Albistea entzun

Sare sozialak

Whatsappek aukera emanen du norbera online den ezkutatzeko

Aplikazioak beste urrats bat egin du herritarren pribatutasuna zaintze aldera. Aurrerantzean, erabiltzaileek ez dute zertan erakutsi beharko konektatuak diren ala ez.

IAN LANGSDON/EFE Tamaina handiagoan ikusi

Uxue Rey Gorraiz -

2022ko uztailak 5

Azken konexioa zer ordutan izana zen ezabatzeko aukera eman zuen lehenbizi Whatsappek, bai eta hartzaileak mezua irakurria ote zuen adierazteko ikur urdina itzaltzekoa ere; neurriok batzuen zorionerako izan dira, beste batzuen endredorako. Hala eta guztiz ere, ezinbestean, erabiltzaileen pribatutasuna zaintzeko pauso inportanteak izan ziren orduko horiek, eta, geroztik, bide beretik segitu du aplikazioak. Orain gutxi egin du azken aldaketa: erabiltzaileak ezkutatu egiten ahalko du online dagoen edo ez.

Orain arte, ezinezkoa zen informazio hori desagerraraztea. Azken konexioaren ordua ez ematea posible izanik ere, elkarrizketaren beste aldean zen pertsonak aise ikus zezakeen une horretantxe bestea konektaturik zen edo ez. Aurrerantzean, norberak hartuko du horren gaineko erabakia.

Halaber, ez da Whatsappek iragarritako neurri bakarra. Oraindik indarrean ez bada ere, aplikazioak jakinarazi du iraungitze datadun mezuak bidaltzeko aukera zabalduko duela aurki. Hau da, erabiltzaileak posible izanen du zehaztea zer denbora tartetan izanen den posible mezua irakurtzea. Epemuga hori igarota, idatzitakoa desagertu eginen da elkarrizketatik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Berdea nola berdatu

Berdea nola berdatu

Enekoitz Telleria Sarriegi

Hosto berdeko barazki eta landareak ohikoak dira entsaladetan. Gero eta aniztasun handiagoa dago: tonu, forma, testura eta propietate ezberdinak dituzte.

Rafa Gorrotxategi, Tolosako Txokolatearen Museoan. ©JON URBE / FOKU

Bisita gozoa Tolosako museoan

Iraia Irazusta Mujika

Tolosako Txokolatearen Museoa 2020tik dago zabalik. Bisita gidatu zein birtualen bidez ezagutu daiteke, eta hainbat tailer egiteko aukera ematen du, txokolatearekin jolasteko

 ©ENDIKA PORTILLO / FOKU

«Jaiak gasteiztarron topagune dira»

Unai Etxenausia

Kazetari eta parrandazale moduan ezagutu ditu Fiestrasek Andre Maria Zuriaren festak urteetan. Bizitza osoan bi urtez baino ez du huts egin, eta datozen guztiez «gozatzeko asmoa» daukala iragarri du.
2 ©JAIZKI FONTANEDA / @FOKU

Jana eta edana azkenera arte

Eider Etxeberria Soria

Zeledonen igoerarekin amaitu dira Gasteizko Andre Maria Zuriaren jaiak. Gasteiztarrek azkenera arte zukutu dituzte festa egunak. Txorizoa eta patatak banatu dituzte kuadrillek, eta buruhandi eta erraldoien konpartsak kalejiran ibili dira. Tabernariak gustura daude jaiekin.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...