EUSKAL PRESOAK

Hirugarren graduan jarri dute Iñaki Bilbao Gaubeka euskal presoa

Basauriko kartzelan dago gaur egun. Tratamendu batzordeak proposatu eta Eusko Jaurlaritzak onartu du gradu aldaketa. 1998tik dago preso, eta 25 urteko espetxe zigorra ezarri zioten.

Euskal presoen gradu inboluzioen aurka egindako protesta bat, joan den otsailean, Getxon. MONIKA DEL VALLE / FOKU
maddi ane txoperena iribarren
2022ko maiatzaren 20a
13:48
Entzun

Basauriko kartzelako (Bizkaia) tratamendu batzordeak proposatuta eta Eusko Jaurlaritzak onartuta, hirugarren graduan jarriko dute Iñaki Bilbao Gaubeka euskal presoa. 1998ko ekainetik dago preso Bilbao Gaubeka, eta 25 urteko espetxe zigorra du guzira, ETAko kide gisa hainbat delitu egitea leporatuta. Heldu den urtean beharko luke libre, beraz.

Euskal presoa iazko apirilean jarri zuten bigarren graduan —euskal preso ugari bezala, lehenean zegoen— eta maiatzean ekarri zuten Euskal Herrira, Zueratik (Espainia, 245 kilometro).

BERRIAren zenbaketaren arabera, Espainiako Estatuan preso dauden motibazio politikoko hamazazpi euskal preso daude gaur egun hirugarren graduan. Bertze gainerako gehienak bigarrenean daude.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.