Albistea entzun

Bizimoduaren garestitzea

Hilean 9 euro ordainduta, alemaniarrek ia nahi bezala bidaiatu ahalko dute datozen hiru hilabeteetan

Bizitzaren garestitzeari aurre egiteko hartu du neurria Alemaniako Gobernuak. Garraio publiko guztia sartzen da planean, hirien arteko eta ibilbide luzeko trenak izan ezik.

Bidaiariak, eskualdeko tren bate ondoan, Spira hiriko geltokian, bederatzi euroko txartela indarrean sartu den egunean.
Bidaiariak, eskualdeko tren bate ondoan, Spira hiriko geltokian, bederatzi euroko txartela indarrean sartu den egunean. RONALD WITTEK / EFE / EPA Tamaina handiagoan ikusi

Edu Lartzanguren -

2022ko ekainak 1

Bederatzi euroko txartel bat erosita, nahi adina bidaiatu metroan, autobusean eta trenean, hilabete osoan. Aukera hori daukate alemaniarrek gaurtik, ekainerako, uztailerako eta abuzturako. Alemaniako Gobernuak ezarri du bederatzi euroko txartelaren plana, inflazioari eta oinarrizko produktuen garestitzeari aurre egiteko. Horrez gain, herritarrei autoa ez erabiltzeko arrazoi bat eman nahi diete.

Gaur sartu da plana indarrean, baina Alemaniako Garraio Ministro Volker Wissingek esan du dagoeneko «arrakasta handia» dela, dagoeneko zazpi milioi txartel saldu dituztelako. Izan ere, goizean goizetik herritarrek aplikazioen bidez, txartel makinetan eta garraio bulegoetan erosi ahal izan dituzte txartelak. Halere, hainbat hiri eta garraio enpresak egunak daramate txartelak saltzen, gaurtik aurrera erabiltzeko.

Planean ez dira sartzen Deutsche Bahn konpainia publikoko hiri arteko trenak eta ibilbide luzekoak, baina, halere, herrialde osoa zeharkatzeko aukera badago, eskualdeetako trenak katean erabiliz gero. Ezin da erreserbarik egin, hori bakarrik ibilbide luzeetako trenetan egiten baita normalean. Bizikleta eramanez gero, aparte ordaindu behar da. Edonon erositako txartelak Alemania osorako balio du.

«Ikusita zenbat garestitu den energia, berehala arindu nahi dugu herritarrek pairatzen duten zama», esan du Wissing ministroak. Bederatzi euroko txartelarekin «energia aurreztuko dugu eta garraio publikoa erakargarriago egingo dugu luzera begira».

Neurri gehiago

Beste zenbait neurri hartu ditu Alemaniako Gobernuak prezioen gorakada konpentsatzeko. Uztailean, haur bakoitzeko 100 euro jasoko dituzte gurasoek, eta, udazkenean, energia beharrak handitzen hasten direnean, 300 euroko ordain bakar bat jasoko du lan kontratua duen pertsona bakoitzak. Langabezian daudenentzat edo gizarte laguntzaren bat jasotzen dutenentzat bestelako laguntzak prestatu dituzte.

Horrez gain, erregaiaren zerga litroko 30 zentimo merkatu dute hiru hilabete horietarako. Horren ondorioz, gasolina 2 euro baino merkeago dago Alemanian.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Urkullu Ingeteameko buruekin. ©BERRIA
Amiantoaren biktimen protesta, 2021ean, Espainiako Gorteen aurrean. ©Juan Carlos Hidalgo / Efe

Amiantoaren biktimen funtsa sortu dute, eskatu eta 11 urtera

Iker Aranburu

Eusko Legebiltzarraren eskaerari azkenean baiezkoa eman diote Espainiako Gorteek. Hasiera batean 25 milioi izango ditu funtsak

Abdulaziz bin Salman al-Saud Saudi Arabiako Energia ministroa, asteazken honetan Vienan eginiko bileran ©CHRISTIAN BRUNA (Efe)

LPEE Moskurekin lerrokatu da eta petrolio ekoizpena murriztuko du

Jokin Sagarzazu - Iker Aranburu

Erabaki «tekniko» bat dela argudiatu du taldeak, motelaldi ekonomikoak prezioan izan dezakeen eragina txikitzeko. Bi milioi upel gutxiago ekoiztuko dituzte, munduko produkzioaren %2 inguru

Petroliontzi bat San Petersburgon., ©Anatoli Maltsev / Efe

Errusiako petrolioaren prezioari muga bat jarriko dio EBk

Iker Aranburu

Saudi Arabiak, Errusiak eta LPEE+ taldeko ekoizleek bi milioi upel gutxiago merkaturatuko dituzte, salneurria igotzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...