Albistea entzun
Emakumeen aurkako indarkeriari ez
Emakumeen aurkako indarkeriari ez

Gerra Ukrainan

Ukraina EBn sartzeko hautagai izatea proposatu du Europako Batzordeak

Bruselak «hainbat baldintza» ezarri dizkio Ukrainari EBra atxikitzeko negoziazioak hasteko. Moldaviak ere Kieven irizpen bera jaso du; Georgiak ez.

Europako Batzordeko presidente Ursula von der Leyen, gaur, Bruselan egindako agerraldian.
Europako Batzordeko presidente Ursula von der Leyen, gaur, Bruselan egindako agerraldian. OLIVIER HOSLET / EFE Tamaina handiagoan ikusi

Mikel O. Iribar -

2022ko ekainak 17

Europako Batzordeak Ukrainari EB Europako Batasunean sartzeko hautagai estatusa ematea proposatu du ostiral honetan, eta hori izango da, hain zuzen, datorren astean EBko kide diren 27 estatuetako agintariek Kieven hautagaitzari buruz izango duten eztabaidaren oinarria. Ostera, Europako Batzordeak kaleratutako irizpenaren arabera, Bruselak «hainbat baldintza» ezarri dizkio Ukrainako presidente Volodimir Zelenski buru duen gobernuari. Baldintza horiek betez gero, orduan bakarrik hasi ahal izango dituzte atxikitzeko negoziazioak.

«Ukrainak argi eta garbi erakutsi du EBra egokitzeko asmoa duela», adierazi du Ursula von der Leyen Europako Batzordeko presidenteak, Bruselan egindako agerraldian. Ildo beretik, halaber, nabarmendu du prozesua orain «merituetan» oinarrituko dela, eta Ukrainak Europako erreformen arloan egiten dituen aurrerapenen araberakoa izango da. Hori bai, gogorarazi nahi izan du Kievek Europako arauen %70 betetzen dituela.

Von der Leyenek ziurtatu duenez, hautagai bakoitzaren merezimenduak «kontu handiz» aztertu ondoren hartu dituzte erabakiak. Azpimarratu du zehatz-mehatz aztertu dituztela ea EBn sartzeko hautagai izateko eskatzen diren irizpide politiko eta ekonomikoak betetzen diren, bai eta herrialde bakoitzak 70 urte baino gehiagoz klub komunitarioak garatutako legedira egokitzeko duen gaitasuna ere.

Ukrainari dagokionez, Europako Batzordeak Kieven aldeko irizpena eman du, talde komunitarioko kide diren estatuei Ukrainari hautagai estatusa emateko. Moldaviak ere Ukrainaren irizpen bera jaso du; Georgia, berriz, hautagai estatusa jasotzeko egiturazko erreformak egiteko zain dagoela adierazi du Von der Leyenek. «Georgiak politikoki bat egin behar du orain, egiturazko erreformarako eta EBn sartzeko bide argi bat diseinatzeko».

Horrez gain, Europako Batzordeko presidenteak EBn sartzeko beharrezkoak diren erreformak zerrendatu ditu. Zehazki, zuzenbide estatuaren arloan egiteke dagoen lana aipatu du Von der Leyenek: hala nola justizia kontseilariak izendatzea, ustelkeriaren aurkako agentzia operatibo bat izatea eta oligarken aurkako legea edukitzea.

Ukrainari EBn sartzeko hautagai estatusa emateko proposamena Alemaniaren Frantziaren eta Italiaren babesa jaso eta biharamunean heldu da; Ukrainari EBn sartzeko hautagai estatusa «berehala» emateko eskatu zuten. Hori bai, Ukraina talde komunitariora batzeko hautagai gisa onartzeko erabakiak EBko kide diren 27 estatuen adostasuna behar du.

Herbehereek, Austriak eta Portugalek, esaterako, uste dute Kiev ez dagoela «batere prestatuta» EBn sartzeko. Horrez gain, arriskua ikusten dute «itxaropen faltsu» bat pizteko ukrainarrengan, Turkian gertatu zen bezalaxe. Amsterdamek hartu dezakeen jarrerak kezkatu du Brusela; izan ere, 2016an, Herbehereek ezezkoa eman zioten EBk Ukrainarekin zuen elkartze akordioari.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Guardia Zibila Espainia eta Marokoren arteko muga zaintzen, martxoan hainbat migratzailek hesia igarotzeko ahalegina egin ostean, Melillan. ©MIGUEL OSES / EFE

Espainiaren eskua heriotzetan

Mikel O. Iribar

Bi ikerketaren arabera, Espainiako Gobernuak ere erantzukizuna izan zuen Melillako hesian gertaturikoan. GKEek eta oposizioak atakan jarri dute Grande-Marlaska; asteazkenean azalpenak emango ditu berriz ere.
SDFen jarraitzaileak, joan den igandean, martxa batean, Qamishlin (Rojava). ©EFE

Turkiarekiko jarrera «gogortzeko» eskatu diete SDFek aliatuei

A. Perez Zala

Kurduak gehiengo diren koalizio militarraren komandanteak esan du Estatu Islamikoa erasoak prestatzen ari dela Ankarak lurreko operazio militarra agintzen duenerako
Pakistango Lahore hirian atzo egin zuten manifestazio bateko irudi bat. ©RAHAT DAR / EFE

NBEk dirua eskatu du emakumeen eskubideen aldeko taldeentzat

Ander Perez Zala

Guterresek esan du gobernuek %50 handitu behar dutela mugimenduentzako funtsa 2026rako. Emakumeen eta nesken kontrako indarkeria giza eskubideen urraketa «nagusitzat» jo du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...