Albistea entzun

Gerra Ukrainan

Atera da laborez beteriko lehenengo zamaontzia Ukrainatik

Ukrainako uzta aurten ohikoaren erdia izango dela iragarri du Kievek. Mikolaiven, labore esportatzaile nagusietako bat hil dute bonbardaketa batean, Ukrainako gizonik aberatsenetako bat ere bazena.

'Razoni' ontzia, gaur, Odesako kaitik ateratzen.
'Razoni' ontzia, gaur, Odesako kaitik ateratzen. Turkiako Defentsa MInisterioa Tamaina handiagoan ikusi

Edu Lartzanguren -

2022ko abuztuak 1

Errusiak Ukraina inbaditu zuenetik, ez da Ukrainako laborerik esportatu zamaontzi bidez, hegoaldeko kaiak errusiarrek harturik edo blokeaturik daudelako. Horrek aleak garestitzea ekarri du mundu osoan, eta gosetearen inguruko beldurra zabaldu da, Ukraina baita planetako labore esportatzaile nagusietako bat, eta herrialde asko horren alearen mende baitaude populazioa elikatzeko. Turkiak artekari lanak egin ditu Ukrainaren eta Errusiaren artean, laboreen esportazioa desblokeatzeko, eta, Kievek baieztatu duenez, gaur goizaldean atera da lehenengo zamaontzia Ukrainatik.

Razoni ontzia 06:15 aldera atera da Odesako portutik. 26.000 tona arto eramango ditu Libanora. Bihar arratsaldean da heltzekoa Tripolira, plangintzaren arabera.

Recep Tayyip Erdogan Turkiako presidentearen eledun Ibrahim Kalinek Kanal 7 telebistan gaineratu duenez, Istanbulen jarri duten koordinazio zentroak laster amaituko ditu esportatzeko bide seguruak zehazteko lanak.

Esportazioei berriz ekin badiete ere, ikuskizun dago horrek nola eragingo dien laboreen merkatuei, eta, ondorioz, alearen prezioari. Izan ere, Volodomir Zelenski Ukrainako presidenteak iragarri du litekeena dela aurten Ukrainak normalean biltzen duen uztaren erdia jasotzea.

Laboreak arma estrategiko bihurtu dira Ukrainako gerran. Errusiari egotzi dioten bonbardaketa batean, Ukrainako gizonik aberatsenetako bat hil dute Mikolaiv hirian, Oleksiy Vadaturski. Bere etxean hil dute. Nibulon konpainia esportatzailearen buru zen, eta laborea esportatuz aberastu zen. Besteak beste, zamaontzi talde baten jabe da konpainia. Kieveko Gobernuko aholkulari Mikhailo Podoliakek esan duenez, Vadaturski hiltzea ez da istripua izan, baizik eta «ongi pentsaturiko eta antolaturiko hilketa» bat.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

<b>Erantzuna.</b> Lore eskaintza, Bartzelonako Rambletan, 2017an. ©Q.G. / EFE

Erasoen osteko galdera gordinak

Gorka Berasategi Otamendi

Bartzelonako eta Cambrilseko atentatuek ezin ulertua eragin zuten, egileak gizartean «integratuta» zeuden gazte batzuk zirelako. 16 hildako eta 140 zauritu utzi zituzten.
«Eskoletan egiten ari dena ez da prebentzioa, antiterrorismoa da»

Ikatza baliatzen duen argindar fabrika bat, iaz, Dattelnen, Alemanian. ©FRIEDEMANN VOGEL / EFE

Karbono isuriak pandemia aurreko mailara heldu dira ia Europan

Arantxa Elizegi Egilegor

Aurtengo lehen lauhilekoan %6 handitu dira CO2 isurketak, iazko epe berarekin alderatuta. Bakarrik Finlandiak eta Norvegiak lortu dute isurketak murriztea. Bulgarian izan da igoera handiena: %38koa

 ©BERRIA

«Eskoletan egiten ari dena ez da prebentzioa, antiterrorismoa da»

Gorka Berasategi Otamendi

Erradikalizazio prozesua askotariko faktoreen uztartze bat da, Vidalen iritziz. Ohartarazi du nazioarteko politikek ere zuzeneko eragina dutela indarkeria jihadistaren indartzean.
Lula aurretik dela hasi dute Brasilgo bozetarako kanpaina

Lula aurretik dela hasi dute Brasilgo bozetarako kanpaina

Lide Iraola

Inkesten arabera, botoen %44 eskuratuko lituzke Langileen Alderdiko hautagaiak. Urrian egingo dituzte presidentetzarako hauteskundeak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...