Osasun publikoaren alde inbertsio handiagoak egiteko eskatu diote igandean, beste behin, Eusko Jaurlaritzari. SATSE, ELA, LAB, CCOO, UGT eta ESK sindikatuek deituta, milaka lagun elkartu dira Bilbon. Lehen mailako arretaren egoera larria dela salatu dute.
📢âÂœŠðŸ˜¡ Osasungintzaren aldeko manifestazioa: herritarrak, elkarteak eta sindikatuak gaude gaur hemen, Sagardui sailburuari esateko guk osasun publikoaren aldeko apustua egiten dugula eta babestu egin nahi dugula. pic.twitter.com/wxd2664P21
— SATSE Euskadi (@SATSE_Euskadi) June 26, 2022
Pribatizazioaren, murrizketen eta lehen arreta desegitearen kontra egin dute, eta, besteak beste, EH Bilduk ere parte hartu du mobilizazioan. Osakidetza salba dezagun lelopean, Osakidetza «desegiten» ari dela adierazi dute.
Dena den, sindikatuek uste dute oraindik garaiz daudela egoera hobetzeko, eta Jaurlaritzari eskatu diote negoziazioaren alde egiteko.
📢 Zerbitzu publikoak defenda ditzagun!
— LAB Osakidetza (@LABosakidetza) June 26, 2022
Ibilbidean aurrera doa #Bilbo-ko manifestazio jendetsua.
âÂœŠðŸ»#OsakidetzaBorrokan
âÂÂœÂÂ…#PublikoEtaIndartsupic.twitter.com/n1erruIgWt
Azken asteetan garrantzia hartu du osasungintza publikoaren aldeko aldarriak, nagusiki, Gotzone Sagardui Osasun sailburuak duela bi aste egindako adierazpenen ostean. Lehen arreta eta ospitale sarea «birdefinitzeaz» mintzatu zen sailburua: «Beharrezkoa da aldaketa kultural bat, erabiltzaileek eta osasun profesionalek uler dezaten eskualdeko ospitale eredu batetik ospitale espezializatu batera aldatzeak mugikortasun handiagoa ekarriko duela», esan zuen.
Sindikatuek osasun sailburuaren dimisioa ere eskatu dute azken agunetan.