Nafarroako Gobernuak onartu egin du parlamentura eramatea Eliza katolikoan jasandako sexu abusuen biktimen errekonozimendurako legea. EH Bilduk, PSOEk, Gero Baik eta Ezkerrak proposatu dute legea, baina Nafarroako Gobernuaren esku dago legea onartzea. «Bizikidetza demokratikoa eta baketsua izateko nahitaezkoa da giza eskubideak urratu dizkieten biktimak duintzea eta egiturazko erreparazioa egitea», adierazi du Nafarroako Gobernuak.
Eliza katolikoan sexu abusuak jasan zituzten biktimen errekonozimendu indibiduala eta kolektiboa ageri da legean. Gainera, errekonozimendurako batzorde bat sortu nahi dute.
Lege proposamenaren arabera, biktimei laguntza eskainiko zaie, hala nola aholkularitzaren bidez eta beste entitateekin bitartekaritza eginez.