Albistea entzun

Epaiketa

Epaiketa amaituta, Bilbon atxilotutako zazpi gazteen aurkako zigor eskaera mantendu du fiskaltzak

Gaur amaitu da 2021eko maiatzean Ernairen Bilboko manifestazio batean atxilotu zituzten zazpi gazteen aurkako epaiketa, eta bi edo hiru aste barru emango dute epaia.

Joan den asteazkenean epaitegien aurrean Ernaik egindako elkarretaratzea.
Joan den asteazkenean epaitegien aurrean Ernaik egindako elkarretaratzea. Marisol Ramirez / FOKU Tamaina handiagoan ikusi

Iñaut Matauko Rada -

2022ko ekainak 23

Joan den urteko maiatzean Ernaik gazteen «larrialdi» egoera salatzeko, eta burujabetza eta eraldaketa soziala aldarrikatzeko mobilizazioa egin zuen Bilboko eta Gasteizko kaleetan, eta Ertzaintzak zortzi gazte atxilotu zituen, zazpi Bilbon eta bat Gasteizen. Bestalde, antolatzaileen arabera, hirurogei pertsonatik gora zauritu zituzten poliziek kargetan, eta horietako bi ospitalean artatu behar izan zituzten.

Joan den asteazkenean hasi zen Bilbon atxilotutako zazpi gazteen aurkako epaiketa, eta atzo egin zen azken saioa. Fiskaltzak urtebete eta urte eta erdi arteko kartzela zigorrak eskatu ditu gazteentzat, eta 20.000 euroko ordainketa isunetan eta kalte ordainetan. Fiskaltzak akordio batera iristea eskatu zion gazteen defentsari, baina ezezkoa eman zioten eskaera horri, akusazioei «zilegitasunik ez emateko».

Epaiketa amaituta, fiskaltzak ez du aldatu zazpi gazteen aurka eskatzen dituen zigorrak, eta epaia eman arte itxaron beharko dute behin betiko zigorra jakiteko. Bi edo hiru aste barru emango dute epaiaren berri.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©IÑIGO URIZ / FOKU

«Gure erronka da nola lotu nazio proiektua oraingo borrokekin»

Joxerra Senar

Hiru urteko etenaldiaren ostean, Plaza Hutsa egingo du Sortuk Burlatan bihar. Militantziaren bilgune horretan, herrigintzari buruz gogoeta egin eta ildo bat ezarri nahi diete aurretik ezarritako sei eremu estrategikoei.
Dozenaka jende agertu zen atzo Baionako auzitegi aitzinean, auzipetuei sostengua erakustera. ©GUILLAUME FAUVEAU

Martxoaren 9an emango dute 11 'bakegileren' inguruko deliberoa

Ekhi Erremundegi Beloki

Hamar auzipeturentzat 950 euroko isuna eskatu du fiskalak, gibelapenarekin. Uztailaren 23ko protestetan autobidea blokeatzea egotzita epaitu dituzte. Ekintza justifikatu dute guziek

Iratxe Sorzabalen zauriak, 2001eko atxiloaldiaren ostean. ©Berria

Iratxe Sorzabalen kontrako zigorra berretsi du Auzitegi Gorenak, torturak ukatuta

Berria

Euskal preso horrek pairatutako torturen berri eman izanak ez du «egiaztatzen» halakorik sufritu zuenik, Gorenaren arabera.

Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburua, iazko azaroan, Eusko Legebiltzarrean. ©JAIZKI FONTANEDA / FOKU

Artolazabalek otsailaren 14an utziko du sailburu postua

Mikel Elkoroberezibar Beloki

EAJren Gasteizko alkategaia izango da Artolazabal, eta kanpainaurreari heltzeko utziko du Berdintasun, Justizia eta Gizarte Politiketako sailburu postua. Esan duenez, «oso gustuko» izango luke bere ordezkoa emakume arabar bat izatea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.