Albistea entzun

Zergak gastu militarrerako erabiltzearen aurkako protesta egin dute Bilbon

Argitan emakumeen aholkularitza zentroak eta Kakitzat koordinakunde antimilitaristak elkarretaratzea egin dute Bilboko Bizkaiko Foru Aldundiaren aurrean, 'Ez eman jaten militarismoari' lelopean. Gerraren Aurkako Emakumeen Nazioarteko Eguna da gaur.

Elkarretaratzearen argazkia, gaur goizean.
Elkarretaratzearen argazkia, gaur goizean. Kakitzat Tamaina handiagoan ikusi

Unai Etxenausia -

2022ko maiatzak 24 09:12

Argitan emakumeen aholkularitza zentroak eta Kakitzat koordinakunde antimilitaristak elkarretaratzea egin dute Bilboko Bizkaiko Foru Aldundiaren egoitzaren parean, Ez eman jaten militarismoari lelopean. Izan ere, salatu dutenez, Ukrainako gatazka belikoaren «aitzakiarekin» erakundeek «helburu sozialki bidegabeetara edo kaltegarrietara» bideratzen dituzte herritarren zergak, hala nola gastu militarretara. Gerraren aurkako Emakumeen Nazioarteko Eguna da gaur; beraz, bi kolektiboek azpimarratu dutenez, emakumeak kalera aterako dira mundu osoan bake eske eta egungo gatazka belikoak salatzeko.

Era berean, nabarmendu dutenez, administrazioek baliabide ugari jartzen dituzte gastu militarrerako, eta «osasunean, pentsioetan, berdintasun politiketan, gizarte prestazioetan eta etxebizitza duina eskuratzeko aukeran, aldiz, murrizketak daude gaur egun".

Barne Desplazamenduaren Behatokiaren eta Errefuxiatuentzako Norvegiako Kontseiluaren azken txostenaren arabera, migratzaileen kopurua «inoiz ikusi gabeko» mailetara iritsi zen 2021ean, 53 milioi pertsona guztira: gerra gatazken ondorioz errefuxiatu gehien egon zen urtea.

Bestalde, bi taldeek salatu dutenez, «gerrako jaunek» gastu militarrerako 22.000 milioi euro jartzea onartu dute, eta 6.500 milioi euro handitu da gastua. Gainera, erakundeen inplikazioa salatu dute. «Eusko Jaurlaritzak 100 milioi euroko diru laguntza ematen dio gerraren industriari».

Hori dela eta, emakumeek «gastu militarrei eragozpen fiskala jartzearen» alde egiten dute. Eta gogorarazi dute aurten pertsona bakoitzak 700 euro emango dituela zergen bidez gerrak finantzatzeko: «Militarismoa edo arma fabrikak diruz laguntzeko diru kopuru izugarria herritarren zergetatik dator».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hainbat aplikazio eta streaming plataforma erakusten dituzten pantailak. ©Berria

Gaztelaniazko ikus-entzunezkoak dira nagusi Uemako herrietako ikasleen artean

Julen Aperribai

Uemako herrietako ikasleen %73k gaztelaniaz ikusi dute, azkenekoz, telesail bat. Netflix 'streaming' plataformaren kontsumoa gehien ikusten den hurrengo plataformarena halako bi da. Lehen Hezkuntzako ikasleen artean, marrazki bizidunen Clan katearen audientzia ETB3rena halako bi da.

Iraitz Lazkano UEMAko lehendakaria, eta Garikoitz Goikoetxea teknikaria Eusko Legebiltzarrean ©UEMA

Uemak adierazi du «sendotasun handiagoz» heldu behar zaiola ikus-entzunezkoen gaiari

Isabel Jaurena

Iraitz Lazkano Uemako lehendakariaren erranetan, EITBk eta RTVEk «ardura handia» dute. Online plataformen eta sare sozialen eginkizuna ere azpimarratu du.

Ikasgela bat Gasteizko Angel Ganivet eskolan, artxiboko irudian ©juanan Ruiz / foku

Irakasleek berriz ere aukera edukiko dute eszedentziak noiz amaitu aukeratzeko

Irati Urdalleta Lete

Eusko Jaurlaritzako Hezkuntza Sailak duela urtebete arautu zituen jardunaldi murrizketak, eszedentziak eta aldi baterako eteteak, eta erabaki zuten baimenak horiek emateko arrazoia amaitzen zenean edo urtarrilaren 31n edo abuztuaren 31n soilik bukatu ahal izango zituztela. Arartekoak eskatu zuen agindu hori bertan behera lagatzea, eta hala egin du Hezkuntza Sailak.

Angelun geldiarazi duten obra ©Guillaume Fauveau

Hondakinen gainean eraikitako obra bat geldiarazi dute Angelun

Ekhi Erremundegi Beloki - Oihana Teyseyre Koskarat

Lurrarekin nahasitako dozenaka hondakinek osatzen dute eraikuntzaren zimendua

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...