Musika

Andy Fletcher Depeche Mode taldeko kidea hil da

Taldearen sortzaileetako bat izan da, eta 60 urterekin zendu da

Andy Fletcher, 2013an, Budapesten. BALAZS MOHAI / EFE Tamaina handiagoan ikusi

2022ko maiatzak 27 09:11

Andy Fletcher teklatu jotzailea Depeche Mode pop talde ingelesaren sortzaileetako bat izan zen, eta orduz geroztik bandan izan da Martin Gore gitarristarekin eta David Gahan abeslariarekin batera. Hain zuzen ere, taldekideek samina adierazi dute lagunaren heriotzagatik.

Nottinghamen jaioa, Fletcherrek 1980an sortu zuen Depeche Mode Gahan, Gore eta Vince Clarkerekin batera. Hurrengo urtean Speak & Spell diskoa kaleratu zuten, eta synth-pop mugimendu berriaren talde arrakastatsuenetakoa bilakatu zen, besteak beste Just can’t get enough kantuari esker.

Lehen disko hura argitaratu ondoren, Clarkek —taldeko konpositore nagusiak— Depeche Mode utzi, eta Gahan, Gore eta Fletcherrek hartu zuten haren gidaritza. Hain zuzen ere, 80ko hamarkadan taldearen soinua eraldatu eta ilundu egin zuten, baina hori ez zen oztopo izan arrakasta handiko kantu eta diskoak grabatzeko. Horien artean, Music For The Masses (1987) eta Violator (1989) diskoetakoak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut