Albistea entzun

Osasuna

Aho batez eskatu dute elikadura portaeraren nahasmenduen arta indartzeko

Eusko Legebiltzarrak Jaurlaritzari galdegin dio hobetu ditzala Osasun Mentalerako Estrategia berrian elikadura jokabidearen nahasmenduak artatzeko programak. Halaber, urtea amaitu aurretik nahasmendu horien eraginari buruzko azterketa egiteko eskatu dio.

Osasun etxe bat
Osasun etxe bat Monika del Valle/ Foku Tamaina handiagoan ikusi

Edurne Begiristain -

2022ko ekainak 2

Elikadura portaeraren nahasmenduak dituztenen arta hobetzea aho batez babestu du Eusko Legebiltzarrak gaurko saioan. Gutxitan ikusten den adostasuna lortu da ganberan. PP-C’s taldeak aurkeztu du legez besteko proposamena, eta erdibideko testu bat adostu du EAJ, EH Bildu eta PSE-EErekin. Testu alternatibo horri babesa eman diote talde denek.

Onartutako testuan, legebiltzarrak dio elikadura jokabidearen nahasmenduak dituzten pazienteen arretan gabeziak konpontzea ezinbestekoa dela, eta hainbat neurri martxan jartzeko eskatu dio Osasun Sailari. Izan ere, Osasun Saila osasun mentaleko estrategia berri bat definitzeko lanean ari da, eta estrategia horren helburuen artean ezarrita dago elikadura portaeraren nahasmenduei aurre egitea Osasun Mentaleko Aholku Batzordearen barruan. Eusko Legebiltzarrak gaurko proposamenean eskatu du «inplikatutako eragileek eta erabiltzaileek modu koordinatuan» parte har dezatela sortutako talde berri horretan. Halaber, Osasun Sailari galdegin diote ebaluatu dezala, 2022 urtea bukatu aurretik, horrelako nahasmenduek zer eragin duten gizartean, kontuan hartuta elikadura portaeraren nahasmenduak dituztenek behar duten «arreta integrala» eta diziplinarteko arta.

Halaber, talde guztiek eskaera hau egin diote gobernuari: osasun mentaleko estrategia berrian sar ditzala elikadura portaeraren nahasmendua duten pertsonei arreta emateko beharrezkotzat jotzen diren «zerbitzu, prestazio eta baliabideak», eta, horrela, Osakidetza barruan programa eta baliabide espezifikoak sortu, egokitu eta indartu ditzala. Besteak beste, proposatu diote bermatzea plaza eta profesional espezializatu nahikoak egotea eguneko zentro eta jantoki terapeutikoetan, «benetako terapia eta diziplina anitzeko arreta integrala, jarraitua eta koordinatua eman dezaten».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Claveria, eskuinean, eta Amaya, erdian, atzo, biltzarraren ondorio nagusiak aurkezten. ©MONIKA DEL VALLE / FOKU

Ijito eta emakume izateagatik

Maite Asensio Lozano

«Genero antitziganismo» kontzeptua definitzeko lehen pausoak egin dituzte Bilbon, asteon Romi Berriak eta Amuge elkarteek antolatutako biltzar batean. «Jazarpen sistematikoa» salatu dute.

 ©MONIKA DEL VALLE / FOKU

«Enpresek erabakitzen dute eskola jangeletan zer eta nola jan»

Irati Urdalleta Lete

Sukaldeak eskoletan egotea, enpresa txikiei aukera ematea... Viñuelaren irudiko, jangeletan bada zer hobetua, pausoak ikusi arren: «Borondatea falta da, eta beldur handia dago».
Gotzone Sagardui Osasun sailburua, atzo, Eusko Legebiltzarrean. ©R.BOGAJO/ FOKU

Osasun Publikoaren Lege proiektuari «gabeziak» ikusi dizkio oposizioak

Edurne Begiristain

Jaurlaritzako Osasun sailburuak azaldu du osasuna «politika publiko guztien» oinarrian jarri nahi dutela. EH Bilduk eta Elkarrekin Podemos-IUk esan dute lan egingo dutela egitasmoa «hobetzeko»

Marieniaren aldeko manifestazio bat, apirilean. ©Guillaume Fauveau

Urriaren 21etik 23ra Marieniako lurrak okupatzera deitu dute

Ekhi Erremundegi Beloki

Kanpaldia antolatuko dute Kanbon laborantza lurren salmenta salatzeko. Ipar Euskal Herriko borroken topagune izatea nahi dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...