Albistea entzun

Zuzenekoa

Osasungintzako langileei eta AEA dutenei eskaini die txupinazoa Unzuek

Hiru urteren ondoren, zuria eta gorria itzuli dira Iruñeko kaleetara. Aurten ere ikurrina, Nafarroako bandera eta euskal presoen eskubideen aldeko bandera izan dira plazan, baita GKSko bat ere.

Zaurituak artatzen kale ertzean

Hodei Iruretagoiena -

2022ko uztailak 6

Bi urtez ezin izan dira nahi bezala ospatu, baina azkenean hasi dira Euskal Herriko festarik entzutetsuenak. Hiru urte badira azken sanferminak amaitu zirela, eta gogoz sumatzen zen jendea aurtengorako. Euritan ere goraino bete dira Udaletxe plaza eta inguruak; txupinazoarekin batera lehertu da festa. "Iruindarrak!", esan du, ohi bezala, Juan Carlos Unzue futbolari ohiak, eta suziria piztu du. Osasungintzako langileei, pandemian zehar "lagundu gaituztenei" eta AEA alboko esklerosi amiotrofikoa daukatenei eskaini die txupinazoa.

Zapi gorriez gain, pankarta batzuk baziren plazan aurten ere, Poliziaren hesiak gaindituta. Ikurrinak eta Nafarroako ikurrak, euskal presoak etxeratzearen aldeko mezua eta "Sozialismoa eraiki" zioen GKSren pankarta bat ere ikusi ahal izan dira jendetzaren artean.

Goizean goizetik bete du jendetzak Iruñeko Alde Zaharra, eta Poliziaren kontrola ere nabaria izan da. Udalaren esanetan, 2.700 agente baino gehiago arituko dira festetan; droneak ere bazebiltzan zeruan gaur. Iruñetik kanpoko poliziak ere ekarri dituzte:

Txupinazoaren ondoren, Manuel Gainzak egindako biribilketa jo dute La Pamplonesak eta udal bandako gaiteroek. Azken urteetan ez bezala, plazan bertan jo dituzte festetako lehen abestiak, biribilketa eta Agur Jaunak. Udaltzainek ireki behar izan diete bidea, baina ez da aparteko eragozpenik izan.

Tradizioak agindutakoak beteta, festa etengabean murgilduko da Nafarroako hiriburua uztailaren 14ra bitartean; 204 orduz, jai giroa nagusituko da txoko guztietan. Kontzertuak, dantzaldiak, bazkari eta afariak... Denetarik izango da —horra gaurko eta biharko programatutako ekitaldi batzuk—.

Ikusi gehiago: Honela kontatu du BERRIAk txupinazoa

Ikusi gehiago: Ba al dakizu?

Ikusi gehiago: Iruñean salatu dute zezenketak «iraganean» gelditu direla eta «eboluzionatzeko garaia» dela

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ANDONI CANELLADA / FOKU

«Hiriaren identifikazio bilakatu dira erraldoiak eta buruhandiak»

Joseba Arratibel Ladron

Muñozek tradizioari eutsi nahi dio Donostiako erraldoi eta buruhandiekin, eta, hori gal ez dadin, liburu batean dena biltzea erabaki du, beste 40 urte bete ditzaten, baita konpartsak beste 25 ere.
Bi neska, puntu morean informazioa eskatzen, atzo. ©IÑIGO URIZ / FOKU

Puntu eder bat orbanen artean

Enekoitz Telleria Sarriegi

Indarkeria sexistaren aurka jarritako puntu moreak oso harrera ona izan du jendearen artean. Bulebarreko artatze gunea «erreferentziazko babes espazio» bihurtu dela diote han ari direnek.
1 ©JON URBE / @FOKU

Itsasargia izan da testigu

Miren Mujika Telleria

Mendikateak baino gehiago, itsasertzak lotu zituen Zetak taldea eta entzuleak. Izan ere, taldearen kantu bakoitzak goraino bete zuen Sagueseko plaza, gau giro ederrean. Zetak taldeak ez ezik, beste zenbait musika estilok eta taldek ere girotu zuten Donostia asteartean: La Jodederak, Miau DJak eta Ainhoa Larrañagak.
Anunnaki etxeko vogue dantzariak Iruñeko Alde Zaharrean, joan den urrian, Labak antolatutako bestan. ©IÑIGO URIZ / FOKU

Euskal mitologiaren ibiltokia

Iker Tubia

Euskal kulturako kondairak gai hartuta, 'vogue' erakustaldi eta txapelketa eginen dute Burlatan. 'Voguing' kultura ikusarazi nahi dute. Atzerriko 'ballroom' eszenako kideak ere ariko dira

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...