Albistea entzun

Polizia jazarpena

Militanteenganako polizia jazarpena salatu du Sortuk, eta auzitara jo dute

Sarai Goitia militante gazteak Poliziaren jazarpen poltikoa salatu du epaitegietan; adierazi du dei anonimoak jaso dituela, etxean sartu zaizkiola, eta autoan pintaketak egin dizkiotela.

Sarai Goitia eta bere taldea, Bilboko Guardiako Epaitegian, gaur.
Sarai Goitia eta bere taldea, Bilboko Guardiako Epaitegian, gaur. Sortu Tamaina handiagoan ikusi

Iñaut Matauko Rada -

2022ko ekainak 6 09:51

Duela bi aste pasatxo, Galder Barbado Sortuko militanteak salatu zuen Guardia Zibilak kolaborazio eskaerak egin zizkiola; egun horretan, bere lagun batek ere dei anonimoak jaso zituztela adierazi zuen Barbadok, eta gaur adierazi dute Sarai Goitia zela deiak jaso zituena. Goitiarenganako jazarpena, baina, ez zen dei anonimo horietara mugatu. Sortuk argitaratutako ohar baten arabera, Goitia etxera iritsi zen egun batean gauzak mugituta zeudela ohartu zen, baina ez zioten lapurretarik egin. Bestalde, egun berean bere autoan «Hola» zioen pintaketa bat egin zioten autoan.

Gertakari horiek guztiek «kasualitatetik gutxi» dutela adierazi du Sortuk, eta salaketa jarri dute Bilboko Guardiako Epaitegian. Sortuk gogor gaitzetsi ditu euskal militanteak pairatzen ari diren polizia jazarpena, eta nabarmendu du halakoak ez direla iraganeko kontuak: «estatuaren estoldek euskal militanteak zelatatzen eta mehatxatzen jarraitzen dute, eta xantaia egiten ari dira. Azken batean, militanteen aurka beldurra eragin nahian ari dira nazio askapen prozesua geldiarazteko», esan du oharraren amaieran.

Barbadoren kasua

Joan den maiatzaren 20ean, Galder Barbado Sortuko militanteak jakinarazi zuen, alderdiak Donostian duen egoitzan, polizia jazartzen ari zitzaiola. Haren hitzetan, lau lagun autoan zeudela, Guardia Zibilak gelditu egin zituzten kontrol batean. «Hasieran normala izan zen kontrola, baina, denbora pasatu ahala, gaiztotuz joan zen. Ordu eta erdi baino gehiago eman genuen kontrolean, mendira begira, eskuak kanpoan, sakabanatuta eta euripean», adierazi zuen. Orduan, «kamuflatutako bi auto» hurbildu ziren, eta auto horietan zihoazenek estalita zeukaten aurpegia.

Aurpegia begi bistan zuen bakarrak, Harley ezizena zuenak, kolaborazio eskaera egin zion Barbadori. Bere egoera zein zen bazekiela adierazi zion poliziak, eta gauzak kontatuz gero epaiketan lagunduko ziola. Horren ostean, Bilbon kafe bat hartzeko gonbidapena egin zion poliziak militante gazteari. Hala ere, non bizi den eta non ibiltzen den bazekiela esan zion Harleyk, eta harremanetan jarriko zela iragarri zion. Egun hartatik aurrera, telefonoz etengabe deika aritu zen polizia, baita SMSak bidaltzen ere, eta Barbadoren lagun bati ere deika aritu zen, Goitiari.

Barbadok egun batzuk beranduago pairatu zuen azken jazarpena: autoa gidatzen zebilela, pertsona bat jarraika zuela ohartu zen. Polizia zela konturatu zenean, autotik jaitsi zen Barbado, eta herritik alde egiteko eta bakean uzteko eskatu zion poliziari. Hura barrez hasi zen, eta han geratu zen Barbadok alde egin arte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Alonsotegiko udaletxea, artxiboko irudi batean. ©MONIKA DEL VALLE / FOKU

Alonsotegiko alkate ohiarentzat zazpi urteko espetxe zigorra eskatu dute

Iosu Alberdi

Prebarikazioa egitea, dokumentuak faltsutzea eta dirua bidegabe erabiltzea egozten die fiskaltzak Aitor Santiestebani eta beste bost laguni

Espeleologoak Lezetxikiko sistema karstikoaren barruan aurkitutako tunelaren alboan. ©LEZETXIKIREN LAGUNAK

Adifek eta Gipuzkoako Aldundiak txostenak egin zituzten galeria kaltetuaren inguruan

Xabier Martin

Espainiako Garraio ministro Raquel Sanchezek ziurtatu du Lezetxikiko aztarnategiak ez duela «inolako katerik» izan AHTaren tunela dela eta.

Inma Jurio PSNko parlamentaria, atzo, Nafarroako Parlamentuan. ©IÑIGO URIZ / FOKU

PSNk ontzat eman du Nafarroako torturen eta tratu txarren txostena

Mikel Elkoroberezibar Beloki

Navarra Sumak esan du Poliziari «oso eskertuta» dagoela: «Baina torturatu duena ez da gutarra». PSE-EEk ez zuen PSNren iritzi bera izan duela sei urte; «gatazka baten teoria elikatzen» zuela iritzita arbuiatu zuen txostena.

Torturari buruz «oraindik asko» dagoela ikertzeko nabarmendu dute

Laura Pego eta Jeanette Ruiz Kriminologiaren Euskal Institutuko kideak, iaz landutako txostena eskuetan, Nafarroako Parlamentuan. Atzo eman zuten haren edukiaren berri. ©IÑIGO URIZ / FOKU

Torturari buruz «oraindik asko» dagoela ikertzeko nabarmendu dute Nafarroako Parlamentuan

Joxerra Senar

Kriminologiaren Euskal Institutuak bere txostena aurkeztu du Nafarroako Parlamentuan. Laura Pego ikerlariaren arabera, kasu kopurua «garrantzitsua» da, eta azterlana «amaitu gabe» dago oraindik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.