Albistea entzun

Artea

June Crespo artistak Veneziako Biurtekoan hartuko du parte

Artistaren hiru lan ikusi ahal izango dira Biurtekoaren erakusketa nagusian. Larunbatean irekiko dute, azaroaren 27ra bitarte, eta Cecilia Alemani izango da komisarioa.

June Crespo artista, 2020ean Artiumen irekitako erakusketan.
June Crespo artista, 2020ean Artiumen irekitako erakusketan. Raul Bogajo / FOKU Tamaina handiagoan ikusi

Itziar Ugarte Irizar -

2022ko apirilak 20 15:22

Veneziako Biurtekoaren 59. aldian parte hartzeko gonbidapena jaso du June Crespo artistak (Iruñea, 1982), eta, Etxepare Euskal Institutuaren babesarekin, hiru artelan jarriko ditu erakusgai pabiloi nagusiko erakusketan: Helmets IV (2018), Helmets IX (2022) eta Helmets X (2022). Duela bi urte, Gasteizko Artium museoan irekitako June Crespo. Helmets erakusketan jarri zituen ikusgai sail bereko obrak, hain justu. Nazioarteko beste 213 artistaren lanekin osatutako ibilbide baten parte izango dira orain hiru piezak.

Pandemia dela eta, urtebeteko atzerapenarekin irekiko dute erakusketa larunbatean, eta azaroaren 27ra arte bisitatu ahalko da. Cecilia Alemanik egin ditu komisario lanak, eta The Milk of Dreams (Ametsen esnea) deitu dute, zeinak Leonora Carrington artista surrealistaren liburu bati egiten dion erreferentzia. Gizatasunaren eta ez-gizatasunaren inguruko hausnarketa bultzatzea izango du xede; bizitza modu zabalean hartuta, pertsonekiko, planetarekiko eta beste bizimodu batzuekiko erantzukizunen inguruan galdetuz.

Testuinguru horretara egokituta erakutsiko dute Cresporen lana ere, gorputzak arkitekturarekin dituen harremanei buruzko lengoaia bat landu izan baitu artistak bere eskulturetan. Zuloak, hodiak, mugak, zirkulazioa eta indarra dira horretarako baliatu izan dituen elementuetako batzuk, eta askotariko materialak manipulatu eta konbinatzen ditu ikusleari irakurketa berrietarako sarbidea irekitzeko. Etxepare Institutuko arduradunen esanetan, «armadura» bihurtzen dira haren lanak. «Cresporen instalazioek etorkizuneko hiri paisaia distopikoak eta izaki cyborg konposatu gisa dugun esperientzia garaikidea islatzen dute», adierazi dute, ohar bidez.

Helmets asoziazio libre bat da, eta Henry Mooren The Helmet Heads serieari egiten dio erreferentzia, Crespok bere lehen zeramika lanak egin ahala deskubritu zuena. Argizariei metal industrialeko profilak erantsiz, argizari galduaren urtze prozesua auzitan jartzen zuen, ustekabeko istripuak eraginez. Horrela, artistaren hitzetan, zoriak, kontrol faltak eta materialen jokaeraren tankerako faktoreek pisu handiagoa hartzen zuten. «Mota horretako elementu estruktural eta funtzionalek izaera anatomikoko osagaiak zeharkatzen dituzte, eta materialki fusionatuta, hibrido organiko eta mekanikoa osatzen dute, eskuzkoa eta industriala», azaldu dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

'Sublime' filmeko fotograma bat ©

Mariano Biasinen ‘Sublime’ filmak jasoko du Sabastiane Latino saria Zinemaldian

Iñigo Astiz

RTVEk Carlos Saura eta Cesc Gay egileen lan berriak aurkeztuko dituela ere iragarri du Zinemaldiak

 ©Idoia Zabaleta / Foku

Itzal jokoetan aritzea

Yasmine Khris

Ia berrogei urte daramatza Fernando Reyk itzulpen lanetan, italieraren eta euskararen artean. Lotsaz onartu du ez dela bidaiatu zalea, baina liburuak baliatzen zaizkio Danteren hizkuntzaren munduan murgiltzeko, betiere ofizioa ilunpean mantenduz.

 ©BERRIA
Alkaizaren eta Ibarzabalen arteko solasa udako 'Bertsolari'-n

Alkaizaren eta Ibarzabalen arteko solasa udako 'Bertsolari'-n

Berria

Haizea Beruete, Ana Galarraga, Balentin Larrea, Mateo Mujika eta Piarres Ibarrart ere izan dituzte aipagai aldizkariaren zenbaki berrian

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...