Albistea entzun

Duela 46 urte desagertutako eskultura bat itzultzera behartu dute Jon Buesa, EAJko goi kargudun ohi bat

Bako jainko erromatarraren burua Arkaiako (Gasteiz) obra batzuetan agertu zen 1976an. Epaile batek aginduta itzuli du lana, eskultura berak zuela aitortu ostean. Aurretik, berak zuena kopia bat zela adierazi zuen.

1976tik desagertuta zegoen Bakoren burua.
1976tik desagertuta zegoen Bakoren burua. BERRIA Tamaina handiagoan ikusi

Paulo Ostolaza -

2022ko ekainak 1

Azaldu da Arkaiako (Gasteiz) obra batzuetan duela 46 urte aurkitu zuten Bakoren burua: Jon Buesak entregatu du, besteak beste Arabako Batzar Nagusietan EAJren bozeramaile izandakoak. Eusko Jaurlaritzako Uren zuzendaria ere izan zen, eta 1976an obretarako Arabako Aldundiaren ingeniaria zen.

Buesak aste honetan aitortu du berak zuela marmolezko artelana, eta Gasteizko epaile batek behartu du itzultzera. Orain, Arabako Foru Aldundiaren jabetzara itzuli da; Ertzaintzaren eta foru teknikarien artean eraman dute Arabako Bibat arkeologia museora. Han berrikusi egingo dute, eta, benetakoa dela baieztatutakoan, publikoki erakutsiko dute ziurrenik. Balio handiko pieza da, II. mendekoa. Zortzi zentimetroko zabalera eta hamabiko garaiera du, nahiz eta ez dagoen oso-osorik.

Kopia bat?

Jakina zen artelana bere ardurapean izan zuen azken pertsona Buesa zela, aldundiko ingeniaria zen garaian. Ikerketa, ordea, aurten suspertu da berriz, El Correo egunkariak urtarrilean ateratako artikulu baten harira. Foru Aldundiak salaketa jartzea erabaki zuen, eta Buesa deklaratzera deitu zuen epaileak. Orduan esan zuenez, berak zuen artelana kopia bat zen, eta ez zekien benetako pieza non zegoen. Orduan, aldundiak kopia hori entregatzeko eskatu zion, azter zezaten. Ez zuten erantzunik jaso, atzo arte.

Arkaian aurkitutako gainontzeko piezak Bibat museoan daude. Han egon zen erromatarren Suestatium hiria, eta arkeologoek balio handiko informazioa eskuratu dute aztarnategi horretan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Foro Sozial Iraunkorreko koordinatzaile Agus Hernan, atzo, Zaballako espetxean. ©JAIZKI FONTANEDA / FOKU

Foro Sozialak azken bilera egin du EPPK-ko ordezkariekin

Gotzon Hermosilla

Honenbestez, bi aldeek bukatutzat eman dute 2017an irekitako elkarrizketa iraunkorreko etapa. Foro Sozialak esan duenez, EPPK-k ontzat jo du urte hauetako harremana
Gure Esku-ko Josu Etxaburu, atzo, Eusko Legebiltzarrean. ©JAIZKI FONTANEDA / FOKU

Gure Esku-k ekintzetara igarotzeko eskatu dio Eusko Legebiltzarrari

Iosu Alberdi

Elkarteak talde parlamentarioei exijitu die eztabaida «garden eta ireki» bat hasteko, erabakitzeko eskubidea arautzea helburutzat hartuta
Agus Hernan, Zaballako espetxean ©Jaizki Fontaneda / Foku

Foro Sozialak azken bilera egin du EPPK-ko ordezkariekin

Gotzon Hermosilla

Honenbestez, bi aldeek bukatutzat eman dute 2017an irekitako elkarrizketa iraunkorreko etapa

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...