Albistea entzun

Osasuna

Osakidetzak greba eskubidea urratzeagatik kontrako epai bat jaso duela jakinarazi du SATSEk

Sindikatuak salatu du Osakidetzak «gutxieneko zerbitzuak eta horien aplikazioa» erabiltzen dituela langileek grebarik egiteko erarik ez izateko

Osakidetzak greba eskubidea urratzeagatik kontrako epai bat jaso duela jakinarazi du SATSEk
Osakidetzak greba eskubidea urratzeagatik kontrako epai bat jaso duela jakinarazi du SATSEk Tamaina handiagoan ikusi

Arantxa Iraola -

2022ko ekainak 22

Aurrez ere jaso izan ditu Osakidetzak aurkako epaiak greba eskubidea urratzea leporatuta, eta orain tankerako beste ebazpen bat jaso duela jakinarazi du SATSE erizainen sindikatuak. Aurten otsailaren 25erako eta 28rako lehen mailako arretan deituak zituzten greba egunen harira emandako epaia dela esan dute, eta Administrazioaren Auzien Bilboko lehenengo epaitegiak eman duela. Erizainek, fisioterapeutek eta beste hainbat langilek greba egun horietan grebarik egiteko erarik ez zutela izan argudiatuta abiatu zuten auzibidea. Sindikatuaren arabera, epaiak adierazi du bi egun horietan Galdakaoko eta Urdulizko ESI erakunde sanitario integratuetan «gutxieneko zerbitzuen aginduen edukia» urratu zela, Eusko Jaurlaritzak ezarritakoak gaindituz.

Esaterako, larunbatetan jardun ohi duten lantaldeekin jardutea zen grebalarien asmoa, baina atzera bota zien Osakidetzak, argudiatuz ezin zituela herritarrak «zerbitzu jakin batzuk gabe» utzi. SATSEren arabera, epaiak horren kontra egin du orain: nabarmendu du hortik «ondoriozta» daitekeela Osakidetzak osasun artaren «diseinu» bat egin duela zeinean larunbatetan ez baita herritarren osasunerako eskubidea behar bezala bermatzen.

Sindikatuko ordezkariek nabarmendu dute SATSEk «askotan» Osakidetzaren jokaeraren inguruan salatutakoa «frogatzen» duela ebazpen horrek: «Sindikatuen protesta isiltzen saiatzen da». Horiek horrela, langileen «oinarrizko eskubideak» urratzen dituela uste du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zumaian (Gipuzkoa) eguerdian egin dute ziztadak gaitzesteko elkarretaratzea. ©Urola Kostako Hitza

Eraso matxistak salatu dituzte Donostian, Gasteizen eta Algortan

Berria

Donostian lau emakumek ziztadak salatu dituzte, eta Zumaian eta Algortan banak. Elkarretaratzeak egin dituzte hiru leku horietan erasoak gaitzesteko. Donostian, gainera, gizon bat atxilotu dute bere bikotekideari laban batekin eraso egiteagatik.

XEEK taldeak Maulen ezarri duen afixa bat, atzoko protestarako. ©G. FAUVEAU

Espekulazioaren kontra protesta egin dute Maulen

Oihana Teyseyre Koskarat

Etxe agentzietan itzuli bat osatuz egin dute manifestazioa, eta salatu dute kostaldean dagoen etxebizitzaren krisia Zuberoara heltzen ari dela

Joxean Muñoz Otaegi eta Amagoia Gurrutxaga Uranga, Donostian. ©Maialen Andres, FOKU

«Utopien funtzioa energien aktibazioa da»

Jon O. Urain

Nola irudikatu gizarte hobeak, ipar gisa hartu eta bideari ekiteko. Utopiak ez dautza gatazkarik ezean, Martinezen ustez, gatazka «modu justuagoan» kudeatzean baizik. Gizarte hobeak ez baitira «zerutiarrak»: «Beti egongo dira egitekoak».

Ilustrazioa: Eider Eibar. ©

«Utopien funtzioa energien aktibazioa da»

Jon O. Urain

Nola irudikatu gizarte hobeak, ipar gisa hartu eta bideari ekiteko. Utopiak ez dautza gatazkarik ezean, Martinezen ustez, gatazka «modu justuagoan» kudeatzean baizik. Gizarte hobeak ez baitira «zerutiarrak»: «Beti egongo dira egitekoak».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...