Albistea entzun

Ezbeharra

Zazpi behintzat badira Dolomitetako glaziarrean hildakoak

Punta Rocca tontorrera igotzeko bidean jausi zen Marmolada glaziarra, igandean. Erreskate zerbitzuak biktima gehiagoren bila ari dira; hamahiru lagun daude harrapatuta.

Jon Ordoñez Garmendia - Hodei Iruretagoiena -

2022ko uztailak 5 12:31

Ezbehar larria izan zen igandean Dolomitetan, Italian. Marmolada glaziarraren zati bat jausi egin zen arratsalde hasieran. Gutxienez zazpi pertsona hil dira –hiru italiar eta txekiar bat identifikatu dituzte oraingoz–, bederatzi zauritu dira —horietako bat larri— eta hamahiru desagertu egin direla uste dute eskualde horretako larrialdi zerbitzuek –hamar italiar eta hiru txekiar–. Lau lagun atera dituzte bizirik, baina Alex Barattin salbamendu taldeetako bozeramaileak aitortu du «ia ezinezkoa» izango dela beste inor bizirik aurkitzea. Bila jarraitzen dute hala ere, helikopteroekin eta droneekin, arriskutsuegia baita lekura bertara joatea.

Punta Rocca tontorretik gertu zen ezbeharra, eta bete-betean harrapatu zuen tontorrera igotzeko erabiltzen den ohiko bidea; ondorioz, hainbat mendizale harrapatu zituen azpian. Lekukoen arabera, glaziarra bitan zatitu da, eta 300 metro zabal zen izotz geruza bat jausi da, bidean harrapatzen zuen guztia aurretik eramanez.

«Hots handia entzun dugu, eraisketa baten modukoa. Gero, elur eta izotz jausi bat ikusi dugu ziztu bizian, eta hor konturatu naiz zerbait larria zela», adierazi zuen atzo Castiglioni Marmolada aterpetxeko kudeatzaileetako batek.

Ikusi gehiago: Eñaut Izagirre: «Izotz urtzearen eta prezipitazio uren presioak eragin du hondamendia»

Atzo Marmoladan inoiz erregistratu den tenperaturarik beroena izan zuten: 10 gradu. Elur geruzak urtuz joan dira azken egunetan:

Helikopteroekin eta txakurrekin ari dira bila

Biktima gehiagoren bila ari dira erreskate zerbitzuak; gutxienez bost helikoptero eta txakurrekin lagundutako hainbat talde dabiltza lan horretan.

Ingurua hustu egin dute, Marmolada glaziarraren zati gehiago eror daitezkeelakoan. Gorpuak izotzetatik atera, eta Canazei herriko kirol jauregira eraman dituzte. Psikologo talde bat eraman dute hara, hildakoen senideak artatzeko. Zaurituak Trento, Bolzano, Belluno eta Treviso hirietako ospitaletara eraman dituzte.

Asko balio du irakurri duzun albiste/artikulu honek. Talde baten lanaren emaitza da.

Albiste hau zuri helarazteko eta talde honek bere lana baldintza egokietan egin dezan, BERRIAk ezinbestekoa du zure sostengua.

Zure babes ekonomikoarekin, aldi hau kontatzeko funtzioa betetzen jarraitu nahi dugu: kazetaritza konprometitu, kalitatezko eta independentea egiten.

Albiste gehiago

Ukrainako armadako soldadu bat, tanke bat ondoan duela, aurreko uztailean Donetsk eskualdean (Ukraina). ©OLEG PETRASIUK / EFE

Fronteko lerroa ia ez da mugitu

Igor Susaeta

Hiru hilabete igaro dira Ukrainak kontraerasoa hasi zuenetik, baina ezin izan du eman aurreikusitako aurrerapausorik. Horrek eragina izan dezake Mendebaldearen jarreran.
Brasilgo indigena bat, atzo, herrialdeko Auzitegi Gorenaren aurrean, negarrez, indigenen lur jabetza eskubideari buruzko epaiaren berri izan ostean. ©Andre Borges, EFE

Indigenen jabetza eskubidea mugatzearen kontra ebatzi du Brasilgo Gorenak

Gorka Berasategi Otamendi

Nekazaritza eta abeltzaintza industrialaren lobbyak eta ultraeskuinak aurkeztutako argudioen kontra egin du epaileen gehiengoak. Horiek eskatzen zuten indigenen lurren aitortza mugatzea 1988an okupatuta zituztenetara.

Libia, beste krisi bat eragozteko premia

Beste krisi bat eragozteko premia

Gorka Berasategi Otamendi

'Daniel' ekaitzak milaka lagun hil ostean, Libiako Derna hirian ia galdua da inor bizirik topatzeko itxaropena. Erreskate lanetan izan diren Accion Norteko kideek azaldu dutenez, epidemiarik ez sortzea dute orain lehentasuna.
Batasun Nazionaleko Gobernuko lehen ministroa, 2021eko irudi batean. ©EFE

Zatiketa amaitzeko deia

Ricard Gonzalez

Libiako egoera politiko kaotikoak zerikusia izan du hondamendiaren larritasunarekin: herrialdea bi gobernutan zatituta dago. Uholdeek berriz utzi dute agerian batasunerako beharra.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...