Albistea entzun

Osasuna

Pestizidarik arriskutsuenen zantzua duen fruta %53 areagotu da azken bederatzi urteotan Europan

Azterturiko gerezien erdia kutsatuta dagoela aurkitu dute ia hamarkada batez eginiko ikerketan. Europako Batzordearen eta EBko estatu kideen «erabateko porrota» salatu dute, EBko arauak ezartzeko eta kontsumitzaileak babesteko orduan.

Idoia Zabaleta / FOKU Tamaina handiagoan ikusi

Edu Lartzanguren -

2022ko maiatzak 24 09:38

Norbaitek uste badu Europako Batasuneko arauen eraginez, gero eta zorrotzago zaintzen dela europarrek jaten dutena, eta, ondorioz, elikagaiek dituzten pestizida mailak gero eta baxuagoak direla, erabat oker dago. Hala erakutsi du Pesticide Action Network (PAN) taldeak bederatzi urtez egin duen ikerketak. Europako azoka, denda eta supermerkatuetan saltzen diren 100.000 fruta eta barazki laginak aztertu dituzte, kontinentean bertan hazitakoak, eta, ikusi dutenez, pestizidarik arriskutsuenen kutsadura %53 handitu da azken hamarkadan.

Zenbakiak oso nabarmenak dira: 2011. urtean hasi zuten ikerketa, eta, orduan, bakarrik kiwien %4a zeuden kutsaturik. 2019an, berriz, heren bat (%32) kutsatuta zeuden.

Azterturiko gerezien erdia kutsatuta daudela aurkitu zuten ikerketaren azken urtean (2019). 2011n, %22 ziren.

Horiez gain, frutarik kutsatuenak masustak ziren (%51), mertxikak (%45) eta marrubiak (%38). Eta, barazkien artean, apioa (%50), aza berdea (%31) eta Bruselako azak (%26).

Kutsaturiko fruta eta barazkien kopurua handitzeaz gain, areagotu egin da erabilitako pestizida mota. Esaterako, 2011n, fruten %6,4 zeuden kutsaturik gutxienez bi pestizidarik toxikoenekin, eta 2019an %10,2ra igo da kopurua.

«Pestizida toxikoen erabilera jaisten ari dela eta elikagaietan dauden arrasto mailak kontrolpean daudela esaten dute ofizialki, baina txosten honek eta horren ondorio nagusiek adierazpen ofizialen kontrakoa erakutsi dute», adierazi dute txostengileek.

Haien arabera, honek erakutsiko luke Europako Batzordearen eta EBko estatu kideen «erabateko porrota», EBko arauak ezartzeko eta kontsumitzaileak babesteko orduan.

Emaitzaren irakurketa are larriagoa egin daiteke, ikertzaileek bakarrik aztertu dituztelako Bruselak arriskutsuentzat dauzkan pestizidak, eta, ondorioz, erregulaziorik zorrotzena daukatenak, ustez. Horiek guztiak lotu dituzte hainbat gaitzekin, tartean minbiziarekin, bihotzeko arazoekin eta diabetesarekin. Gizakiak pozoitzeaz gain, ingurumenean ere kalteak eragiten dituzte.

Elikagai kutsatuak ekoizteko joera handiagoa duten herrialdeak Belgika (%34), Irlanda (%26), Frantzia (%22), Italia (%21), Alemania (%20) eta Espainia (%19) dira.

Ikertzaileek kritikatu egin dute Europako Batasunak gaiaren inguruan egiten dituen ikerketak, bakarrik hartzen dituelako kontuan zenbat pestizida saltzen den, ez eta zenbat erabiltzen den, azken horren inguruko daturik ez dagoelako. Salmentak ikusita, Bruselak ondorioztatzen du %12 jaitsi dela pestizida arriskutsuenen erabilera.

Ikertzaileek, berriz, barazkietan geraturiko pestizida zantzuen kopurua aztertu dute.

Zer dela eta areagotu da horrenbeste pestizida arriskutsuenen erabilera? Pesticide Action Networkek azaldu duenez, izurri askok erresistentzia garatu dute genetikoki, belaunaldiz belaunaldi, eta horrek nekazariak eraman ditu toxiko gehiago erabiltzera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joseba Segura Bilboko apezpiku izendatzeko elizkizuna, 2019ean. ©Miguel Toña/ Efe

Bilboko Elizbarrutia hamalau apaiz ikertzen ari da sexu abusuengatik

Edurne Begiristain

Joseba Segura Bilboko gotzainak baieztatu du elizbarrutian sortutako ikerketa batzordeak hamalau apaiz identifikatu dituela abusuen ustezko egile gisa. Gainera, erabateko sinesgarritasuna eman die biktimen lekukotzei.

Migrante batzuk, Irungo Harrera Sarekoen azalpenak entzuten, atzo, herriko plazan. ©JAGOBA MANTEROLA / FOKU

Zeharkaldirako sareak eraikiz

Jone Arruabarrena

Egunero heltzen dira etorkinak Irunera, Lapurdiko muga igarotzeko asmoz. Irungo Harrera Sareko kideek han egiten diete ongi etorria, eta bidaia ahalik eta modu seguruenean egiteko informazioa eskaintzen diete. Aurten, bi gazte hil dira muga Bidasoa ibaitik gurutzatu nahian.
Suteak Akitanian

Ireki dute Biriatuko muga ibilgailu mota guztientzat

Jone Arruabarrena - Oihana Teyseyre Koskarat

Gauean zehar muga igaro ahal izan dute, baina 07:00etatik aurrera berriz itxi diete, Gironda departamenduan piztutako suteagatik. 6.800 hektareatik gora kiskali ditu suak, eta 10.000 pertsona ebakuatu behar izan dituzte.

Txartelak balioztatzeko makinak Bilboko Metroan ©Marisol Ramirez / Foku

Bilboko Metroak iragarri du deskontuak aplikatuko dituela garraio publikoa sustatzeko

Berria

Bizkaiko Garraio Partzuergoaren erabakiaren zain dago, teknikoki nola egin erabakitzeko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...