Albistea entzun

STREAMING PLATAFORMAK

Amazon Prime Videok euskarara bikoiztuta ere estreinatu du ‘The 355’ filma

Netflixek euskarazko azpidatziekin jarri ditu bi telesail, baita zenbait film berri ere. Uztailaren 8an estreinatuko du euskarara bikoiztu duen lehen filma.

'The 355' filmeko protagonistak
'The 355' filmeko protagonistak Amazon Tamaina handiagoan ikusi

Urtzi Urkizu -

2022ko ekainak 9 14:10

Nazioarteko streaming plataforma batek bere kabuz euskarara bikoiztu duen aurreneko filma estreinatu dute: The 355. Eta ez da haurrentzako lan bat. Amazon Prime Videok atzo estreinatu zuen film hori, eta euskarara bikoiztuta zein euskarazko azpidatziekin ikus daiteke. Katalanez eta galegoz ikusteko aukera dago, era berean. Hego Euskal Herriko zerbitzuaren harpidedunek Agentes 355 gaztelaniazko izenburua bilatu behar dute, eta, ondotik, audio menuan aldaketa egin, euskaraz ikusteko. Lapurdin, Nafarroa Beherean eta Zuberoan erosi egin behar da filma, eta ez dago euskaraz ikusteko aukerarik—soilik ingelesezko eta frantsesezko audioak ditu—.

AEBetako thriller bat da The 355, eta Simon Kinberg da zuzendaria. Aktore protagonistak, berriz, Jessica Chastain, Diane Kruger, Penelope Cruz, Lupita Nyong’o, Fan Binbing eta Edgar Ramirez dira. Arma arriskutsu bat mertzenario batzuen esku geldituko da. Orduan, CIAko agente berezi batek nazioarteko lantalde bat osatuko du, mertzenarioei aurre egin eta arma berreskuratzeko asmoz. 355 taldearen esku egongo da mundua salbatzea.

Bilboko Mixer enpresan egin dute filmaren euskarazko bikoizketa, Josu Varelaren zuzendaritzapean. Kredituetan ageri denez, hauek izan dira bikoiztaileak: Maribel Legarreta, Estibaliz Lizarraga, Ana Egileor, Jaione Insausti, Eva Ojanguren, Beñat Narbaiza, Txema Regalado, Eduardo Gorriño, Jon Goirizelaia, Aitor Ormaetxea, Kepa Cueto, Iker Diaz, Josu Mitxelena, Julen Agirrezabala eta Iosu Diaz. Varelak berak ere jarri dio ahotsa pertsonaietako bati.

Amazonen pausoa Espainiako Amazonek urtarrilean egin zuen iragarpenaren bidetik doa. Koro Castellano Amazon Prime Videoko Espainiako zuzendariak zera esan zuen: «Espainian daukagun aberastasun handienetakoa kultur eta hizkuntza dibertsitatea da, eta Amazon Prime Videon sustatu nahi dugu edukiak katalanez, euskaraz eta galegoz ikusi ahal izatea». Orain arte, Dragoi Bola-ren bi film baino ez zeuden euskarazko audioarekin Prime Videoren katalogoan. Azkeneko asteetan, bestalde, dozena bat edukiren euskarazko azpidatziak jarri dituzte. Telesail bat ere ari dira euskarara bikoizten: Un asunto privado. Udan estreinatuko dute.

Azpidatziak, Netflixen
Netflix plataformak euskarara bikoiztuko duen lehen filma, berriz, uztailaren 8an iritsiko da: The Sea Beast. Orain, D'Ortagnan eta hiru mosketxakurrak ere ikus daiteke euskaraz, baina ez du Netflixek bikoiztu.

Dena den, Netflixek iragarri du euskarara bikoiztuko dituen edukiak haurrentzako izango direla —bestelakoa da Amazonen erabakia—. Euskarazko azpidatziak jartzen ere hasi berri da Netflix: Emily in Paris eta Anatomy of a Scandal dira euskarazko azpidatziak dituzten aurreneko bi telesailak. Euskarazko azpidatziak dituzte baita ere film hauek: Choose or die, 365 dni, 365 dni: Ten dzieÅ„, Senior year, Interceptor, Metal lords eta Hustle. Azken hori atzo estreinatu zuten.

Abuztuaren 5ean, Netflixek The Sandman telesaila —izen bereko komikian oinarritua— estreinatuko du, eta euskarazko azpidatziak izango ditu.

Movistar Plus da bere harpidedunei euskarazko azpidatziekin edukiak ikusteko aukerarik zabalena eskaintzen dien plataforma. Iaz, 148 film azpidatzi zituen euskaraz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Herritar bat, Gasteizko Arriaga parkean. Barruko eraztun berdearen parte da eremu hori. ©ENDIKA PORTILLO / FOKU

Eremu berdeetatik egotziak

Amaia Igartua Aristondo

Azpiegitura berdeek etxebizitzen prezioa garestitu dezakete, eta, hala, goi klaseko bizilagunek ordezka ditzakete langile klasekoak. Prozesuari 'gentrifikazio berdea' deritzo, eta jada gertatu da munduko hiri batzuetan.

Erroskillak, opilak eta kordoiak nagusi, San Blas azokan. ©MONIKA DEL VALLE / FOKU

Kordoiak eta pankartak

Olatz Silva Rodrigo

San Blas azokak 76 ekoizle eta 160 abelburu elkartu ditu Abadiñon. Goizetik bildu da jendetza, ekintzaz betetako programazioaz gozatzeko. Protesta egiteko eguna ere izan da.

Gorka Rico eta Javi Rivero, Tolosako Ama jatetxeko sukaldariak. Ama jatetxea lekuz aldatuko dute aurten. ©JON URBE / FOKU

«Herritarrek saria eurena balitz bezala sentitu dute»

Amaia Jimenez Larrea

XXI. Madrid Fusion kongresuaren sukaldari berririk onenen saria jaso zuten joan den astean Javi Riverok eta Gorka Ricok. Oraindik ere oihartzun mediatikoa gainditzen ari direla esan dute.
Andoni Zenarrutzabeitia, disko golfean, hainbat disko sarean sartzeko ahaleginean. ©EUSKADISC GOLF

Diskoaren bueltan kateatuta

Ane Insausti Barandiaran

Disko bat jaurti eta burdinazko saski batean sartzean datzan kirola da disko golfa. Euskal Herrian geroz eta jende gehiago «harrapatu» du katearen hotsak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.