ipar gisa hartu eta bideari ekiteko. Utopiak ez dautza gatazkarik ezean, Martinezen ustez, gatazka «modu justuagoan» kudeatzean baizik. Gizarte hobeak ez baitira «zerutiarrak»: «Beti egongo dira egitekoak».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...