Albistea entzun

Foru hauteskundeak

EAJk irabaziko lituzke Arabako hauteskundeak, aldundiaren galdeketaren arabera

EAJ, EH Bildu eta VOX alderdiek gora egingo lukete, aldundiaren arabera, eta gainontzekoek behera egingo lukete.

EAJren agerraldia, 2019ko foru hauteskundeen aurretik.
EAJren agerraldia, 2019ko foru hauteskundeen aurretik. Marisol Ramirez / FOKU Tamaina handiagoan ikusi

Iñaut Matauko Rada -

2022ko ekainak 9 14:09

Arabako Foru Aldundiak 2023ko foru hauteskundeen boto estimazioa egin du, maiatzeko inkesta baten bidez, eta, aurreikuspen horren arabera, EAJk irabaziko lituzke berriro ere hauteskundeak, botoen %30,4rekin. EH Bildu izango litzateke bigarren indarra, %23,2ko sostenguarekin. 2019ko hauteskundeetan baino botoen ehuneko handiagoa lortuko lukete bi alderdiek, eta EAJk eserleku bat gehiago lortuko luke: hemezortzi. EH Bilduk aurreko hauteskundeetan lortutako batzarkideak bermatuko lituzke, eta PPrekin borrokatu beharko litzateke beste bat izateko.

PSE-EEk, PPk eta Elkarrekin Podemos-IUk behera egingo lukete botoen ehunekoetan. Inkestaren arabera, sozialistak botoen %19tik %17,3ra igaroko lirateke, eta PP, berriz, %15,1etik %14,7ra. Elkarrekin Podemos-IUk, berriz, bi puntu galduko lituzke: bozen %10etik %8ra. Ciudadanosek %0,7 bakarrik lortuko luke, eta Batzar Nagusietatik kanpo egongo litzateke berriro.

Elkarrekin Podemos-IUk eta PSE-EEk eserleku bana galduko lukete, eta hiru eta bederatzi batzarkide izango lituzkete, hurrenez hurren. PP EH Bildurekin borrokatu beharko litzateke zortzigarren eserlekua lortzeko. VOXek botoen ehunekoa bikoiztuko luke gutxienez, %1,4tik %3,7ra igarota, eta Batzar Nagusietan sartuko litzateke lehenengoz, eserleku bat lortuta. Gainontzeko alderdi guztiek, batera, bozen %2,1 lortuko lukete.

Abstentzioak gora

Aldundiaren inkestako datuen arabera, abstentzioak nabarmen egingo luke gora. Izan ere, 2019ko hauteskundeetan parte hartzea %65,3koa izan zen, eta 2023an %52,1ekoa izatea espero da. 2020ko Eusko Legebiltzarrerako hauteskundeetan garbi ikusi zen joera hori, parte hartzeak %60tik %50,8ra egin baitzuen behera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Foro Sozial Iraunkorreko koordinatzaile Agus Hernan, atzo, Zaballako espetxean. ©JAIZKI FONTANEDA / FOKU

Foro Sozialak azken bilera egin du EPPK-ko ordezkariekin

Gotzon Hermosilla

Honenbestez, bi aldeek bukatutzat eman dute 2017an irekitako elkarrizketa iraunkorreko etapa. Foro Sozialak esan duenez, EPPK-k ontzat jo du urte hauetako harremana

Gure Esku-ko Josu Etxaburu, atzo, Eusko Legebiltzarrean. ©JAIZKI FONTANEDA / FOKU

Gure Esku-k ekintzetara igarotzeko eskatu dio Eusko Legebiltzarrari

Iosu Alberdi

Elkarteak talde parlamentarioei exijitu die eztabaida «garden eta ireki» bat hasteko, erabakitzeko eskubidea arautzea helburutzat hartuta
Armak erabilerarik gabe uzteko saioan parte hartu zutenak, Luhusoko Errekarte baserrian, 2018ko abenduan. ©/ Bob Edme

Luhusoko auziko instrukzio aldia amaitutzat jo dute

Jon O. Urain

Fiskalak hilabeteko epea du orain auziari buruzko eskaera aurkezteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.