Prentsa askatasuna
Sinadura bilketa bat abiatu dute Pablo Gonzalezen eskubideen alde
Kazetariaren hurbilekoek jarri dute martxan kanpaina, Change.org plataformaren bitartez: 4.000 sinadura erdietsi dituzte hiru egunean. Oroitarazi dute Gonzalez inkomunikatua dagoela otsailean atxilotu zutenez geroztik.
Kasik bi hilabete joan dira Polonian Pablo Gonzalez euskal kazetaria atxilo eraman zutenetik: otsailaren 28an izan zen. Errusiaren mesedetan espioitzan aritzea egotzita atzeman zuten. Ordutik, ez senideek ez lagunek ez dute aukerarik izan kazetariarekin hitz egiteko. Haren abokatu Gonzalo Boyeren zerbitzurik ere ezin izan du eduki atxilotuak. Orain, ezinegonak bultzaturik, familiak eta lagunek sinadura bilketa bat jarri dute martxan Change.org plataforman, Gonzalezen eskubideak errespeta daitezen galdegiteko. 4.000 sinadura bildu dituzte hiru egunean.
Gonzalezen hurbilekoek argitaratutako oharrean, gogora ekarri dute Poloniako Gobernuak ia ez duela erakutsi kazetariaren atxiloketa justifikatzeko frogarik. Are, zehaztu dute orain arte esplikatutakoak Gonzalezen jatorriarekin duela zerikusia, eta ez haren jardunarekin. Halaber, Espainiako Gobernuaren jarrera kritikatu dute.
Gaiak
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
