Albistea entzun

Enpresak

Beste urtebetez luzatuko du Jaurlaritzak COVID maileguen gabealdia

Elkargik, Europako Inbertsio Bankuarekin, finantzaketa lerro bat abiatu du 3.000 langile arteko enpresentzat, eta 30 milioi banatu ditu dagoeneko.

Josu Sanchez Elkargiko presidentea Enpresa Topaketan, Kursaal jauregian.
Josu Sanchez Elkargiko presidentea Enpresa Topaketan, Kursaal jauregian. Javier Etxezarreta / Efe Tamaina handiagoan ikusi

Julen Otaegi Leonet -

2022ko ekainak 21 09:29

Euskal enpresa sarea goranzko joeran ikusten du Elkargik, «erronkaz eta mehatxuz beteriko egoera bat» bada ere oraingoa. Mehatxu horietako bat da enpresa askok orain hasi behar dutela itzultzen pandemiaren garaian hartutako COVID maileguak, oraindik jasandako kaltea leheneratzerik izan ez dutenean. Horiei mezu itxaropentsu bat eman die Elkargik: Eusko Jaurlaritzak beste urtebetez luzatuko du mailegu horien gabealdia.

Gaur egin du Elkargi elkarrekiko berme sozietateak 32. Enpresa Topaketa, Donostiako Kursaalean. Josu Sanchez Elkargiko presidenteak eta Zenon Vazquez zuzendari nagusiak 2021ari eta 2022ko lehen seihilekoari erreparatu zieten, sozietatearen balantzea eskainiz.

Iazko jarduera 370 milioi euroko finantzaketarekin itxi zuen Elkargik. Gehienbat industriara eta zerbitzuetara (%54) bideratu zuten, baita merkataritzara (%15), eraikuntzara (%12), kulturara (%9), ostalaritzara (%6), garraiora (%2,5) eta lehen sektorera (%1,5) ere.

2022ko lehen seihilekoan, Elkargiren jarduera %20 handitu da iazkoaren aldean; jada 183 milioi finantzatu ditu. Erdia baino gehiago (%55) inbertitzeko izan da, eta hamarretik lautan industria enpresak izan dira hartzaileak.

COVID maileguak

Pandemia puri-purian zela, 2020an enpresei likidezia errazteko maileguak eman zituen Elkargik, Eusko Jaurlaritzarekin batera. Orduan, 10.000 enpresa inguruk jo zuten sozietatera, finantzaketa bila. Bost urtean itzultzeko maileguak ziren, urtebeteko gabealdiarekin —dirua itzultzen hasteko epea da gabealdia—. Iaz, ordea, Elkargik eta Jaurlaritzak epea luzatu zien 5.000 enpresari: mailegua sei urtean itzultzeko aukera eman zieten, bi urteko gabealdiaren ostean.

Gabealdia uztailean amaituko zaie enpresa horiei. Halere, Vazquez zuzendari nagusiak iragarri du datozen asteetan Jaurlaritzak dekretu bidez urtebetez luzatuko duela gabealdia: «Ez dugu beharrik ikusten, baina badira zailtasunak dituzten enpresak». Ehunka gutxi batzuek eskatu dute hori. Hortaz, amortizazioa ordaintzen hasteko epea 2023ko uztailean hasiko da hala eskatu duten enpresentzat. Mailegua sei urtean itzultzeko epeak bere horretan jarraituko du.

Programa berriak

Elkargik martxan ditu beste zenbait finantzaketa bide ere. Europako Inbertsio Bankuarekin batera, 3.000 langile arteko ETEak ez direnen finantzaketa lerro bat abiatu du; «akordio historikotzat» jo du Sanchez Elkargiko presidenteak. Dagoeneko 30 milioi euro banatu ditu 30 proiektu ingurutan, eta beste hogei hitzartuko ditu aurki, 50 milioi eurora iritsiz.

Bestalde, urte hasiera aldera ekin zion Elkargik industriako enpresen hazkunderako lerro berriari, Europako Next Generation funtsen ekarpena baliatuz. 1,5 milioi eurorainoko maileguak eskaini ditu, interesik gabe, komisiorik gabe eta zortzi urtean amortizatzeko. Gaur arte 120 proiekturi lagundu die, 40 milioi euro inguru banatuz. Aurrekontua amaitu arte izango da indarrean programa hori, baina «agortzetik urrun» dago inbertsio funtsa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mercedeseko eta metalgintzako langileak, gaur, Gasteizen egin duten manifestazio bateratuan. ©Jaizki Fontaneda / Foku

Gasteizko Mercedesen erantzun handia izaten ari da hirugarren greba eguna ere

Aitor Biain - Paulo Ostolaza

Sindikatuen arabera, %95eko erantzuna izan du lanuzteak. Langile batzordeko sindikatu guztiek deituta, manifestazio bateratua egin dute metalgintza sektoreko langileekin batera. Datorren astean beste hiru greba egunera deitzea adostu dute.

Tubos Reunidos enpresako behargin bat, tutuak sailkatzen. ©Tubos Reunidos

Tubos Reunidosen salmentak %125 hazi dira maiatzera arte

Julen Otaegi Leonet

220 milioi euroren salmentekin, bost hilabetetan iazko fakturazio ia osoa (243 milioi) berdindu du. 2023an zehar emaitza garbi positiboranzko «dinamikan sartzea» espero du.

BetiONeko langileen lehen mobilizazioa, joan den martxoan. ©ELA

Hilabeteko grebari ekingo diote BetiON telelaguntza zerbitzuko langileek

Julen Otaegi Leonet

Uztail osorako deitu dute lanuztea, lan hitzarmenaren «negoziaketen egoera ikusita». Martxotik egun arte 33 greba egun ere egin dituzte langileek.

Bizkaiko metalgintzako langileek Sestaon egin duten manifestazioko hasiera. ©Monika Del Valle / FOKU

Bizkaiko metalgintzako grebak %85eko erantzuna izan du, sindikatuen arabera

Imanol Magro Eizmendi

FVEM patronalaren arabera, erantzuna %29koa izan da. Ertzaintzak pertsona bat atxilotu du Iurretan, eta hura askatzeko eskatu dute sindikatuek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...