Albistea entzun

Lan gatazkak

Greban dira gaur Bizkaiko eta Gipuzkoako ehungintza sektoreko langileak

ELAk merkataritza sektorearen egoera «jasanezina» salatu du. Biharko ere grebara deitu dute Bizkaiko langileek.

Langileak, arropa denda baten parean, Bilboko Kale Nagusian
Langileak, arropa denda baten parean, Bilboko Kale Nagusian ELA Tamaina handiagoan ikusi

Julen Otaegi Leonet -

2022ko ekainak 23 15:21

Merkealdien lehen egunean, itxirik dira kate handien hainbat denda. Beste batzuek irekirik jarraitzen dute, langile gutxi badira ere. Izan ere, Bizkaiko eta Gipuzkoako ehungintzako, larrugintzako eta oinetakoen sektoreko hainbat langilek planto egin dute.

Zazpigarren greba eguna dute gaurkoa Bizkaiko langileek; goizetik dihardute protestan Bilboko Kale Nagusian. 8.500 langileri eragiten die grebak. ELA sindikatuak «positibotzat» jo du gaurko lanuztea. Cecobi eta Bizkaidendak patronalei exijitu die negoziazioa blokeatzeari uzteko, eta «seriotasuna eta erantzukizuna» erakusteko. Atzo bertan elkartu zen negoziazio mahaia, baina, ELAk adierazi duenez, «ez zen nahikoa aurrerapausorik eman».

Proposamen «erregresiboak»

Egoera «jasanezina» dela salatu du sindikatuak, eta Cecobik eta Bizkaidendakek negoziazioan «elementu atzerakoiak» proposatzen dituztela gogoratu: antzinatasun plusa kentzea, gaixo agiriko %100eko osagarria kentzea, udako larunbat arratsaldeetako librantza kentzea, eta soldata KPIaren azpitik igotzea. Merkataritza sektorea «erabat» feminizatuta dagoela azpimarratu dute langileek; horien ia %98 dira emakumeak. «Beste behin ere, sektore feminizatuen lan egoeraren isla da», deitoratu dute.

12:30etik aurrera, grebalariak Bizkaiko Foru Aldundiaren parean bilduko dira. San Joan bezpera izanik, autara botako dituzte patronalen proposamen «erregresiboak». Langileek beren aldarrikapenak ere erreko dituzte.

Bihar ere beste greba egun bat antolatu dute, Bilboko Arriaga plazatik abiatuko dena, 12:00etan. Kale Nagusian amaituko dute mobilizazioa, patronalaren egoitzaren aurrean.

Gipuzkoan ere bai

ELAk eta LABek greba egun batera deitu dute gaur Gipuzkoako ehungintza sektorean. «Pikete informatiboak» egin dituzte goiz-eguerdi aldera Donostiako kaleetan, baita Urbil, Txingudi eta Mendibil zentro komertzialetan ere.

Adegi eta Gipuzkoako Merkatariak patronalei eskatu diete Gipuzkoako sektorearen «errealitatea» jasoko duen hitzarmena onartzeko. Izan ere, egoerak okerrera «nabarmen» egin duela salatu dute. 2.262 langilek dihardute Gipuzkoan ehungintzan, eta lan hitzarmen desberdinetan biltzen dira haien baldintzak: batzuenak, 2006-2009 artekoan (soldatak izoztuak dituzte); besteenak, 2010-2018 artekoan. Dena dela, egungo egoera larria hobetuko duen hitzarmen kolektibo bat eskatu dute gaur langileek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jatetxeak itxita eta jende oso gutxi Pekingo kaleetan, maiatzean. ©MARK R. CRISTINO / EFE

OMIKRONAREN KOLPEA

Olatz Urkia

Mundua koronabirusarekin bizitzen hasi den honetan, Txinak ez du bertan behera utzi nahi kutsaturik gabeko estrategia. Eta ordaindu beharreko prezioa altua da. Pandemia hasi zenetik bi urte baino gehiago pasatuta, orain hartu du Txinako ekonomiak kolperik gogorrena.

Kaiet Barberarena, Iholdiko Landaia etxaldean, Kintoa arrazako bere zerrien parkean, joan den ostiralean. ©I.E.

Laborariak kezkatu ditu prezioen goititzeak

Iñaki Etxeleku

Hazkuntzarako kanpoan erosi bazka, ongailu eta erregaien prezioak goratu izanak kinka gaiztoan ezarri ditu laborari franko. Iholdiko Landaia etxaldean ere bai, nahiz autonomia bilatzeak arriskua arintzen dion. Erresilientzia planeko dirua banatzeko Frantziak finkatu arauak, gainera, bazter utzi ditu ehunka etxalde.
Pedro Sanchez, Ministro Kontseilu bereziaren osteko agerraldian. ©Kiko Huesca / EFE

Espainiako Gobernuak 200 euroko txekea emango die errenta apaleko langileei, autonomoei eta langabeei

Irune Lasa

Kotizaziorik gabeko pentsioak %15 igoko ditu, eta garraio publikorako abonuak merkatuko. Pedro Sanchezek energia konpainien irabazien gaineko zerga berria iragarri du. «Gehien lortzen dutenek, ekarpen handiagoa egin behar dute sakrifizio kolektibora».

Pedro Azpiazu Jaurlaritzako Ekonomia sailburua, Eusko Legebiltzarrean, gaur. ©Irekia

Europako funtsetatik 1.090 milioi euro jaso dituzte Arabak, Bizkaiak eta Gipuzkoak

Iker Aranburu

Eusko Jaurlaritza kexu da funtsen banaketa oso motel doalako, eta etsita dago Espainiako Gobernuaren banaketa zentralistarekin.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...