Albistea entzun

Etxegabetzeak

Etxegabetzeek %6,18 egin dute gora Hego Euskal Herrian

Aurtengo lehen hiruhilekoan 292 etxegabetze izan dira Hego Euskal Herrian, joan den urteko garai beran baino %6,18 gehiago.

Martxoan Donostian etxegabetze baten aurrean egin zuten protestaren irudi bat.
Martxoan Donostian etxegabetze baten aurrean egin zuten protestaren irudi bat. Andoni Canellada / FOKU Tamaina handiagoan ikusi

Iñaut Matauko Rada -

2022ko ekainak 6 12:46

Espainiako Botere Judizialaren Kontseilu Nagusiak estatuan lehen hiruhilekoan egondako etxegabetzeen datuak argitaratu ditu, eta Hego Euskal Herrian %6,18 gehitu dira aurreko urtearekin alderatuta. Hipoteka betearazpenen eta Hiri Arrendamenduko Legearen bidezko prozedurak gehituta, Hegoaldean 275 kaleratze izan ziren 2021ko lehen hiruhilekoan, eta 292 aurtengo epe berean.

Araba, Bizkai eta Gipuzkoako datuei erreparatuta, %13,3 gehitu dira hipoteka betearazpenen bidezko prozedurak, eta Hiri Arrendamenduko Legearen bidezko kaleratzeak, berriz, %7,9. Guztira, beraz, joan den urtetik %9,09 ugaritu dira etxegabetzeak hiru herrialdeetan.

Nafarroan hipoteka betearazpenaren bitartez egindako prozedurak ugaritu dira. 2021eko lehen hiruhilekoan sei egin ziren, eta aurten, berriz, hamalau; %133,3ko igoera da. Bestalde, Hiri Arrendamenduko Legearen bidezko etxegabetzeek %16,7 egin dute behera, 2021ean 60 egin baitziren eta aurten 50. Guztira, Nafarroan %3,03 gutxitu dira kaleratzeak.

2022ko otsailaren 22an Espainiako Gobernuak etxegabetzeen etenaldia luzatu bazuen ere, datuek erakusten dute Hego Euskal Herrian eta estatuan kaleratzeak ugaritu egin direla.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ertzaintzaren Irungo komisaria. ©GORKA ESTRADA / EFE

22 urteko gizon bat atxilotu dute Irunen, sexu eraso bat egiteagatik

Iñaut Matauko Rada

Goizeko ordu txikitan jazo da, herriko aparkaleku batean. Ertzaintzak sexu eraso bat egitea egotzi dio 22 urteko gizonari.

Mauleko mainfestazioa, gaur. ©Guillaume Fauvea

Etxebizitza espekulazioaren aurka mobilizatu dira Maulen

Oihana Teyseyre Koskarat

Etxe agentzietan itzuli bat osatuz egin dute protesta, XEKK Xiberuko Espekulazioaren Kontrako Kolektiboak antolatuta.

Donostiako erdialdeko kaleetan ibili dira manifestariak. ©IDOIA ZABALETA / FOKU

Zezenketen aurka mobilizatu dira Donostian

Iñaut Matauko Rada

Gipuzkoako Plataforma Antitaurinoak deituta, ehunka pertsonek Aste Nagusian Donostian egingo diren zezenketak gaitzetsi dituzte.

Manifestazioa, gaur, Donostian. ©Itaia Donostia.

Ziztada bidezko erasoak salatu, eta indarkeria matxistaren aurka antolatzera deitu dute

Berria

Itaiak manifestazio bat egin du Donostian, 'Ziztadarik ez. Erasoen aurrean babesa antolatu' lelopean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.